Лінкі ўнівэрсальнага доступу

“Партыя ў падарунак беларускім дзецям дала опэру, якая вучыць іх клясавай нянавісьці, шпіёнскіх прыхватак” (1956)


Падрыхтаваў Дзьмітры Падбярэскі Беларускія газэты 18 ліпеня ў розныя гады.

“Беларуская справа”, 1926 год:

“№158 віленскай часопісі “Unzer Tog” сканфіскаваны, а рэдактар пайшоў пад суд за перадрук тэксту адозвы французскіх пісьменьнікаў і вучоных з дамаганьнем амністыі ў Польшчы. Часопісь была сканфіскавана на падставе арт.163, як за памяшчэньне сьвядома фальшывых ведамасьцей. З тае прычыны, што факт істнаваньня камітэту — агульна ведамы, і што той самы тэкст быў зьмешчаны ў варшаўскіх газэтах, — рэдакцыя “Toga” зьвярнулася з просьбай аб заступніцтве да некалькіх паслоў”.

“ЛіМ”, 1946 год. Начальнік Кіраўніцтва справаў мастацтва пры Савеце Міністраў БССР П.Лютаровіч:

“Вельмі дрэнна працуе Беларуская Дзяржаўная эстрада. Яе кіраўніцтва недастаткова ўяўляе сабе свае задачы і стала на шлях фармавання шматлікіх уласных, у большасці нізкапробных, калектываў. Канцэрты, якія наладжвае эстрада, часта вельмі дрэнныя і часамі прыносяць толькі шкоду, таму што мастацкая якасць, а часамі нават і ідэйная накіраванасць рэпертуара, якім частуе нашых слухачоў эстрада, не вытрымлівае крытыкі”.

“Бацькаўшчына”, 1956 год:

“Пару месяцаў таму беларускі опэрны тэатр паказаў першую беларускую опэру “Марынка” — музыка кампазытара Пукста, лібрэта Агняцьвет… Адкінуўшы мэты ўзгадаваньня моладзі ў духу шляхотных агульналюдзкіх прынцыпаў — дапамогі слабейшаму, абароны пакрыўджаных і пашаны да старэйшых, як буржуазны гнілы гуманізм, — партыя ў падарунак беларускім дзецям дала опэру, якая вучыць іх клясавай нянавісьці, шпіёнскіх прыхватак ды спосабаў зьнішчэньня за ўсякую цану кажнага іншадумца”.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG