На сёньняшнюю сустрэчу ў Маскву запрошаныя кіраўнікі нацыянальных дэлегацыяў усіх 46 дзяржаваў – сябраў Рады Эўропы. Да іх далучаюцца лідэры палітычных групаў Парлямэнцкай асамблеі, яе кіраўніцтва ды сябры Сталага камітэту. Разам гэта больш за 100 асобаў.
Сталіца Расеі абраная для месца сустрэчы невыпадкова – менавіта Расейская Федэрацыя ад 15 траўня цягам шасьці месяцаў старшынюе ў Камітэце міністраў Рады Эўропы, дзе зьбіраюцца ўсе кіраўнікі зьнешнепалітычных ведамстваў сваіх краінаў. З гэтай нагоды старшыня ПАРЭ Рэнэ ван дэр Ліндэн у інтэрвію журналістам у Страсбуры выказаў спадзяваньне, што за гэты час "Расея знойдзе шляхі для паляпшэньня сытуацыі ў Беларусі".
Гэдэмінас Якавоніс – дэпутат зь Літвы, сябра Парлямэнцкай асамблеі Рады Эўропы ўпэўнены, што становішча ў Беларусі сёньня будзе ўзгадвацца. У інтэрвію нашаму радыё ён нагадаў, што на апошняй сэсіі Парлямэнцкай асамблеі ў Страсбуры дэпутаты заклікалі беларускі ўрад "пачуць заклікі дэмакратычнай апазыцыі і правесьці паўторныя выбары, гарантаваўшы іх свабоду, справядлівасьць і адпаведнасьць міжнародным стандартам". Аднак літоўскі дэпутат лічыць, што не патрэбна перабольшваць ролю Расеі адносна Беларусі.
(Якавоніс: ) "Тое, што Расея адна, самастойна вырашыць праблемы дэмакратыі ў Беларусі, я бы так катэгарычна не казаў. Я думаю, што тут патрэбныя сумесныя дзеяньні як эўрапейскіх структураў, так і Расеі".
Беларускі палітык Яраслаў Раманчук неаднаразова прысутнічаў на сэсіях Парлямэнцкай асамблеі Рады Эўропы. Ён цьвердзіць, што прадстаўнікі Расеі заўжды падтрымліваюць там беларускі рэжым. І яшчэ, на думку палітыка, трэба памятаць, што дыскусія, нават калі яна і пройдзе, абмяжуецца пакуль выключна парлямэнцкімі структурамі.
(Раманчук: ) "Перадусім размова йдзе не пра Раду Эўропы, а пра яе, так бы мовіць, палітычны падворак – Парлямэнцкую асамблею. Тут звычайна ідуць палітычныя дыскусіі, а рашэньні прымаюцца іншымі структурамі. Але перад самітам "вялікай васьмёркі" Расея можа сапраўды ня тое, што крытыкаваць, а проста ўзгадаць беларускае пытаньне ў кантэксьце дэмакратызацыі, у кантэксьце выкананьня тых стандартаў, на якіх будуецца Рада Эўропы".
Чарговая традыцыйная сэсія Парляменцкай асамблеі Рады Эўропы пройдзе ў Страсбуры ў канцы чэрвеня. У Маскве зьбіраюцца зацьвердзіць парадак дня гэтага мерапрыемства.
Сталіца Расеі абраная для месца сустрэчы невыпадкова – менавіта Расейская Федэрацыя ад 15 траўня цягам шасьці месяцаў старшынюе ў Камітэце міністраў Рады Эўропы, дзе зьбіраюцца ўсе кіраўнікі зьнешнепалітычных ведамстваў сваіх краінаў. З гэтай нагоды старшыня ПАРЭ Рэнэ ван дэр Ліндэн у інтэрвію журналістам у Страсбуры выказаў спадзяваньне, што за гэты час "Расея знойдзе шляхі для паляпшэньня сытуацыі ў Беларусі".
Гэдэмінас Якавоніс – дэпутат зь Літвы, сябра Парлямэнцкай асамблеі Рады Эўропы ўпэўнены, што становішча ў Беларусі сёньня будзе ўзгадвацца. У інтэрвію нашаму радыё ён нагадаў, што на апошняй сэсіі Парлямэнцкай асамблеі ў Страсбуры дэпутаты заклікалі беларускі ўрад "пачуць заклікі дэмакратычнай апазыцыі і правесьці паўторныя выбары, гарантаваўшы іх свабоду, справядлівасьць і адпаведнасьць міжнародным стандартам". Аднак літоўскі дэпутат лічыць, што не патрэбна перабольшваць ролю Расеі адносна Беларусі.
(Якавоніс: ) "Тое, што Расея адна, самастойна вырашыць праблемы дэмакратыі ў Беларусі, я бы так катэгарычна не казаў. Я думаю, што тут патрэбныя сумесныя дзеяньні як эўрапейскіх структураў, так і Расеі".
Беларускі палітык Яраслаў Раманчук неаднаразова прысутнічаў на сэсіях Парлямэнцкай асамблеі Рады Эўропы. Ён цьвердзіць, што прадстаўнікі Расеі заўжды падтрымліваюць там беларускі рэжым. І яшчэ, на думку палітыка, трэба памятаць, што дыскусія, нават калі яна і пройдзе, абмяжуецца пакуль выключна парлямэнцкімі структурамі.
(Раманчук: ) "Перадусім размова йдзе не пра Раду Эўропы, а пра яе, так бы мовіць, палітычны падворак – Парлямэнцкую асамблею. Тут звычайна ідуць палітычныя дыскусіі, а рашэньні прымаюцца іншымі структурамі. Але перад самітам "вялікай васьмёркі" Расея можа сапраўды ня тое, што крытыкаваць, а проста ўзгадаць беларускае пытаньне ў кантэксьце дэмакратызацыі, у кантэксьце выкананьня тых стандартаў, на якіх будуецца Рада Эўропы".
Чарговая традыцыйная сэсія Парляменцкай асамблеі Рады Эўропы пройдзе ў Страсбуры ў канцы чэрвеня. У Маскве зьбіраюцца зацьвердзіць парадак дня гэтага мерапрыемства.