У Польшчы кожны ведае, хто ў траўні 1981 году страляў у папу-паляка на плошчы сьвятога Пятра, аднак наконт таго, ці грамадзянін Турэччыны Мэхмэт Алі Агца сам вырашыў зрабіць гэта, ці стаяў нехта за ім і хто гэта быў – меркаваньні розныя.
Афіцыйнае сьледзтва ў гэтай справе, якое ў 1980-я гады вяла італьянская пракуратура, не прынесла адказу на гэтае пытаньне. Між тым, сьледчы з Рыму Фэрдынада Імпасімата, які першы пасьля замаху дапытваў турэцкага тэрарыста, а потым чвэрць стагодзьдзя прысьвяціў прыватнаму сьледзтву ў гэтай справе, не сумняецца, што за замахам стаіць савецкі КГБ, які выкарыстаў для сваіх мэтаў баўгарскія спэцслужбы.
Сёньня польcкая газэта „Dziennik” піша, што тры дні таму ў архівах баўгарскіх спэцслужбаў былі знойдзеныя дакумэнты, якія сьведчаць пра іхнае супрацоўніцтва з КГБ, а зусім нядаўна адмысловая сьледчая камісія італьянскага парлямэнту высьветліла, што на здымку натоўпу ў часе замаху ёсьць супрацоўнік баўгарскіх спэцслужбаў, які раней у часе сьледзтва заявіў, што быў у той час у сваім офісе – паводле камісіі, замах, напэўна, рыхтавалі на Лубянцы.
Прафэсар Юзэф Шаняўскі, які ў 1980-я гады сядзеў у адной камэры з палкоўнікам польскіх спэцслужбаў Адамам Пятрушкам, кажа, што той узгадваў пра дачыненьне КГБ да замахаў на Папу.
(Шаняўскі: ) “Ён намякаў, што агенты КГБ маглі браць у гэтым удзел”, – кажа прафэсар Шаняўскі.
Пакуль дакумэнтаў, якія адназначна б сьведчылі аб удзеле савецкіх спэцслужбаў у падрыхтоўцы замаху, няма. Дасьледчыкі, аднак, ведаюць пра існаваньне ў Савецкім Саюзе плянаў “распрацоўкі” папы Яна Паўла другога, у якім улады усходняга блёку бачылі небясьпеку.
Магчыма, больш інфармацыі зьявіцца ў выніку сьледзтва Інстытуту нацыянальнай памяці Польшчы, які хоча высьветліць, якое дачыненьне да замаху на пантыфіка мелі польскія камуністычныя спэцслужбы.
Афіцыйнае сьледзтва ў гэтай справе, якое ў 1980-я гады вяла італьянская пракуратура, не прынесла адказу на гэтае пытаньне. Між тым, сьледчы з Рыму Фэрдынада Імпасімата, які першы пасьля замаху дапытваў турэцкага тэрарыста, а потым чвэрць стагодзьдзя прысьвяціў прыватнаму сьледзтву ў гэтай справе, не сумняецца, што за замахам стаіць савецкі КГБ, які выкарыстаў для сваіх мэтаў баўгарскія спэцслужбы.
Сёньня польcкая газэта „Dziennik” піша, што тры дні таму ў архівах баўгарскіх спэцслужбаў былі знойдзеныя дакумэнты, якія сьведчаць пра іхнае супрацоўніцтва з КГБ, а зусім нядаўна адмысловая сьледчая камісія італьянскага парлямэнту высьветліла, што на здымку натоўпу ў часе замаху ёсьць супрацоўнік баўгарскіх спэцслужбаў, які раней у часе сьледзтва заявіў, што быў у той час у сваім офісе – паводле камісіі, замах, напэўна, рыхтавалі на Лубянцы.
Прафэсар Юзэф Шаняўскі, які ў 1980-я гады сядзеў у адной камэры з палкоўнікам польскіх спэцслужбаў Адамам Пятрушкам, кажа, што той узгадваў пра дачыненьне КГБ да замахаў на Папу.
(Шаняўскі: ) “Ён намякаў, што агенты КГБ маглі браць у гэтым удзел”, – кажа прафэсар Шаняўскі.
Пакуль дакумэнтаў, якія адназначна б сьведчылі аб удзеле савецкіх спэцслужбаў у падрыхтоўцы замаху, няма. Дасьледчыкі, аднак, ведаюць пра існаваньне ў Савецкім Саюзе плянаў “распрацоўкі” папы Яна Паўла другога, у якім улады усходняга блёку бачылі небясьпеку.
Магчыма, больш інфармацыі зьявіцца ў выніку сьледзтва Інстытуту нацыянальнай памяці Польшчы, які хоча высьветліць, якое дачыненьне да замаху на пантыфіка мелі польскія камуністычныя спэцслужбы.