Лінкі ўнівэрсальнага доступу

Берасьце: галадаюць ужо 11 чалавек


Радыё Свабода Яшчэ тры чалавекі далучыліся да галадоўкі, якую тыдзень таму распачалі берасьцейскія прадпрымальнікі, уладальнікі й кіроўцы маршрутных таксовак.

Пра намер падтрымаць сваю жонку Любоў Лаўруковіч, якая галадае з 5 ліпеня, абвясьціў ейны муж Віктар. Ён заявіў, што таксама адмаўляецца ад ежы. Такі ж крок зрабілі спадары Трафімук і Польт — кіроўцы машынаў, што належаць Любові Лаўруковіч.

Акрамя названых асобаў, у галадоўцы цяпер удзельнічаюць Любоў Разановіч, Алена і Вадзім Авечкіны, Генадзь Канапліцкі, Аляксандар Дараткевіч, Эдуард Багдасаран і Тацяна Бялко.

Да галадоўкі людзей падштурхнуў намер падатковых службоў спагнаць з уладальнікаў маршрутак дзясяткі мільёнаў рублёў як рэспубліканскі збор за выкарыстаньне транспартных сродкаў у прадпрымальніцкай дзейнасьці. Прадпрымальнікі лічаць такія захады падаткоўцаў неабгрунтаванымі, бо рэспубліканскі збор уведзены ў красавіку 2004 году, а машыны былі завезеныя раней. На мінулым тыдні Вышэйшы гаспадарчы суд Беларусі адхіліў скаргі прадпрымальнікаў, пасьля чаго тыя абвясьцілі галадоўку.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG