Камандзіроўка журналісткі грузінскага грамадзкага тэлебачаньня Ніно Георгібіані на беларускія прэзыдэнцкія выбары скончылася толькі сёньня. Ніно выйшла з турмы на Акрэсьціна, дзе яна прасядзела 5 дзён, і адразу зьехала зь Беларусі.
Ейны калега апэратар Георгія Лагідзэ правядзе на нарах на Акрэсьціна яшчэ 10 дзён. Іх затрымалі 24 сакавіка раніцай ля турмы падчас здымкаў сюжэту пра сваякоў зьняволеных. У пратаколе затрыманьня было напісана: “брыдкасловілі й абражалі мінакоў”.
Генэральны пракурор Беларусі Пётар Міклашэвіч заявіў сёньня на прэсавай канфэрэнцыі, што ўсяго падчас падзеяў у Менску быў затрыманы 21 замежны грамадзянін — з Украіны, Польшчы, Расеі, Грузіі, Літвы й Канады. Паводле Пятра Міклашэвіча, затрымлівалі замежнікаў пераважна падчас несанкцыянаваных вулічных акцыяў. 14 замежнікаў былі асуджаны на тэрміны ад 3 да 15 сутак.
Якая дапамога аказваецца тым, хто застаецца ў турме на Акрэсьціна, іхнымі суайчыньнікамі?
Каб дапамагчы грамадзянам Грузіі, з Кіеву адмыслова прыехаў грузінскі консул Зураб Квачадзэ. Дамагчыся вызваленьня Ніно Георгібіані раней не ўдалося. Але ёсьць надзея, што апэратара Георгія Лагідзэ ўсё ж ня будуць трымаць пад арыштам усе 15 сутак. З удзелам адваката Веры Страмкоўскай прысуд грузінскаму журналісту сёньня быў абскарджаны ў гарадзкім судзе.
Дарэчы, гэтаксама абскарджаны й прысуды польскім грамадзянам Марыюшу Машкевічу, Вераніцы Самурскай і Пётру Дудановічу.
Польскі консул Крыштаф Сьвідэрэк распавеў, што ад ночы 24 сакавіка супрацоўнікам амбасады доўга не давалі зьвестак пра затрыманых палякаў, а потым не называлі суду, у якім іх судзілі. Пабачыцца з затрыманымі суграмадзянамі польскім дыпляматам удалося толькі празь дзень, а перадаць ім рэчы й харч — болей як праз 3 дні.
(Сьвідэрэк: ) “Тады ўвечары мы перадалі ім прадукты, спальныя мяхі ды іншае. Яны сказалі, што гэта, у пэўным сэнсе, выратаваньне, бо там халодна, а таксама не маглі прызвычаіцца да той ежы. Для іх гэта было яшчэ й вялікім маральным ударам — знаходжаньне там”.
Паводле спадара Сьвідэрэка, “вельмі сур’ёзна цяпер працуе польская дыпляматыя” дзеля вызваленьня з Акрэсьціна польскіх грамадзянаў.
Пра гэткія ж намаганьні паведаміў мне й прэс-аташэ амбасады Ўкраіны ў Беларусі Леанід Ясінскі. Паводле яго, украінцам Паўлу Салыгу, Андрыю Любку й Артуру Кавальчуку перададзены прадукты й рэчы, з просьбы амбасады іх зьмясьцілі ў адну камэру. “Амбасада робіць усе магчымыя захады, каб украінцаў вызвалілі датэрмінова”, — запэўніў дыплямат.
Прэсавы аташэ амбасады Расеі ў Беларусі Аляксандр Фралоў распавёў пра высілкі з мэтай вызваленьня расейскіх грамадзянаў.
(Фралоў: ) “Учора ў МЗС Беларусі накіравалі ноту — з просьбай датэрмінова вызваліць нашых грамадзян. Адказ пакуль не атрыманы”.
Паводле дадзеных спадара Фралова, гаворка вядзецца пра 6 чалавек. Супрацоўнікамі амбасады ім таксама перададзены рэчы й прадукты.
Тым часам міністар замежных справаў Канады Пітэр Маккей, як паведамляюць інфармацыйныя крыніцы, запрасіў да сябе пасла Беларусі й запатрабаваў тэрмінова вызваліць канадзкага журналіста Фрэдэрыка Левуа, асуджанага на 15 сутак. У МЗС Беларусі ўжо кваліфікавалі гэтую заяву як “мэтады палітычнага ціску й шантажу”.
