Пытаньне пра незалежныя мэдыі адрасавала Аляксандру Лукашэнку дэпутатка Палаты прадстаўнікоў Вольга Абрамава.
(Абрамава: ) “Я запыталася: “Калі ў шапіках зьявяцца “БДГ. Деловая газета”, “Народная Воля” і “Наша Ніва?” І сказала, што калі няма бесьперашкоднага друкаваньня й распаўсюду апазыцыйных газэтаў, то іхнае месца займаюць рознага кшталту чуткі. На гэта мне было сказана, што прэзыдэнт пацікавіўся напярэдадні пасланьня, з чым зьвязаныя праблемы з дадзенымі газэтамі, і прадстаўнікі розных дзяржаўных службаў яму патлумачылі, што праблемы пераважна фінансавыя, што фірма, якія валодала гэтымі газэтамі, палічыла, што выдаваць іх нерэнтабэльна”.
У адказ дэпутатка Вольга Абрамава выказала сумнеў, што прэзыдэнту падалі дакладную інфармацыю. “Выбары прайшлі, мы іх не чапалі, а сёньня, відаць, фінансаванне іх скончылася”, — гэтак падае словы Аляксандра Лукашэнкі агенцтва “Інтэрфакс”. Кіраўнік дзяржавы заявіў, што ўсе апазыцыйныя газэты “займаліся поўнай фальсыфікацыяй фактаў і тэндэнцыйнасьцю” і выказаў гатовасьць дэталёва разабрацца ў сытуацыі, якая склалася з выхадам і распаўсюдам шэрагу недзяржаўных СМІ, таму што ён “ня ведаў, што гэтыя газэты не выходзяць”.
Вось як пракамэнтаваў “Свабодзе” гэтыя выказваньні выдавец “БДГ. Деловой газэты” Пётар Марцаў:
(Марцаў: ) “Я думаю, што прэзыдэнт насамрэч дрэнна інфармаваны, як сам гаворыць. Ужо шмат гадоў “Белорусская деловая газета” ня можа распаўсюджвацца на тэрыторыі Беларусі праз “Саюздрук” і пошту й ня можа друкаваца на тэрыторыі Беларусі. У зьвязку з гэтым, натуральна, за тры гады назьбіраліся вялікія фінансавыя праблемы, і прыпыненьне выхаду газэты абумоўлена толькі імі. Зь іншага боку, я вельмі рады, што прэзыдэнт зьвярнуў увагу на тое, што ў Беларусі ёсьць недзяржаўныя СМІ, якія існуюць у такім стане”.
Шэф-рэдактар незалежнай газэты “Народная Воля” Сьвятлана Калінкіна ўпэўненая, што Аляксандар Лукашэнка добра ведае, што адбываецца зь незалежнымі мэдыямі.
(Калінкіна: ) “У мяне няма ніякага сумневу, што ён гэта ня толькі санкцыянаваў, але і вельмі пільна сочыць за ўсім, што адбываецца. На жаль, у мяне асабіста няма ніякіх надзеяў на тое, што хаця б для нейкага вонкавага рэзанансу нейкія палёгкі будуць зробленыя”.
А вось якой была рэакцыя галоўнага рэдактара незалежнай газэты “Наша Ніва” Андрэя Дынька:
(Дынько: ) “Ведаеце, культурным людзям цяжка камэнтаваць словы, якія ня маюць ніякага дачыненьня да рэальнасьці. Як можна камэнтаваць заведамую няпраўду? Вернуць нас у распаўсюд “Саюздруку”, вернуць газэты ў беларускія друкарні — тады можна будзе нешта камэнтаваць”.
(Абрамава: ) “Я запыталася: “Калі ў шапіках зьявяцца “БДГ. Деловая газета”, “Народная Воля” і “Наша Ніва?” І сказала, што калі няма бесьперашкоднага друкаваньня й распаўсюду апазыцыйных газэтаў, то іхнае месца займаюць рознага кшталту чуткі. На гэта мне было сказана, што прэзыдэнт пацікавіўся напярэдадні пасланьня, з чым зьвязаныя праблемы з дадзенымі газэтамі, і прадстаўнікі розных дзяржаўных службаў яму патлумачылі, што праблемы пераважна фінансавыя, што фірма, якія валодала гэтымі газэтамі, палічыла, што выдаваць іх нерэнтабэльна”.
У адказ дэпутатка Вольга Абрамава выказала сумнеў, што прэзыдэнту падалі дакладную інфармацыю. “Выбары прайшлі, мы іх не чапалі, а сёньня, відаць, фінансаванне іх скончылася”, — гэтак падае словы Аляксандра Лукашэнкі агенцтва “Інтэрфакс”. Кіраўнік дзяржавы заявіў, што ўсе апазыцыйныя газэты “займаліся поўнай фальсыфікацыяй фактаў і тэндэнцыйнасьцю” і выказаў гатовасьць дэталёва разабрацца ў сытуацыі, якая склалася з выхадам і распаўсюдам шэрагу недзяржаўных СМІ, таму што ён “ня ведаў, што гэтыя газэты не выходзяць”.
Вось як пракамэнтаваў “Свабодзе” гэтыя выказваньні выдавец “БДГ. Деловой газэты” Пётар Марцаў:
(Марцаў: ) “Я думаю, што прэзыдэнт насамрэч дрэнна інфармаваны, як сам гаворыць. Ужо шмат гадоў “Белорусская деловая газета” ня можа распаўсюджвацца на тэрыторыі Беларусі праз “Саюздрук” і пошту й ня можа друкаваца на тэрыторыі Беларусі. У зьвязку з гэтым, натуральна, за тры гады назьбіраліся вялікія фінансавыя праблемы, і прыпыненьне выхаду газэты абумоўлена толькі імі. Зь іншага боку, я вельмі рады, што прэзыдэнт зьвярнуў увагу на тое, што ў Беларусі ёсьць недзяржаўныя СМІ, якія існуюць у такім стане”.
Шэф-рэдактар незалежнай газэты “Народная Воля” Сьвятлана Калінкіна ўпэўненая, што Аляксандар Лукашэнка добра ведае, што адбываецца зь незалежнымі мэдыямі.
(Калінкіна: ) “У мяне няма ніякага сумневу, што ён гэта ня толькі санкцыянаваў, але і вельмі пільна сочыць за ўсім, што адбываецца. На жаль, у мяне асабіста няма ніякіх надзеяў на тое, што хаця б для нейкага вонкавага рэзанансу нейкія палёгкі будуць зробленыя”.
А вось якой была рэакцыя галоўнага рэдактара незалежнай газэты “Наша Ніва” Андрэя Дынька:
(Дынько: ) “Ведаеце, культурным людзям цяжка камэнтаваць словы, якія ня маюць ніякага дачыненьня да рэальнасьці. Як можна камэнтаваць заведамую няпраўду? Вернуць нас у распаўсюд “Саюздруку”, вернуць газэты ў беларускія друкарні — тады можна будзе нешта камэнтаваць”.
