Аляксандар Мілінкевіч заклікаў сваіх прыхільнікаў, іх сяброў і знаёмых узяць удзел у мерапрыемствах з нагоды 88-х угодкаў БНР. Ён таксама паведаміў пра санкцыі Эўразьвязу супраць чыноўнікаў, якія фальшавалі вынікі выбараў і рэпрэсавалі апазыцыйных актывістаў:
(Мілінкевіч: ) “На гэтым кавалачку беларускай зямлі столькі радасьцяў, столькі эмоцыяў і разам з тым столькі перашкодаў і парушэньняў закону. Але, разам з тым, я хачу вам сказаць, што нават у такой кране, у такіх умовах мы спрабуем зрабіць усё каб была справядлівасьць.
У мяне ёсьць добрая навіна – гэтыя выбары не прызнаныя цывілізаваным сьветам. Прызналі вынікі выбараў толькі Расея й Іран.
Ужо сёньня нам тэлефанавалі з Эўразьвязу і сказалі, што пачынаюць складаць сьпіс тых чыноўнікаў, якія парушаюць законы ў нашай краіне.
Тых, што выключаюць з унівэрсытэтаў студэнтаў, што парушаюць выбарчае заканадаўства, што выкідваюць рабочых ад станкоў, толькі за тое, што ў іх іншыя погляды і мара аб незалежнасьці і свабодзе.
Гэты сьпіс будзе вялікім, гэта будуць сотні і тысячы чалавек”.
Аляксандар Мілінкевіч таксама сказаў, што 30 сакавіка ў Варшаве зьбяруцца рэктары ўсіх польскіх унівэрсытэтаў, якія маюць падпісаць пагадненьне ў справе рэпрэсаваных па палітычных прычынах беларускіх студэнтаў і прадставіць ім бясплатнае навучаньне ў Польшчы.
Вядучая мітынгу Тацяна Ваніна зачытала сьпіс з 50 удзельнікаў акцыі пратэсту супраць фальсыфікацыі вынікаў выбараў, якія былі пакараныя адміністратыўнымі арыштамі цягам апошніх сутак. Яна папрасіла тых, хто знайшоў у гэтым сьпісе прозьвішчы сваіх сяброў, падтрымаць іх у зьняволеньні, паведаміць пра іх лёс родным. І прывесьці на месца арыштаваных у намётавы гарадок, як мінімум, 50 новых людзей.
Удзельнікі мітынгу таксама заслухалі выступ апазыцыйнага актывіста Вячаслава Сіўчыка і намесьніцу старшыні Аб’яднанай грамадзянскай партыі Людмілу Гразнову, якія абвінавацілі ўлады Расеі ў падтрымцы Аляксандра Лукашэнкі.
Быў зачытаны зварот у падтрымку акцыі пратэсту моладзі ад Ірыны Красоўскай – жонкі зьніклага грамадзкага дзеяча Анатоля Красоўскага.
(Мілінкевіч: ) “На гэтым кавалачку беларускай зямлі столькі радасьцяў, столькі эмоцыяў і разам з тым столькі перашкодаў і парушэньняў закону. Але, разам з тым, я хачу вам сказаць, што нават у такой кране, у такіх умовах мы спрабуем зрабіць усё каб была справядлівасьць.
У мяне ёсьць добрая навіна – гэтыя выбары не прызнаныя цывілізаваным сьветам. Прызналі вынікі выбараў толькі Расея й Іран.
Ужо сёньня нам тэлефанавалі з Эўразьвязу і сказалі, што пачынаюць складаць сьпіс тых чыноўнікаў, якія парушаюць законы ў нашай краіне.
Тых, што выключаюць з унівэрсытэтаў студэнтаў, што парушаюць выбарчае заканадаўства, што выкідваюць рабочых ад станкоў, толькі за тое, што ў іх іншыя погляды і мара аб незалежнасьці і свабодзе.
Гэты сьпіс будзе вялікім, гэта будуць сотні і тысячы чалавек”.
Аляксандар Мілінкевіч таксама сказаў, што 30 сакавіка ў Варшаве зьбяруцца рэктары ўсіх польскіх унівэрсытэтаў, якія маюць падпісаць пагадненьне ў справе рэпрэсаваных па палітычных прычынах беларускіх студэнтаў і прадставіць ім бясплатнае навучаньне ў Польшчы.
Вядучая мітынгу Тацяна Ваніна зачытала сьпіс з 50 удзельнікаў акцыі пратэсту супраць фальсыфікацыі вынікаў выбараў, якія былі пакараныя адміністратыўнымі арыштамі цягам апошніх сутак. Яна папрасіла тых, хто знайшоў у гэтым сьпісе прозьвішчы сваіх сяброў, падтрымаць іх у зьняволеньні, паведаміць пра іх лёс родным. І прывесьці на месца арыштаваных у намётавы гарадок, як мінімум, 50 новых людзей.
Удзельнікі мітынгу таксама заслухалі выступ апазыцыйнага актывіста Вячаслава Сіўчыка і намесьніцу старшыні Аб’яднанай грамадзянскай партыі Людмілу Гразнову, якія абвінавацілі ўлады Расеі ў падтрымцы Аляксандра Лукашэнкі.
Быў зачытаны зварот у падтрымку акцыі пратэсту моладзі ад Ірыны Красоўскай – жонкі зьніклага грамадзкага дзеяча Анатоля Красоўскага.
