Празь некалькі гадзінаў пад дзьвярыма зьявіліся некалькі байцоў спэцназу міліцыі. Адразу людзі ў цывільным пачалі званіць у кватэру і патрабаваць, каб адчынілі дзьверы. Ля пад’езду дому сталі два аўтамабілі.
А 9-й вечара да Галіны Сіўчык прыехалі Ірына Казуліна і Валеры Шчукін. Участковы інспэктар, якому дазволілі ўвайсьці ў кватэру, паказаў Галіне Сіўчык фатаздымак яе сына Вячаслава. Ён патлумачыў, што яго шукаюць як злачынцу. Гаворыць Галіна Сіўчык:
(Сіўчык: ) “Цяпер у нас адчыненыя дзьверы і поўная пляцоўка людзей бяз формы і некалькі чалавек у форме спэцназу. Прыйшоў участковы, мы яго выклікалі, але ён нейкі бездапаможны. Кажуць, што ў маёй кватэры хаваецца злачынца”.
(Карэспандэнтка: ) “Каго яны маюць на ўвазе?”
(Сіўчык: ) “Славу. Я дазваляю ўчастковаму ўсё праверыць у кватэры і пераканацца, што тут нікога няма”.
Вячаслава Сіўчыка, якога затрымалі за ўдзел у апазыцыйнай акцыі на Кастрычніцкай плошчы, хочуць затрымаць і накіраваць у суд. Пасьля затрыманьня ён трапіў у шпіталь з чэрапна-мазгавой траўмай і пазьбег адбыцьця арышту ў турме на Акрэсьціна.
А 9-й вечара да Галіны Сіўчык прыехалі Ірына Казуліна і Валеры Шчукін. Участковы інспэктар, якому дазволілі ўвайсьці ў кватэру, паказаў Галіне Сіўчык фатаздымак яе сына Вячаслава. Ён патлумачыў, што яго шукаюць як злачынцу. Гаворыць Галіна Сіўчык:
(Сіўчык: ) “Цяпер у нас адчыненыя дзьверы і поўная пляцоўка людзей бяз формы і некалькі чалавек у форме спэцназу. Прыйшоў участковы, мы яго выклікалі, але ён нейкі бездапаможны. Кажуць, што ў маёй кватэры хаваецца злачынца”.
(Карэспандэнтка: ) “Каго яны маюць на ўвазе?”
(Сіўчык: ) “Славу. Я дазваляю ўчастковаму ўсё праверыць у кватэры і пераканацца, што тут нікога няма”.
Вячаслава Сіўчыка, якога затрымалі за ўдзел у апазыцыйнай акцыі на Кастрычніцкай плошчы, хочуць затрымаць і накіраваць у суд. Пасьля затрыманьня ён трапіў у шпіталь з чэрапна-мазгавой траўмай і пазьбег адбыцьця арышту ў турме на Акрэсьціна.
