Рэдактар “Народнай Волі” Іосіф Сярэдзіч зьвяртаўся ў Гэнэральную пракуратуру, Міністэрства ўнутраных справаў і іншыя высокія дзяржаўныя інстанцыі, патрабуючы вярнуць газэту. Аднак ніводная зь іх не адрэагавала. У прыватнай гутарцы спадару Сярэдзічу паведамілі, што вяртаць газэту ўлады не зьбіраюцца.
Рэдактар “БДГ. Деловая газета” Пётар Марцаў паведаміў Радыё Свабода, што на Смаленскім поліграфічным камбінаце па-ранейшаму адмаўляюцца друкаваць газэту, хоць запазычанасьць газэта прадпрыемству кампэнсавала. Са Смаленску няма афіцыйнага пацьверджаньня аб скасаваньні дамовы пра супрацоўніцтва, а кіраўніцтва камбінату ўнікае кантактаў.
З-за няпэўнай сытуацыі спадар Марцаў думае шукаць іншага бізнэс-партнэра для друкаваньня газэты. Аднак ён мяркуе, што выдаць і распаўсюдзіць газэту напярэдадні галасаваньня 19 сакавіка наўрад ці атрымаецца. Мала спадзяваньняў на тое, што газэта выйдзе да дня выбараў, і ў рэдакцыі газэты “Товарищ”. Цяпер выдаўцы таксама шукаюць новую друкарню.
Рэдактар “БДГ. Деловая газета” Пётар Марцаў паведаміў Радыё Свабода, што на Смаленскім поліграфічным камбінаце па-ранейшаму адмаўляюцца друкаваць газэту, хоць запазычанасьць газэта прадпрыемству кампэнсавала. Са Смаленску няма афіцыйнага пацьверджаньня аб скасаваньні дамовы пра супрацоўніцтва, а кіраўніцтва камбінату ўнікае кантактаў.
З-за няпэўнай сытуацыі спадар Марцаў думае шукаць іншага бізнэс-партнэра для друкаваньня газэты. Аднак ён мяркуе, што выдаць і распаўсюдзіць газэту напярэдадні галасаваньня 19 сакавіка наўрад ці атрымаецца. Мала спадзяваньняў на тое, што газэта выйдзе да дня выбараў, і ў рэдакцыі газэты “Товарищ”. Цяпер выдаўцы таксама шукаюць новую друкарню.