Ці будзе ўлада зьнішчаць партыю камуністаў Калякіна?

(Скрыган: ) “Найперш, мэта гэтай кампаніі ўладаў — задушыць апазыцыйную ПКБ. Таму што яна займае левае электаральнае поле, на якім гуляе і Лукашэнка. У гэтым сэнсе ПКБ зьяўляецца большым супернікам яму, чым правыя партыі.

Яшчэ адна прычына пакараць ПКБ — гэтая партыя ўзяла актыўны ўдзел у прэзыдэнцкіх выбарах, а яе кіраўнік Калякін узначаліў выбарчы штаб адзінага кандыдата апазыцыйнай кааліцыі Мілінкевіча.

Улады ўбачылі лідэра, які можа аб’яднаць вакол сябе людзей розных поглядаў, таму імкнуцца нэўтралізаваць яго такім чынам. Гэта ня першая спроба наступу на ПКБ. На маёй памяці іх было тры”.

(Чытаць увесь тэкст перадачы "Экспэртыза Свабоды")