Якія зьмены гэта прынясе ў астраномію й ці адаб’ецца на астралягічных прагнозах?
Па-першае, дробны Плютон, пра статус якога даўно спрачаюцца навукоўцы, будзе вылучаны з вышэйшай катэгорыі гэтак званых “клясычных плянэт”, у якую ўваходзяць Юпітэр, Сатурн, Уран, Нэптун, Зямля, Венэра, Марс і Мэркуры.
Статус плянэт могуць набыць Харон, які, маючы такі ж самы памер, лічыцца спадарожнікам Плютона; буйны астэроід Цэрэра й нядаўна адкрыты аб’ект пад нумарам 2003 UB 313 з умоўнай назвай Зэна.
Беларускі астраном Кастусь Цыркун выказаў такое меркаваньне:
(Цыркун: ) “Я ня ведаю, як гэта будзе на астралёгію ўплываць. А ў астраноміі гэтыя тэрміны – плянэта, астэроід – некалі прыдумаў сам чалавек. Плянэтам і астэроідам усё роўна, як іх будуць называць. Сама філязофія, клясыфікацыя можа быць зусім рознай – не такой, як сёньня. Я думаю, гэта ня так страшна. Для астраноміі, прынамсі”.
Ці патрабуе гэты факт дапрацоўкі падручнікаў па астраноміі? Ці знойдзе такі перадзел праявы ў астралягічных картах прагнозаў?
Сябра Беларускай астранамічна-астралягічнай асацыяцыі “АСТРО”, якая не назвала свайго імя, выказала такую думку:
(Астроляг: ) “Гэта людзі дамовіліся прымаць пастуляты для астраномаў. Целы нябесныя як былі, так і засталіся, – незалежна ад таго, як да іх ставяцца на зямлі. Яны дзейнічаюць, і астралёгія на гэтым заснавана. У старажытнасьці ведалі гэтыя плянэты, і той жа Плютон ведалі, і ўлічвалі ў авэстыйскай астралёгіі. А што, уласна кажучы, зьмянілася?”
Астроляг Сяргей Рэмі таксама кажа, што ад зьмены назову й клясыфікацыі нічога не залежыць.
(Рэмі: ) “Астралёгія апэруе такім паняцьцем, як цыкль. Любы цыкль дзеліцца на 12 фаз, і кожная фаза мае сваю энэргетычную характарыстыку. У разуменьні астролягаў, як бы ні назвалі Плютон – астэроідам, камэтай альбо плянэтай (хоць зоркай назаві), – тое не паўплывае на фізычны й энэргетычны сэнс гэтага нябеснага цела. Яно ўсё адно застанецца нябесным фізычным аб’ектам, які мае цыкль 248 гадоў. І з гэтым цыклем працуюць астролягі”.
Па-першае, дробны Плютон, пра статус якога даўно спрачаюцца навукоўцы, будзе вылучаны з вышэйшай катэгорыі гэтак званых “клясычных плянэт”, у якую ўваходзяць Юпітэр, Сатурн, Уран, Нэптун, Зямля, Венэра, Марс і Мэркуры.
Статус плянэт могуць набыць Харон, які, маючы такі ж самы памер, лічыцца спадарожнікам Плютона; буйны астэроід Цэрэра й нядаўна адкрыты аб’ект пад нумарам 2003 UB 313 з умоўнай назвай Зэна.
Беларускі астраном Кастусь Цыркун выказаў такое меркаваньне:
(Цыркун: ) “Я ня ведаю, як гэта будзе на астралёгію ўплываць. А ў астраноміі гэтыя тэрміны – плянэта, астэроід – некалі прыдумаў сам чалавек. Плянэтам і астэроідам усё роўна, як іх будуць называць. Сама філязофія, клясыфікацыя можа быць зусім рознай – не такой, як сёньня. Я думаю, гэта ня так страшна. Для астраноміі, прынамсі”.
Ці патрабуе гэты факт дапрацоўкі падручнікаў па астраноміі? Ці знойдзе такі перадзел праявы ў астралягічных картах прагнозаў?
Сябра Беларускай астранамічна-астралягічнай асацыяцыі “АСТРО”, якая не назвала свайго імя, выказала такую думку:
(Астроляг: ) “Гэта людзі дамовіліся прымаць пастуляты для астраномаў. Целы нябесныя як былі, так і засталіся, – незалежна ад таго, як да іх ставяцца на зямлі. Яны дзейнічаюць, і астралёгія на гэтым заснавана. У старажытнасьці ведалі гэтыя плянэты, і той жа Плютон ведалі, і ўлічвалі ў авэстыйскай астралёгіі. А што, уласна кажучы, зьмянілася?”
Астроляг Сяргей Рэмі таксама кажа, што ад зьмены назову й клясыфікацыі нічога не залежыць.
(Рэмі: ) “Астралёгія апэруе такім паняцьцем, як цыкль. Любы цыкль дзеліцца на 12 фаз, і кожная фаза мае сваю энэргетычную характарыстыку. У разуменьні астролягаў, як бы ні назвалі Плютон – астэроідам, камэтай альбо плянэтай (хоць зоркай назаві), – тое не паўплывае на фізычны й энэргетычны сэнс гэтага нябеснага цела. Яно ўсё адно застанецца нябесным фізычным аб’ектам, які мае цыкль 248 гадоў. І з гэтым цыклем працуюць астролягі”.
