Лідэр незарэгістраванай уладамі Партыі свабоды й прагрэсу Ўладзімер Навасяд сказаў, што сёньня перад палітрадай адбудзецца пасяджэньне Эўрапейскай кааліцыі, якая выпрацуе кансалідаваны погляд на прапанову спадара Івашкевіча. Спадар Навасяд пераказаў заяву, перададзеную Мікалаем Статкевічам.
(Навасяд: ) “Мы павінны праводзіць кангрэс толькі перад парлямэнцкімі выбарамі, альбо ў выпадку пагрозы сувэрэнітэту й незалежнасьці Беларусі. Спадар Статкевіч адзначае: калі будуць такія прапановы зьбіраць кангрэс да мясцовых выбараў, то Эўрапейская кааліцыя ў такім кангрэсе ўдзелу браць ня будзе”.
Паводле спадара Навасяда, сёньня трэба рыхтавацца да мясцовых выбараў і весьці працу ў рэгіёнах. Што да вылучэньня кандыдатаў у дэпутаты, то партыі, хутчэй за ўсё, і будуць вылучаць іх шляхам збору подпісаў. А сабраць 500 подпісаў – не такая ўжо й складаная задача.
Паводле старшыні Сацыял-Дэмакратычнай Грамады Станіслава Шушкевіча, прапанова Віктара Івашкевіча робіць працэс бясконцым.
(Шушкевіч: ) “Павінна быць мэта, а мэты тут няма. Мэта павінна быць пазначана. Таму што людзі не заўсёды ведаюць, пад чым яны ставяць подпісы. І канкураваць у зборы подпісаў – я ня бачу такой патрэбы... Калі зборшчыкі будуць вызначаць лёс кангрэсу – гэта ня лепшы варыянт. Але раз людзі хочуць гэтым займацца, то няхай займаюцца.
Цяпер склалася такая сытуацыя, што кангрэс патрэбен. Толькі сьпяшацца з гэтым ня трэба. Трэба, каб ён выглядаў нармальным зрэзам грамадзтва. А калі дэлегаты будуць абраны па мэтодыцы Івашкевіча, то кангрэс акажацца зрэзам зборшчыкаў, а не сэнсоўшчыкаў”.
Старшыня закрытай уладамі Партыі працы Аляксандар Бухвостаў заявіў, што ініцыятыву спадара Івашкевіча трэба абмяркоўваць, бо гэтае пытаньне спрэчнае.
(Бухвостаў: ) “Мэта кангрэсу? Калі абіраць новага лідэра, то, канечне, можна так рабіць. Але я лічу, што пакуль ня трэба. Цяпер трэба дамовіцца з кіраўнікамі партый пра сумесную працу й пра нейкую дысцыпліну й адказнасьць перад сабой. Таму што пакуль бачна толькі безадказнасьць у кааліцыі апазыцыйных сіл”.
(Навасяд: ) “Мы павінны праводзіць кангрэс толькі перад парлямэнцкімі выбарамі, альбо ў выпадку пагрозы сувэрэнітэту й незалежнасьці Беларусі. Спадар Статкевіч адзначае: калі будуць такія прапановы зьбіраць кангрэс да мясцовых выбараў, то Эўрапейская кааліцыя ў такім кангрэсе ўдзелу браць ня будзе”.
Паводле спадара Навасяда, сёньня трэба рыхтавацца да мясцовых выбараў і весьці працу ў рэгіёнах. Што да вылучэньня кандыдатаў у дэпутаты, то партыі, хутчэй за ўсё, і будуць вылучаць іх шляхам збору подпісаў. А сабраць 500 подпісаў – не такая ўжо й складаная задача.
Паводле старшыні Сацыял-Дэмакратычнай Грамады Станіслава Шушкевіча, прапанова Віктара Івашкевіча робіць працэс бясконцым.
(Шушкевіч: ) “Павінна быць мэта, а мэты тут няма. Мэта павінна быць пазначана. Таму што людзі не заўсёды ведаюць, пад чым яны ставяць подпісы. І канкураваць у зборы подпісаў – я ня бачу такой патрэбы... Калі зборшчыкі будуць вызначаць лёс кангрэсу – гэта ня лепшы варыянт. Але раз людзі хочуць гэтым займацца, то няхай займаюцца.
Цяпер склалася такая сытуацыя, што кангрэс патрэбен. Толькі сьпяшацца з гэтым ня трэба. Трэба, каб ён выглядаў нармальным зрэзам грамадзтва. А калі дэлегаты будуць абраны па мэтодыцы Івашкевіча, то кангрэс акажацца зрэзам зборшчыкаў, а не сэнсоўшчыкаў”.
Старшыня закрытай уладамі Партыі працы Аляксандар Бухвостаў заявіў, што ініцыятыву спадара Івашкевіча трэба абмяркоўваць, бо гэтае пытаньне спрэчнае.
(Бухвостаў: ) “Мэта кангрэсу? Калі абіраць новага лідэра, то, канечне, можна так рабіць. Але я лічу, што пакуль ня трэба. Цяпер трэба дамовіцца з кіраўнікамі партый пра сумесную працу й пра нейкую дысцыпліну й адказнасьць перад сабой. Таму што пакуль бачна толькі безадказнасьць у кааліцыі апазыцыйных сіл”.
