"Мы хочам жыць у эўрапейскай Беларусі, і яна будзе такой"

Гаворыць Ірына Тоўсьцік, актывістка руху Зубр, якая прастаяла гэтай ноччу на плошчы.

(Карэспандэнт: ) "Чаму ты вырашыла ўсё ж такі правесьці гэтую такую марозную ноч тут на плошчы?"

(Тоўсьцік: ) "Я вырашыла правесьці гэтую ноч з тымі людзьмі, якія ўжо адчулі, што яны на плошчы, што яны свабодныя людзі. Яны – пераможцы. І мы ўсе, хто рабіў гэта, ішоў да гэтага, мы верым у перамогу, і мы пераможам, мы ўжо перамаглі. Гэтая ноч паказала, што ў нас ёсьць людзі, якія хочуць жыць у незалежнай, дэмакратычнай, эўрапейскай Беларусі. І яна будзе такой, я веру".

Яшчэ адзін з актывістаў, удзельнікаў мітынгу, які адстаяў ноч разам з усімі на гэтым намётавым мястэчку, Яраслаў Верніковіч з Глыбокага, дзеліцца сваймі ўражаньнямі:

(Верніковіч: ) "Я хацеў бы падзякаваць усім, хто прыехаў з усіх гарадоў Беларусі, хацеў бы падзякаваць менчукам, якія прыносяць сюлы гарачую ежу, каву, цёплыя рэчы для жыхароў мястэчка".

(Караткевіч: ) "Як доўга вы зьбіраецеся быць у Менску?"

(Верніковіч: ) "Асабіста я сёньня зьеду на суткі, бо ў мяне заўтра паседжаньне суда."

(Караткевіч: ) "За што Вас судзяць?"

(Верніковіч: ) "За агітацыю".

(Караткевіч: ) "А вы былі ў штабе Казуліна ці МІлінкевіча?"

(Верніковіч: ) "Мілінкевіча".

(Караткевіч: ) "А як увогуле настроі ў самім Глыбокім пасьля выбараў?"

(Верніковіч: ) "Усе ведалі, якія будуць выбары, і ведалі загадзя, які будзе вынік".