Прадстаўнікі Беларускага дзяржаўнага ўнівэрсытэту цягам апошніх дзён падаюць супярэчлівую інфармацыю, што да спэцыяльнасьцяў, на якія адзначаецца недабор абітурыентаў. Паводле прэсавай службы БДУ – гэта дзённыя аддзяленьні бюджэтнай формы навучаньня на хімічным, фізычным, мэханіка-матэматычным факультэтах, а таксама факультэце радыёфізыкі й электронікі па шэрагу спэцыяльнасьцяў. На завочным факультэце недабор абітурыентаў азначыўся гэтаксама на мэхмат і некаторыя аддзяленьні факультэтаў журналістыкі, філязофіі й сацыяльных навук, філялягічнага й гістарычнага факультэтаў.
Сёньня ж сакратар прыёмнай камісіі ўнівэрсытэту Вячаслаў Малафееў удакладніў для Радыё Свабода, што на дадзены момант недабор абітурыентаў на дзённую форму навучаньня ёсьць толькі на факультэты фізыкі, радыёфізыкі й электронікі. На вышэйзгаданыя факультэты дакладных навукаў конкурс невялікі – крыху больш за 1 чалавек на месца.
Вячаслаў Малафееў тлумачыць недабор абітурыентаў і невысокі коннкурс у гэтых дысцыплінах сярод іншага тым, што БДУ праводзіць дадатковы профільны іспыт па фізыцы, адрозна ад іншых ВНУ, дзе абмяжоўваюцца вынікамі тэставаньня. Іншыя фактары спрацоўваюць, вядома, таксама.
(Малафееў: ) “Інтарэс да гэтых спэцыяльнасьцяў паніжаецца й саступае ўстойліваму інтарэсу да гуманітарных спэцыяльнасьцяў. На тое самае правазнаўства традыцыйна конкурс 3 з паловай чалавекі на месца”.
Пра называныя ды іншыя прычыны недабору абітурыентаў у БДУ – у нашым вечаровым эфіры й пазьней на сайце.
Сёньня ж сакратар прыёмнай камісіі ўнівэрсытэту Вячаслаў Малафееў удакладніў для Радыё Свабода, што на дадзены момант недабор абітурыентаў на дзённую форму навучаньня ёсьць толькі на факультэты фізыкі, радыёфізыкі й электронікі. На вышэйзгаданыя факультэты дакладных навукаў конкурс невялікі – крыху больш за 1 чалавек на месца.
Вячаслаў Малафееў тлумачыць недабор абітурыентаў і невысокі коннкурс у гэтых дысцыплінах сярод іншага тым, што БДУ праводзіць дадатковы профільны іспыт па фізыцы, адрозна ад іншых ВНУ, дзе абмяжоўваюцца вынікамі тэставаньня. Іншыя фактары спрацоўваюць, вядома, таксама.
(Малафееў: ) “Інтарэс да гэтых спэцыяльнасьцяў паніжаецца й саступае ўстойліваму інтарэсу да гуманітарных спэцыяльнасьцяў. На тое самае правазнаўства традыцыйна конкурс 3 з паловай чалавекі на месца”.
Пра называныя ды іншыя прычыны недабору абітурыентаў у БДУ – у нашым вечаровым эфіры й пазьней на сайце.