Штодня ў якім-небудзь, а то і ў некалькіх адразу раённых судах Менску судзяць прадстаўнікоў незарэгістраваных моладзевых арганізацыяў. Некаторых затрымалі на вуліцы, некаторых – пасьля завяршэньня сустрэчы з кандыдатам ў прэзыдэнты Аляксандрам Мілінкевічам, але ёсьць выпадкі, калі актывістаў затрымліваюць дома. У выніку толькі цягам апошняга тыдня за краты спэцпрымальніка-разьмеркавальніка трапілі 20 актывістаў апазыцыі.
Сярод арыштаваных і пяцёра грамадзянаў Украіны, якіх учора суд Фрунзэнскага раёну пакараў арыштам на 10 сутак – за тое, што яны прыйшлі на сустрэчу з Аляксандрам Мілінкевічам, якая адбывалася каля Лядовага палацу. Усе арыштаваныя грамадзяне Ўкраіны, апроч Анатоля Яцэнкі, зьяўляюцца сябрамі моладзевай арганізацыі “Студентське братство”. У судзе некаторыя зь іх казалі, што былі зьбітыя.
Натальля Касарчук паведаміла Радыё Свабода:
(Касарчук: ) “Вельмі груба сябе паводзілі, ужывалі фізычную сілу, а таксама нецэнзурную лексыку. Мяне пасадзілі ў камэру зь нейкімі п’яніцамі, якія былі за Лукашэнку. Яны лаяліся. Я наагул усю ноч ня спала, баялася, каб яны чаго-небудзь са мной не зрабілі”.
Непаўналетняга Цімура Літвіна з Днепрапятроўску прадстаўнікі амбасады Ўкраіны забралі са спэцпрымальніка і дапамаглі дабрацца дадому.
Суды над затрыманымі грамадзянамі Ўкраіны і Беларусі доўжыліся ўчора з раніцы да 9-й вечара. Чатырох чалавек пакаралі штрафамі. Яны лічаць, што пазьбеглі арышту толькі таму, што іх няма ў так званым “чорным сьпісе”, куды ўвайшлі тыя прадстаўнікі апазыцыі, якія ўжо адбывалі арышты за ўдзел у вулічных акцыях пратэсту.
Гаворыць Алег Ларычаў:
(Ларычаў: ) “Я думаю, што мяне пакаралі толькі штрафам, бо я ня ў “чорных сьпісах”. Раней ніколі не сядзеў за ўдзел у несанкцыянаваных акцыях паводле 167-га артыкулу”. Сёньня а 9-й раніцы пачнуць судзіць актывіста незарэгістраванага моладзевага руху “Зубр” Максіма Вінярскага, прадпрымальніка Алега Макаева і Аляксандра Прысмакова.
Сярод арыштаваных і пяцёра грамадзянаў Украіны, якіх учора суд Фрунзэнскага раёну пакараў арыштам на 10 сутак – за тое, што яны прыйшлі на сустрэчу з Аляксандрам Мілінкевічам, якая адбывалася каля Лядовага палацу. Усе арыштаваныя грамадзяне Ўкраіны, апроч Анатоля Яцэнкі, зьяўляюцца сябрамі моладзевай арганізацыі “Студентське братство”. У судзе некаторыя зь іх казалі, што былі зьбітыя.
Натальля Касарчук паведаміла Радыё Свабода:
(Касарчук: ) “Вельмі груба сябе паводзілі, ужывалі фізычную сілу, а таксама нецэнзурную лексыку. Мяне пасадзілі ў камэру зь нейкімі п’яніцамі, якія былі за Лукашэнку. Яны лаяліся. Я наагул усю ноч ня спала, баялася, каб яны чаго-небудзь са мной не зрабілі”.
Непаўналетняга Цімура Літвіна з Днепрапятроўску прадстаўнікі амбасады Ўкраіны забралі са спэцпрымальніка і дапамаглі дабрацца дадому.
Суды над затрыманымі грамадзянамі Ўкраіны і Беларусі доўжыліся ўчора з раніцы да 9-й вечара. Чатырох чалавек пакаралі штрафамі. Яны лічаць, што пазьбеглі арышту толькі таму, што іх няма ў так званым “чорным сьпісе”, куды ўвайшлі тыя прадстаўнікі апазыцыі, якія ўжо адбывалі арышты за ўдзел у вулічных акцыях пратэсту.
Гаворыць Алег Ларычаў:
(Ларычаў: ) “Я думаю, што мяне пакаралі толькі штрафам, бо я ня ў “чорных сьпісах”. Раней ніколі не сядзеў за ўдзел у несанкцыянаваных акцыях паводле 167-га артыкулу”. Сёньня а 9-й раніцы пачнуць судзіць актывіста незарэгістраванага моладзевага руху “Зубр” Максіма Вінярскага, прадпрымальніка Алега Макаева і Аляксандра Прысмакова.