Лінкі ўнівэрсальнага доступу

Апытаньне Свабоды: “Што ў Беларусі варта паказаць замежным турыстам?”


Іна Студзінская, Менск На гэтае пытаньне нашай карэспандэнткі адказвалі менчукі.

(Карэспандэнтка: ) “Што замежнікам можна паказваць у Беларусі?”

(Дзяўчына: ) “Па-першае, канешне ж, сталіцу, таму што яна цягам часу рэстаўруецца, літаральна з кожнай хвілінай усё болей і болей. Але мне вельмі сорамна, я сама ня бачыла шмат прыгожых месцаў”.

(Спадарыня: ) “Магчыма, Мірскі замак, Дудуткі – такія ўлюбёныя маршруты, тую ж Нарач, сталіцу”.

(Спадар: ) “У Беларусі? Я адразу губляюся, таму што паказваць асабліва няма чаго з гэтых сучасных новабудоваў. Я як бы адмыслова займаўся гэтым пытаньнем, і, напрыклад, па Верхнім горадзе ўжо на аматарскім узроўні ваджу экскурсіі. Я маю што паказаць. Я маю, што з чым параўнаць, што было і што ёсьць. Ёсьць, напрыклад, цэлы шэраг такіх невялічкіх рэканструкцыяў. Кляштар базыльянаў. Я паказваю: “Глядзіце, так як гэта было і як цяпер. І знайдзіце 10 адрозьненьняў”. Знайсьці цяпер нешта ад жаночага і мужчынскага кляштару даволі складана. Але выглядае гэта дастаткова цікава”.

(Карэспандэнтка: ) “Што ў Беларусі варта паказаць замежнікам?”

(Спадар: ) “Шмат чаго. Напрыклад, Менск прыгожы. Можна яшчэ Хатынь паказаць, па гарадох паезьдзіць беларускіх”.

(Хлопец: ) “Менскую ратушу, царкву, паказаў бы Сьвіслач… Ня ведаю, у цырк бы звадзіў, напэўна”.

(Юнак: ) “Паўднёвы Захад. Цікава, як там усё будуецца”.

(Карэспандэнтка: ) “А чым цікавы Паўднёвы Захад?”

(Юнак: ) “Я там вырас”.

(Дзяўчына: ) “Тут шмат чаго цікавага”.

(Карэспандэнтка: ) “А напрыклад?”

(Дзяўчына: ) “Ну, я сама, у першую чаргу”.

(Спадар: ) “Хутчэй за ўсё, прыроду, а ня нейкія там славутыя адметнасьці, Просты побыт беларускіх людзей”.

(Юнак: ) “Звычайна паказваюць нейкія вёскі. Напэўна, гэта цікава эўрапейцам, у якіх такога ўжо няма. На мой погляд, напэўна, залішне суб’ектыўны, варта было паказаць ня столькі тое, якія ў нас музэі, народная творчасьць, колькі магчымасьці беларусаў нешта рабіць новае, крэатыўнае і цікавае для эўрапейцаў”.

(Спадарыня: ) “Гэта музэі. Гэта людзі – у нас мэнталітэт вельмі добры, гасьцінны, трэба паказваць, у першую чаргу, наша стаўленьне да гасьцей замежных. І наш горад, яго чысьціню, як ён зьмяніўся апошнім часам”.

(Спадарыня: ) “Я думаю, паказаць шмат што ёсьць. Гэта і Мірскі замак, і Нясьвіскі замак, але ўсё гэта ў вельмі занядбаным выглядзе (прыкладам, у Нясьвіжы). А Мірскі замак рэканструяваны такім чынам, што гэта хутчэй нагадвае пернік. Так што паказваць ёсьць што, але працаваць рэстаўратары павінны лепей”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG