Сто дзён пасьля Плошчы: анонс

Радыё Свабода У аўторак 27 чэрвеня Радыё Свабода прэзэнтуе ў Інтэрнэце кнігу пра падзеі ў Менску 19-25 сакавіка 2006 году. “Плошча. 19.03-25.03.2006” – хроніка масавых пратэстаў, калі ў адказ на абвешчаныя вынікі прэзыдэнцкіх выбараў у цэнтры Менску паўстаў намётавы лягер. Тысячы маладых і сталых грамадзянаў і гасьцей Беларусі выказвалі нязгоду з палітыкай уладаў, надзею на перамены і веру ў вяртаньне краіны на дэмакратычны шлях. Многія зь іх за свае погляды былі зьбітыя, выключаныя з унівэрсытэту, звольненыя з працы, патрапілі ў турму. Ніхто не адмовіўся ад свайго выбару.