Вывучаць грамадзкую думку жыхароў сталіцы адносна сваёй працы менскія міліцыянты будуць зь сёньняшняга дня цягам двух тыдняў. Паводле кіраўніка прэсавай службы менскага ГУУС Алега Сьлепчанкі, гэта стала адным з мэтадаў так званай “зваротнай сувязі” з насельніцтвам.
( Сьлепчанка: ) “Ужо каля трох гадоў менская міліцыя, як і міліцыя рэспублікі, падводзіць вынікі сваёй працы ў адпаведнасьці з меркаваньнем грамадзянаў. Меркаваньнем пра тое, ці адчуваюць яны сябе ў бясьпецы, ці хапае міліцыянтаў на вуліцах горада і гэтак далей”.
Паводле Алега Сьлепчанкі, рэагаваньні на заўвагі, якія выказваюць людзі падчас апытаньняў, дапамагаюць вырашаць праблемы і ў выніку падвысіць давер грамадзянаў да органаў правапарадку. Апытваюць мінакоў самі ж супрацоўнікі прэсавай службы: запісваюць меркаваньні людзей на відэа, улічваюць просьбы тых, хто ня хоча паказваць свой твар, імкнуцца захаваць сацыяльную і ўзроставую структуру грамадзтва.
( Сьлепчанка: ) “У нас дастаткова рэпрэзэнтатыўнае апытаньне. Спэцыялісты яго гэтак ацанілі”.
Грамадзкую думку міліцыянты будуць вывучаць таксама з дапамогай анкетаваньня, у тым ліку праз мэдыі.
Наколькі карэктныя вынікі такога дасьледаваньня? Вядомы ў Беларусі сацыёляг Алег Манаеў перакананы, што дакладнае вывучэньне грамадзкай думкі можна забясьпечыць толькі праз прафэсійную сацыялягічную службу.
(Манаеў: ) “Калі яны сваімі сіламі гэта рабілі і працягваюць рабіць, а менавіта, просяць свае УВД-РОВД распаўсюдзіць анкеты, альбо праз ўчастковых , тыя ходзяць па сваіх участках, апытваюць людзей. Калі яны гэтак робяць, то цана гэтаму тая самая, як з відэакамэрамі на вуліцах—абсалютны грош”.
Маё кароткае апытаньне мінакоў пра давер да менскай міліцыі дало наступныя вынікі. ( Хлопец: ) “Ня вельмі давяраю, таму што, прыкладам, ня ведаю, ці будуць мяне абараняць міліцыянты, калі мяне нехта будзе біць за бел-чырвона-белы сьцяг. Яны могуць сказаць, ну і хай цябе бьюць”.
( Дзяўчына: ) “Я б даверылася, але не ў кожным выпадку. У некаторых бытавых сытуацыях, верагодна да, ў экстрэмальных сытуацыях, верагодна не”.
( Сьлепчанка: ) “Ужо каля трох гадоў менская міліцыя, як і міліцыя рэспублікі, падводзіць вынікі сваёй працы ў адпаведнасьці з меркаваньнем грамадзянаў. Меркаваньнем пра тое, ці адчуваюць яны сябе ў бясьпецы, ці хапае міліцыянтаў на вуліцах горада і гэтак далей”.
Паводле Алега Сьлепчанкі, рэагаваньні на заўвагі, якія выказваюць людзі падчас апытаньняў, дапамагаюць вырашаць праблемы і ў выніку падвысіць давер грамадзянаў да органаў правапарадку. Апытваюць мінакоў самі ж супрацоўнікі прэсавай службы: запісваюць меркаваньні людзей на відэа, улічваюць просьбы тых, хто ня хоча паказваць свой твар, імкнуцца захаваць сацыяльную і ўзроставую структуру грамадзтва.
( Сьлепчанка: ) “У нас дастаткова рэпрэзэнтатыўнае апытаньне. Спэцыялісты яго гэтак ацанілі”.
Грамадзкую думку міліцыянты будуць вывучаць таксама з дапамогай анкетаваньня, у тым ліку праз мэдыі.
Наколькі карэктныя вынікі такога дасьледаваньня? Вядомы ў Беларусі сацыёляг Алег Манаеў перакананы, што дакладнае вывучэньне грамадзкай думкі можна забясьпечыць толькі праз прафэсійную сацыялягічную службу.
(Манаеў: ) “Калі яны сваімі сіламі гэта рабілі і працягваюць рабіць, а менавіта, просяць свае УВД-РОВД распаўсюдзіць анкеты, альбо праз ўчастковых , тыя ходзяць па сваіх участках, апытваюць людзей. Калі яны гэтак робяць, то цана гэтаму тая самая, як з відэакамэрамі на вуліцах—абсалютны грош”.
Маё кароткае апытаньне мінакоў пра давер да менскай міліцыі дало наступныя вынікі. ( Хлопец: ) “Ня вельмі давяраю, таму што, прыкладам, ня ведаю, ці будуць мяне абараняць міліцыянты, калі мяне нехта будзе біць за бел-чырвона-белы сьцяг. Яны могуць сказаць, ну і хай цябе бьюць”.
( Дзяўчына: ) “Я б даверылася, але не ў кожным выпадку. У некаторых бытавых сытуацыях, верагодна да, ў экстрэмальных сытуацыях, верагодна не”.