“Канадзе трэба ведаць, што Беларусь не рэагуе на ціск, а рашэньне аб вызваленьні можа прыняць толькі суд”, — заявіла начальнік аддзелу прэсавай службы МЗС Беларусі Марыя Ваньшына.
Ейны калега апэратар Георгія Лагідзэ правядзе на нарах на Акрэсьціна яшчэ 10 дзён. Іх затрымалі 24 сакавіка раніцай ля турмы падчас здымкаў сюжэту пра сваякоў зьняволеных. У пратаколе затрыманьня было напісана: “брыдкасловілі й абражалі мінакоў”.
Генэральны пракурор Беларусі Пётар Міклашэвіч заявіў сёньня на прэсавай канфэрэнцыі, што ўсяго падчас падзеяў у Менску быў затрыманы 21 замежны грамадзянін — з Украіны, Польшчы, Расеі, Грузіі, Літвы й Канады. Паводле Пятра Міклашэвіча, затрымлівалі замежнікаў пераважна падчас несанкцыянаваных вулічных акцыяў. 14 замежнікаў былі асуджаны на тэрміны ад 3 да 15 сутак.
Якая дапамога аказваецца тым, хто застаецца ў турме на Акрэсьціна, іхнымі суайчыньнікамі?
Каб дапамагчы грамадзянам Грузіі, з Кіеву адмыслова прыехаў грузінскі консул Зураб Квачадзэ. Дамагчыся вызваленьня Ніно Георгібіані раней не ўдалося. Але ёсьць надзея, што апэратара Георгія Лагідзэ ўсё ж ня будуць трымаць пад арыштам усе 15 сутак. З удзелам адваката Веры Страмкоўскай прысуд грузінскаму журналісту сёньня быў абскарджаны ў гарадзкім судзе.
Дарэчы, гэтаксама абскарджаны й прысуды польскім грамадзянам Марыюшу Машкевічу, Вераніцы Самурскай і Пётру Дудановічу.
Польскі консул Крыштаф Сьвідэрэк распавеў, што ад ночы 24 сакавіка супрацоўнікам амбасады доўга не давалі зьвестак пра затрыманых палякаў, а потым не называлі суду, у якім іх судзілі. Пабачыцца з затрыманымі суграмадзянамі польскім дыпляматам удалося толькі празь дзень, а перадаць ім рэчы й харч — болей як праз 3 дні.
(Сьвідэрэк: ) “Тады ўвечары мы перадалі ім прадукты, спальныя мяхі ды іншае. Яны сказалі, што гэта, у пэўным сэнсе, выратаваньне, бо там халодна, а таксама не маглі прызвычаіцца да той ежы. Для іх гэта было яшчэ й вялікім маральным ударам — знаходжаньне там”.
Паводле спадара Сьвідэрэка, “вельмі сур’ёзна цяпер працуе польская дыпляматыя” дзеля вызваленьня з Акрэсьціна польскіх грамадзянаў.
Пра гэткія ж намаганьні паведаміў мне й прэс-аташэ амбасады Ўкраіны ў Беларусі Леанід Ясінскі. Паводле яго, украінцам Паўлу Салыгу, Андрыю Любку й Артуру Кавальчуку перададзены прадукты й рэчы, з просьбы амбасады іх зьмясьцілі ў адну камэру. “Амбасада робіць усе магчымыя захады, каб украінцаў вызвалілі датэрмінова”, — запэўніў дыплямат.
Прэсавы аташэ амбасады Расеі ў Беларусі Аляксандр Фралоў распавёў пра высілкі з мэтай вызваленьня расейскіх грамадзянаў.
(Фралоў: ) “Учора ў МЗС Беларусі накіравалі ноту — з просьбай датэрмінова вызваліць нашых грамадзян. Адказ пакуль не атрыманы”.
Паводле дадзеных спадара Фралова, гаворка вядзецца пра 6 чалавек. Супрацоўнікамі амбасады ім таксама перададзены рэчы й прадукты.
Тым часам міністар замежных справаў Канады Пітэр Маккей, як паведамляюць інфармацыйныя крыніцы, запрасіў да сябе пасла Беларусі й запатрабаваў тэрмінова вызваліць канадзкага журналіста Фрэдэрыка Левуа, асуджанага на 15 сутак. У МЗС Беларусі ўжо кваліфікавалі гэтую заяву як “мэтады палітычнага ціску й шантажу”.
“Канадзе трэба ведаць, што Беларусь не рэагуе на ціск, а рашэньне аб вызваленьні можа прыняць толькі суд”, — заявіла начальнік аддзелу прэсавай службы МЗС Беларусі Марыя Ваньшына.