Лінкі ўнівэрсальнага доступу

Абмеркаваньне “віленскай ініцыятывы” адкладзена


Радыё Свабода На паседжаньні Палітрады дэмакратычных сілаў вырашана правесьці першае абмеркаваньне ініцыятывы Віктара Івашкевіча праз два тыдні. У гэтым пытаньні будзе працаваць адмысловая рабочая група.

Старшыня АГП Анатоль Лябедзька настойвае на абмеркаваньні ініцыятывы Віктара Івашкевіча.

(Лябедзька: ) “Шчыра кажучы, я прыйшоў, каб абмяркоўваць тое, што некаторыя сёньня называюць “віленскай ініцыятывай”, альбо тыя прапановы, якія сфармуляваў Віктар Івашкевіч. Але, на жаль, гэтага не было. Я лічу, што сёньня гэта найбольш актуальнае пытаньне, вырашэньне якога дае адказы на тыя дыскусійныя фрагмэнты, што назіраюцца ўвесь час пасьля 19 сакавіка.

Гэта можа быць рэальна напоўненай зьместам і дзейнасьцю стратэгіяй. Усё ж такі самае галоўнае – гэта прапановы Віктара Івашкевіча. Не таму, што гэта грунтуецца на нашых падыходах. Насамрэч, гэта зьвязана зь дзейнасьцю людзей, гэта праца з насельніцтвам. Гэта якраз тое, чаго нам не хапала пасьля 19 сакавіка”.

“Віленская ініцыятыва” ня вынесена й на наступнае пасяджэньне палітрады. Адна са структур аб’яднанай кааліцыі ўзяла паўзу, каб уласна абмеркаваць гэтае пытаньне.

Каардынатар рабочай групы кааліцыі ў справе ініцыятывы Віктара Івашкеіча Вацлаў Арэшка заявіў:

(Арэшка: ) “Вялікага жаданьня рэфармаваць кааліцыю ніхто асабліва ня выявіў. Я баюся, што гэты працэс будзе даволі вяла ісьці. Але мы будзем спрабаваць неяк варушыць яго. 5-га верасьня мы зьбіраем гэтую групу адносна ініцыятывы Віктара Івашкевіча – пра ўдасканаленьне кааліцыі. Павінны прыйсьці прадстаўнікі суб’ектаў і выказаць думкі, якія яны ў сваіх суб’ектах, партыях, арганізацыях надумалі”.

Намесьнік старшыні партыі БНФ Віктар Івашкевіч прапанаваў пачаць вылучэньне дэлегатаў на чарговы кангрэс дэмакратычных сілаў. Паводле спадара Івашкевіча, суб’екты кааліцыі павінны вылучаць кандыдатаў у дэпутаты на мясцовых выбарах шляхам збору подпісаў. Тыя кандыдаты, якія набяруць ня менш за 500 подпісаў выбарцаў, аўтаматычна аказваюцца дэлегатамі кангрэсу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG