Лінкі ўнівэрсальнага доступу

Іван Шыла: “Мы выходзім з галадоўкі, але працягваем пратэст”


Севярын Квяткоўскі, Салігорск—Менск Сёньня ў Салігорску ўдзельнікі акцыі пратэсту зьнялі з гаўбца расьцяжку з надпісам “Галадоўка”. Большасьць удзельнікаў перасталі галадаць, але будуць пратэставаць супраць перасьледу палітычных апанэнтаў уладаў іншымі сродкамі.

Адзін з салігорскіх галадоўнікаў, Дзяніс Карноў, будзе галадаць далей — у Менску.

Як паставіліся да галадоўнікаў у Салігорску ўлады й жыхары гораду? Карэспандэнт “Свабоды” падсумоўвае дзевяцідзённую галадоўку маладых салігорцаў.

У Салігорску грамадзкасьць была мала інфармаваная пра галадоўку. Меркаваньні некалькіх мінакоў, якія ведалі пра акцыю:

(Спадар: ) “Там разумных людзей дакладна няма”.

(Спадарыня: ) “Я падтрымліваю іх”.

Лідэр галадоўнікаў Іван Шыла так падсумаваў галадоўку:

(Шыла: ) “Я лічу, што гэтая галадоўка недарэмная, бо мы добра прадэманстравалі сваю грамадзкую пазыцыю. І яшчэ раз пабачылі, як дзяржава дэманструе сваю пазыцыю да простых грамадзянаў: нават тое, што тут непаўналетнія галадавалі — ім усё роўна”.

(Амельянчук: ) “Што галадуюць няпоўнагадовыя? Ну што ж — у нас свабодная дзяржава. Хто хоча галадаваць, хай галадуе. Памерці не дамо, лекараў дамо. Здароўе гэтых дзяцей найперш павінна турбаваць іхных бацькоў”.

Так выказаўся старшыня Салігорскага выканкаму Міхаіл Амельянчук у часе сустрэчы з галадоўнікамі.

Бацькі галадоўнікаў турбаваліся, і ўвесь час наведвалі сваіх дзяцей. Яны жадалі, каб дзеці хутчэй спынілі галадоўку. Што да ідэяў, якія падштурхнулі маладых да акцыі пратэсту, то тут стаўленьне бацькоў было розным. Сьвятлана Шыла заявіла:

(Шыла: ) “Я ганаруся сынамі, але вельмі за іх хвалююся. Я лічу, што галадоўка — гэта ня спосаб вырашэньня такіх пытаньняў”.

Бабуля аднаго з галадоўнікаў кажа:

(Спадарыня: ) “Вы нічога не даможацеся! Вас маленькая купка. Унук патрапіў пад уплыў, і ўсё — “што хачу, тое раблю”! Ён на сутках быў, баставаў там у Менску. Ён прапаў, у яго будучыні ніякай няма!”

Рашэньне аб прыпыненьні акцыі было прынятае пасьля візыту Аляксандра Мілінкевіча.

(Мілінкевіч: ) “Ужо сёньня тое, што яны зрабілі, мае вялікі рэзананс і водгук. Яны дамагліся таго, што на Беларусь зноў зьвярнулі ўвагу. Нам вельмі важная міжнародная падтрымка. І ў самой Беларусі вельмі важная”.

Да галадоўнікаў прыходзілі ня толькі вядомыя людзі — такія, як палітык Аляксандар Мілінкевіч, пісьменьнік Уладзімер Арлоў, сьпевакі Кася Камоцкая і Зьміцер Барстосік, але і простыя людзі. Адзін салігорац, які падпісваецца “гаспадар Мікола”, прысьвяціў галадоўнікамам верш:

…а пакуль да расплаты час дойдзе, Дадае болю ціску надзей, Што сяброў новым водгукам знойдзе, Як пратэст, галаданьне людзей.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG