На канцэрт прыйшлі некалькі тысячаў гледачоў, пераважна маладых.
Адразу на пачатку імпрэзы вядучы Аляксандр Памідораў заклікаў усіх прысутных не даставаць бел-чырвона-белых сьцягоў, паколькі ў такім выпадку канцэрт можа быць разагнаны. Але нацыянальныя колеры, тым ня менш, прысутнічалі на імпрэзе – многія гледачы прынесьлі бел-чырвона-белыя парасоны, часам над натоўпам луналі і сьцягі.
Падчас выступу, бадай, самага папулярнага беларускага рок-гурту “N.R.M.” многія гледачы ня ўстрымаліся і над людзьмі ўзьняліся некалькі бел-чырвона-белых сьцягоў. Міліцыянты ў цывільным зайшлі ў натоўп і сталі назіраць за падзеямі. Канцэрт быў прыпынены, і выступоўцы папрасілі юнакоў прыбраць сьцягі, каб не было непатрэбных затрыманьняў і судоў.
У перапынку паміж выступамі гуртоў слова ўзяў старшыня БНФ Вінцук Вячорка, які згадаў падзеі 15-гадовай даўнасьці. Прадстаўнікі міліцыі сказалі, што не пярэчаць выступам палітыкаў паміж песьнямі. Увогуле, вакол плошчы было даволі шмат АМОНаўцаў – байцы спэцназу сядзелі на лаўках.
Цягам чатырох гадзінаў выступілі гурты “N.R.M.”, “Neurodubel”, “Таварыш Маўзэр”, “PLAN”, “Band A”, “Крама”, “Партызанская школа”, “Памідор/OFF” ды іншыя.
Арганізатары плянавалі правесьці канцэрт 27 ліпеня, але гарадзкія ўлады тады не далі дазволу. Гэтым разам бясплатны канцэрт быў санкцыянаваны ўладамі.
Першым выступіў гурт "Band A"
Раз-пораз над гледачамі ўзносіцца бел-чырвона-белы сьцяг
Публіка вітае гурт "Партызанская школа"
На сцэне – гурт "Крама"
Адразу на пачатку імпрэзы вядучы Аляксандр Памідораў заклікаў усіх прысутных не даставаць бел-чырвона-белых сьцягоў, паколькі ў такім выпадку канцэрт можа быць разагнаны. Але нацыянальныя колеры, тым ня менш, прысутнічалі на імпрэзе – многія гледачы прынесьлі бел-чырвона-белыя парасоны, часам над натоўпам луналі і сьцягі.
Падчас выступу, бадай, самага папулярнага беларускага рок-гурту “N.R.M.” многія гледачы ня ўстрымаліся і над людзьмі ўзьняліся некалькі бел-чырвона-белых сьцягоў. Міліцыянты ў цывільным зайшлі ў натоўп і сталі назіраць за падзеямі. Канцэрт быў прыпынены, і выступоўцы папрасілі юнакоў прыбраць сьцягі, каб не было непатрэбных затрыманьняў і судоў.
У перапынку паміж выступамі гуртоў слова ўзяў старшыня БНФ Вінцук Вячорка, які згадаў падзеі 15-гадовай даўнасьці. Прадстаўнікі міліцыі сказалі, што не пярэчаць выступам палітыкаў паміж песьнямі. Увогуле, вакол плошчы было даволі шмат АМОНаўцаў – байцы спэцназу сядзелі на лаўках.
Цягам чатырох гадзінаў выступілі гурты “N.R.M.”, “Neurodubel”, “Таварыш Маўзэр”, “PLAN”, “Band A”, “Крама”, “Партызанская школа”, “Памідор/OFF” ды іншыя.
Арганізатары плянавалі правесьці канцэрт 27 ліпеня, але гарадзкія ўлады тады не далі дазволу. Гэтым разам бясплатны канцэрт быў санкцыянаваны ўладамі.
Першым выступіў гурт "Band A"
Раз-пораз над гледачамі ўзносіцца бел-чырвона-белы сьцяг
Публіка вітае гурт "Партызанская школа"
На сцэне – гурт "Крама"