Росіцкая трагедыя надарылася ў лютым 1943 году. Тады карнікі Латыскага легіёну жыўцом спалілі ў адрыне некалькі сотняў мясцовых жыхароў. Ксяндзы Антоні Ляшчэвіч ды Юры Кашыра маглі застацца жывымі, але пайшлі разам зь людзьмі ў агонь. У 1999 годзе Папа Рымскі Ян Павал ІІ далучыў іх да ліку сьвятых.
Гаворыць адзін з арганізатараў пілігрымкі ксёндз Вячаслаў Пяленак:
(кс.Пяленак: ) “Шостым разам мы выйшлі сёньня ў пілігрымку да росіцкіх пакутнікаў. Для нас гэта вельмі важна, бо гэта ня толькі памяць пра жахі вайны, але й прыклад – як трэба змагацца зь любой навалай, як змагацца з пагрозамі, якія стаяць на шляху, і як у надзвычай складаных абставінах застацца чалавекам, ня здрадзіўшы высокім ідэалам, якія для нас, вернікаў, важнейшыя нават за жыцьцё”.
У пілігрымцы бяруць удзел 70 вернікаў. У асноўным, гэта моладзь з Полаччыны, а таксама з Оршы, Глыбокага, Барысаву ды іншых гарадоў. Гаворыць адна з удзельніц пілігрымкі навапалачанка Ірына Бельская:
(Бельская: ) “Ёсьць такое меркаваньне, што гэта пілігрымка зь нейкімі жалобнымі песьнямі, што гэта нешта змрочнае. Не! Насамрэч, тут адчуваеш, што ўвесь сьвет, які вакол нас, гэта сапраўднае стварэньне Боскае, і гэта цудоўна! Мы ідзем, захапляемся прыродай, мы ідзем і глядзім на неба, мы думаем пра жыцьцё, а гэта ўжо ёсьць малітва”.
11 жніўня ў Росіцы пачнуцца ўрачыстасьці ў памяць ксяндзоў-марыянаў ды іншых ахвяраў трагедыі. На яе прыедуць духовыя дастойнікі зь Беларусі ды госьці з шэрагу эўрапейскіх краінаў. Чакаецца, у прыватнасьці, прыезд генэрала ордэну марыянаў Яна Рокаша з Рыму.
Завершыцца ўрачыстасьць 12 жніўня імшой у росіцкім касьцёле Сьвятой Тройцы, якую адправіць біскуп Менска-Магілеўскай дыяцэзіі Антоні Дзям’янка.
Адначасова адбудуцца і культурніцкія мерапрыемствы. Так, народны паэт Беларусі Рыгор Барадулін прэзэнтуе свой новы паэтычны зборнік “Рымскі дыптых”, а бард Алесь Камоцкі прапануе слухачам свае новыя песьні.
Гаворыць адзін з арганізатараў пілігрымкі ксёндз Вячаслаў Пяленак:
(кс.Пяленак: ) “Шостым разам мы выйшлі сёньня ў пілігрымку да росіцкіх пакутнікаў. Для нас гэта вельмі важна, бо гэта ня толькі памяць пра жахі вайны, але й прыклад – як трэба змагацца зь любой навалай, як змагацца з пагрозамі, якія стаяць на шляху, і як у надзвычай складаных абставінах застацца чалавекам, ня здрадзіўшы высокім ідэалам, якія для нас, вернікаў, важнейшыя нават за жыцьцё”.
У пілігрымцы бяруць удзел 70 вернікаў. У асноўным, гэта моладзь з Полаччыны, а таксама з Оршы, Глыбокага, Барысаву ды іншых гарадоў. Гаворыць адна з удзельніц пілігрымкі навапалачанка Ірына Бельская:
(Бельская: ) “Ёсьць такое меркаваньне, што гэта пілігрымка зь нейкімі жалобнымі песьнямі, што гэта нешта змрочнае. Не! Насамрэч, тут адчуваеш, што ўвесь сьвет, які вакол нас, гэта сапраўднае стварэньне Боскае, і гэта цудоўна! Мы ідзем, захапляемся прыродай, мы ідзем і глядзім на неба, мы думаем пра жыцьцё, а гэта ўжо ёсьць малітва”.
11 жніўня ў Росіцы пачнуцца ўрачыстасьці ў памяць ксяндзоў-марыянаў ды іншых ахвяраў трагедыі. На яе прыедуць духовыя дастойнікі зь Беларусі ды госьці з шэрагу эўрапейскіх краінаў. Чакаецца, у прыватнасьці, прыезд генэрала ордэну марыянаў Яна Рокаша з Рыму.
Завершыцца ўрачыстасьць 12 жніўня імшой у росіцкім касьцёле Сьвятой Тройцы, якую адправіць біскуп Менска-Магілеўскай дыяцэзіі Антоні Дзям’янка.
Адначасова адбудуцца і культурніцкія мерапрыемствы. Так, народны паэт Беларусі Рыгор Барадулін прэзэнтуе свой новы паэтычны зборнік “Рымскі дыптых”, а бард Алесь Камоцкі прапануе слухачам свае новыя песьні.