Адказнасьць за акцыю, якая адбылася 24 красавіка на Кастрычніцкай плошчы, узяў на сябе незарэгістраваны рух беларускай салідарнасьці “Разам”. Паводле існых правілаў, імёны актывістаў не раскрываюцца. Гаворыць актывіст арганізацыі Дзяніс Дзянісаў:
(Дзянісаў: ) “Неабавязкова ведаць яго імя. Галоўнае, што гэта справа рук моладзі — значыць, справа ўсіх”.
Са словаў суразмоўцы, цяпер у Беларусі разьвіваецца працэс аб’яднаньня патрыятычнага моладзевага руху. “Ствараецца судружнасьць абаронцаў намётавага лягеру”, — кажа Дзяніс Дзянісаў і называе ўчорашнюю акцыю на Кастрычніцкай плошчы “удалым пачаткам”.
(Дзянісаў: ) “Сэнс быў у тым, каб паказаць, што сіла, якая паднялася дзякуючы намётаваму лягеру, нарастае”.
Пра прынцыпы, на якіх цяпер у Беларусі грунтуецца моладзевая салідарнасьць, гаворыць Крысьціна Шацікава:
(Шацікава: ) “У нас людзі з розных палітычных партыяў і рухаў. Гэта садружнасьць беларускай моладзі, якая жадае зьменаў. Патрыятычныя акцыі падтрымліваюцца намі адразу. Я тэлефаную, напрыклад, па трох нумарах. Гэтыя трое тэлефануюць яшчэ дзевяцярым. У сваю чаргу кожны зь іх — яшчэ траім. Літаральна праз хвіліны людзі з усіх бакоў падцягваюцца”.
Крысьціна Шацікава кажа, што сотавая структура арганізацыі напрацаваная ў намётавым лягеры:
(Шацікава: ) “Я называла свой нумар тэлефону й гаварыла: “Перадайце іншаму, няхай запамінае, каб пасьля не губляцца”. І цяпер у нас сабраныя практычна ўсе тэлефоны — больш як пяцьсот”.
Крысьціна Шацікава паведаміла таксама, што заўтра ўдзел у Чарнобыльскім шляху сябры судружнасьці абаронцаў намётавага лягеру пачнуць з Кастрычніцкай плошчы.
(Дзянісаў: ) “Неабавязкова ведаць яго імя. Галоўнае, што гэта справа рук моладзі — значыць, справа ўсіх”.
Са словаў суразмоўцы, цяпер у Беларусі разьвіваецца працэс аб’яднаньня патрыятычнага моладзевага руху. “Ствараецца судружнасьць абаронцаў намётавага лягеру”, — кажа Дзяніс Дзянісаў і называе ўчорашнюю акцыю на Кастрычніцкай плошчы “удалым пачаткам”.
(Дзянісаў: ) “Сэнс быў у тым, каб паказаць, што сіла, якая паднялася дзякуючы намётаваму лягеру, нарастае”.
Пра прынцыпы, на якіх цяпер у Беларусі грунтуецца моладзевая салідарнасьць, гаворыць Крысьціна Шацікава:
(Шацікава: ) “У нас людзі з розных палітычных партыяў і рухаў. Гэта садружнасьць беларускай моладзі, якая жадае зьменаў. Патрыятычныя акцыі падтрымліваюцца намі адразу. Я тэлефаную, напрыклад, па трох нумарах. Гэтыя трое тэлефануюць яшчэ дзевяцярым. У сваю чаргу кожны зь іх — яшчэ траім. Літаральна праз хвіліны людзі з усіх бакоў падцягваюцца”.
Крысьціна Шацікава кажа, што сотавая структура арганізацыі напрацаваная ў намётавым лягеры:
(Шацікава: ) “Я называла свой нумар тэлефону й гаварыла: “Перадайце іншаму, няхай запамінае, каб пасьля не губляцца”. І цяпер у нас сабраныя практычна ўсе тэлефоны — больш як пяцьсот”.
Крысьціна Шацікава паведаміла таксама, што заўтра ўдзел у Чарнобыльскім шляху сябры судружнасьці абаронцаў намётавага лягеру пачнуць з Кастрычніцкай плошчы.
