Палітычная рада дэмпартыяў абмяркуе плян стварэньня руху "За свабоду"

Радыё Свабода Сёньня адбудзецца паседжаньне палітычнай рады дэмакратычных партый, на якім лідэр аб’яднанай апазыцыі Аляксандар Мілінкевіч прапануе на зацьверджэньне структуру і плян стварэньня шырокага руху “За свабоду”. У рух увойдуць дэмакратычныя арганізацыі, якія ўдзельнічалі ў Кангрэсе дэмакратычных сілаў, а таксама будзе дадзеная магчымасьць далучыцца тым грамадзкім ініцыятывам і проста людзям, якія абудзіліся да грамадзкай актыўнасьці падчас сакавіцкіх маніфэстацый і выбарчай кампаніі.