Валер Леванеўскі сказаў, што захапляецца мужнасьцю суайчыньнікаў, якія змагаліся за справядлівыя выбары. Асабліва яго ўразіла самаадданасьць маладых абаронцаў намётавага лягеру на Кастрычніцкай плошчы. “Такая моладзь пераможа любую дыктатуру”, – сказаў Валер Леванеўскі. Таксама вязень івацэвіцкай калёніі выказаў абурэньне дзеяньнямі беларускіх уладаў: ён не сумняваецца, што вынікі выбараў былі сфальсыфікаваныя.
Валер Леванеўскі быў асуджаны да 2 гадоў зьняволеньня – суд прызнаў яго вінаватым у паклёпе на прэзыдэнта. Леванеўскі выйдзе на волю сёлета ў траўні. Валер Леванеўскі неаднаразова заяўляў, што ня спыніць палітычнай барацьбы й па выхадзе з турмы.
Валер Леванеўскі быў асуджаны да 2 гадоў зьняволеньня – суд прызнаў яго вінаватым у паклёпе на прэзыдэнта. Леванеўскі выйдзе на волю сёлета ў траўні. Валер Леванеўскі неаднаразова заяўляў, што ня спыніць палітычнай барацьбы й па выхадзе з турмы.