Міністар юстыцыі Польшчы Збігнеў Зёбра пераказаў журналістам дзьве тысячы старонак дакумэнтаў сьледзтва ў справе так званай “маскоўскай пазыкі”.
З дакумэнтаў вынікае, што ў 1990 годзе кампартыя Савецкага Саюзу прызначыла 1 мільён 200 тысячаў даляраў і 500 мільёнаў польскіх злотых на падтрымку польскіх камуністаў, якія ў выніку першых часткова вольных выбараў страцілі ўладу ў краіне.
Грошы накіроўваліся на стварэньне прыязнай савецкай намэнклятуры сацыял-дэмакратычнай партыі Польшчы і, сярод іншага, паўстаньне новай газэты посткамуністаў “Трыбуна” з былой “Трыбуны люду”.
Адметна, што грошы з Масквы ў Варшаву прывезьлі ў звычайных торбах – без усялякага мытнага кантролю ці адпаведнага афармленьня. З дакумэнтаў вынікае, што вярнулі польскія камуністы сваім маскоўскім таварышам толькі 600 тысячаў далараў.
У часе прэсавай канфэрэнцыі Збігнеў Зёбра заявіў, што цяпер ужо вядома, як паўсталі посткамуністычныя рухі ў свабоднай Польшчы.
(Зёбра: ) “Вось так нарадзіліся посткамуністычныя палітычныя сілы ў Польшчы – мы ведаем цяпер з чыёй дапамогай. Посткамуністы ўжо тады стваралі парасон, пад якім хаваліся скарумпаваныя людзі, якія лічылі, што знаходзяцца па-за законам”.
Цяперашнія польскія посткамуністы з Саюзу левых дэмакратаў (СЛД), аднак, кажуць, што іхная партыя, якая была створаная менавіта на базе Сацыял-дэмакратычнай партыі, нічога супольнага з “маскоўскай пазыкай” ня мае.
Гаворыць лідэр СЛД Войцех Алейнічак:
(Алейнічак: ) “Добра бачна, і трэба пра гэта памятаць, што гэта палітычная справа, і правыя цяпер да яе вяртаюцца, каб выкарыстаць гэтыя матэрыялы ў цяперашніх палітычных спрэчках”.
На пачатку 1990-х у справе “маскоўскай пазыкі” пачалося сьледзтва, аднак калі ў 1993 годзе да ўлады ізноў прыйшлі посткамуністы, справу закрылі і нават звольнілі пракурораў, якія хацелі працягваць сьледзтва.
Цяпер аднавіць сьледзтва немагчыма, бо паводле польскіх законаў нельга пакараць за падобныя злачынствы, калі ад часу іх зьдзяйсьненьня мінула больш за 10 гадоў.
З дакумэнтаў вынікае, што ў 1990 годзе кампартыя Савецкага Саюзу прызначыла 1 мільён 200 тысячаў даляраў і 500 мільёнаў польскіх злотых на падтрымку польскіх камуністаў, якія ў выніку першых часткова вольных выбараў страцілі ўладу ў краіне.
Грошы накіроўваліся на стварэньне прыязнай савецкай намэнклятуры сацыял-дэмакратычнай партыі Польшчы і, сярод іншага, паўстаньне новай газэты посткамуністаў “Трыбуна” з былой “Трыбуны люду”.
Адметна, што грошы з Масквы ў Варшаву прывезьлі ў звычайных торбах – без усялякага мытнага кантролю ці адпаведнага афармленьня. З дакумэнтаў вынікае, што вярнулі польскія камуністы сваім маскоўскім таварышам толькі 600 тысячаў далараў.
У часе прэсавай канфэрэнцыі Збігнеў Зёбра заявіў, што цяпер ужо вядома, як паўсталі посткамуністычныя рухі ў свабоднай Польшчы.
(Зёбра: ) “Вось так нарадзіліся посткамуністычныя палітычныя сілы ў Польшчы – мы ведаем цяпер з чыёй дапамогай. Посткамуністы ўжо тады стваралі парасон, пад якім хаваліся скарумпаваныя людзі, якія лічылі, што знаходзяцца па-за законам”.
Цяперашнія польскія посткамуністы з Саюзу левых дэмакратаў (СЛД), аднак, кажуць, што іхная партыя, якая была створаная менавіта на базе Сацыял-дэмакратычнай партыі, нічога супольнага з “маскоўскай пазыкай” ня мае.
Гаворыць лідэр СЛД Войцех Алейнічак:
(Алейнічак: ) “Добра бачна, і трэба пра гэта памятаць, што гэта палітычная справа, і правыя цяпер да яе вяртаюцца, каб выкарыстаць гэтыя матэрыялы ў цяперашніх палітычных спрэчках”.
На пачатку 1990-х у справе “маскоўскай пазыкі” пачалося сьледзтва, аднак калі ў 1993 годзе да ўлады ізноў прыйшлі посткамуністы, справу закрылі і нават звольнілі пракурораў, якія хацелі працягваць сьледзтва.
Цяпер аднавіць сьледзтва немагчыма, бо паводле польскіх законаў нельга пакараць за падобныя злачынствы, калі ад часу іх зьдзяйсьненьня мінула больш за 10 гадоў.
