Лінкі ўнівэрсальнага доступу

Сьвятлана Алексіевіч узнагароджаная прэміяй Таварыства амэрыканскіх крытыкаў


Сяргей Навумчык, Прага Пісьменьніца Сьвятлана Алексіевіч ўзнагароджаная прэміяй амэрыканскага таварыства NATIONAL BOOK CRITICS CIRCLE (NBCC) за кнігу “Галасы з Чарнобыля”. Прэмія ня мае грашовага эквіваленту, але зьяўляецца адной з найбольш прэстыжных літаратурных узнагародаў ў сьвеце англамоўнай літаратуры.

(Алексіевіч: ) “Для мяне вельмі істотна, што гэтая кніга пра Чарнобыль ўзнагароджаная і заўважаная, – у амэрыканскім выданьні яна завецца "Галасы з Чарнобыля", – але ў цэлым адзначаны як унікальны праект, які я пішу ўжо трыццаць гадоў, які складаецца зь пяці кніг – "Маленькі чалавек і Вялікая Ўтопія". Гэта значыць, пра магію гэтай утопіі, пра гэты вялікі падман распавядаюць і самі сьведкі, і самі творцы, і каты, і ахвяры. І я спадзяюся, што больш людзей прачытае, даведаецца, для мяне гэта таксама вельмі важна. Асабліва цяпер, калі наша маленькая краіна займае асаблівае месца ў сьвядомасьці Эўропы і сьвету, са сваёй бядой, са сваёй немагчымасьцю пераадолець гэтую бяду. Мне здаецца вельмі важным, калі аддаецца перавага аўтару "адсюль", ягонаму голасу”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG