1 красавіка ў Жодзінскім ізалятары з Аляксандрам Казуліным сустрэліся ягоная жонка Ірына і дачка Юлія. Сваімі першымі ўражаньнямі са Свабодай падзялілася Ірына Казуліна.
(Казуліна: ) “Па-першае, я вельмі шчасьлівая, што яго ўбачыла. Я ўбачыла ягоныя вочы, якія сьвецяцца па-ранейшаму. Я бачу, што ён не зьмяніўся”.
Нагадаю, экс-кандыдат на прэзыдэнты знаходзіцца пад арыштам з 25 сакавіка. Яго абвінавачваюць ў злосным хуліганстве і арганізацыі вулічных непарадкаў.
Размова Казуліна са сваякамі праходзіла праз жалезныя краты і доўжылася 2 гадзіны. Найперш, Ірына Казуліна распавяла Свабодзе пра стаўленьне мужа да заведзенай супраць яго крымінальнай справы.
(Казуліна: ) “Ён адмовіўся ад дачы паказаньняў зусім – ён лічыць, што справу сфабрыкавалі, бо яна заведзеная з палітычных прычынаў. У сувязі з гэтай справай муж сказаў, што адзінае, чаго ён чакае – гэта суду. Бо толькі ў судзе магчыма разабрацца і паказаць усім беларусам, што ёсьць правакацыя ўладаў і расправа з палітычным апанэнтам”.
Паводле Ірыны Казулінай, яе муж не шкадуе, што 25 сакавіка ўзначаліў шэсьце часткі мітынгоўцаў ад сквэру Янкі Купалы да турмы на Акрэсьціна, бо ў іншым выпадку разгон дэманстрантаў мог быць больш брутальным.
(Казуліна: ) “Ён сказаў, што разумее, якая бойка была б, калі б ён не пайшоў з людзьмі, не заклікаў іх ісьці толькі па ходніках, не здолеў спыніць натоўп і павярнуць яго назад. Інакш наступствы гэтая акцыі былі б больш жорсткія”.
Аляксандр Казулін мяркуе, што ягоную справу будуць расьсьледаваць яшчэ цягам прынамсі двух месяцаў, сказала Ірына Казуліна.
Паводле яе, Аляксандр Казулін папраўляецца ад зьбіцьця падчас затрыманьня, але ў камэры ён прастыў, і цяпер праходзіць курс лячэньня ад бранхіту. Былому рэктару БДУ дазволілі чытаць кнігу па філязофіі, з дапамогай якой ён бавіць вольны час.
Ірына Казуліна сказала, што яе муж паінфармаваны аб асноўных падзеях у краіне, уключна нават з паведамленьнем пра намер Расеі з 2007 года падвысіць кошт газу для Беларусі ў 5 разоў. “Гэта было прадказальна”, пракамэнтаваў зьвесткі Казулін. Жонка палітыка сказала, што не пачула ад яго ніводнай скаргі на харчаваньне ці ўмовы ў камэры.
(Казуліна: ) “Усё ў яго выдатна, усё добра. Гэта словы, якія мы заўсёды ад яго чуем. Калі ёсьць хаця б мінімальныя ўмовы для жыцьця, ён ніколі ня скардзіцца. Нават сказаў, што да яго ставяцца вельмі паважліва, нават клічуць на “Вы”.
(Казуліна: ) “Па-першае, я вельмі шчасьлівая, што яго ўбачыла. Я ўбачыла ягоныя вочы, якія сьвецяцца па-ранейшаму. Я бачу, што ён не зьмяніўся”.
Нагадаю, экс-кандыдат на прэзыдэнты знаходзіцца пад арыштам з 25 сакавіка. Яго абвінавачваюць ў злосным хуліганстве і арганізацыі вулічных непарадкаў.
Размова Казуліна са сваякамі праходзіла праз жалезныя краты і доўжылася 2 гадзіны. Найперш, Ірына Казуліна распавяла Свабодзе пра стаўленьне мужа да заведзенай супраць яго крымінальнай справы.
(Казуліна: ) “Ён адмовіўся ад дачы паказаньняў зусім – ён лічыць, што справу сфабрыкавалі, бо яна заведзеная з палітычных прычынаў. У сувязі з гэтай справай муж сказаў, што адзінае, чаго ён чакае – гэта суду. Бо толькі ў судзе магчыма разабрацца і паказаць усім беларусам, што ёсьць правакацыя ўладаў і расправа з палітычным апанэнтам”.
Паводле Ірыны Казулінай, яе муж не шкадуе, што 25 сакавіка ўзначаліў шэсьце часткі мітынгоўцаў ад сквэру Янкі Купалы да турмы на Акрэсьціна, бо ў іншым выпадку разгон дэманстрантаў мог быць больш брутальным.
(Казуліна: ) “Ён сказаў, што разумее, якая бойка была б, калі б ён не пайшоў з людзьмі, не заклікаў іх ісьці толькі па ходніках, не здолеў спыніць натоўп і павярнуць яго назад. Інакш наступствы гэтая акцыі былі б больш жорсткія”.
Аляксандр Казулін мяркуе, што ягоную справу будуць расьсьледаваць яшчэ цягам прынамсі двух месяцаў, сказала Ірына Казуліна.
Паводле яе, Аляксандр Казулін папраўляецца ад зьбіцьця падчас затрыманьня, але ў камэры ён прастыў, і цяпер праходзіць курс лячэньня ад бранхіту. Былому рэктару БДУ дазволілі чытаць кнігу па філязофіі, з дапамогай якой ён бавіць вольны час.
Ірына Казуліна сказала, што яе муж паінфармаваны аб асноўных падзеях у краіне, уключна нават з паведамленьнем пра намер Расеі з 2007 года падвысіць кошт газу для Беларусі ў 5 разоў. “Гэта было прадказальна”, пракамэнтаваў зьвесткі Казулін. Жонка палітыка сказала, што не пачула ад яго ніводнай скаргі на харчаваньне ці ўмовы ў камэры.
(Казуліна: ) “Усё ў яго выдатна, усё добра. Гэта словы, якія мы заўсёды ад яго чуем. Калі ёсьць хаця б мінімальныя ўмовы для жыцьця, ён ніколі ня скардзіцца. Нават сказаў, што да яго ставяцца вельмі паважліва, нават клічуць на “Вы”.
