У Берасьці пачаўся суд над вялікай групай памежнікаў і мытнікаў

Сярод абвінавачаных – 25 вайскоўцаў зь Пінскага памежнага атраду, 15 супрацоўнікаў мытні “Заходні Буг” і 5 грузаперавозчыкаў. З матэрыялаў сьледзтва вынікае, што абвінавачваныя памежнікі і мытнікі дапамагалі перавозіць праз гэты памежны пераход у Маларыцкім раёне кантрабандны груз, а таксама іншыя тавары без спагнаньня мытных пошлінаў.

Справа слухаецца ў Берасьцейскім міжгарнізонным вайсковым судзе.