У Менску ў страйку ўдзельнічала невялікая колькасьць гандляроў. Гаворыць прадпрымальнік рынку “Ждановічы” Аляксандар Талстыка:
(Талстыка: ) “20 працэнтаў не працуе, астатнія працуюць. Большая частка працуе. Людзі запалоханыя і баяцца. Чаго баяцца, я ня ведаю”.
Нязначная колькасьць бізнэсоўцаў падтрымала страйк і ў рэгіёнах. Гаворыць адзін з ініцыятараў акцыі, актывіст прадпрымальніцкага руху Ігар Леднік:
(Леднік: ) “Напярэдадні страйку тэлефанавалі нашы сябры з рэгіёнаў, якія казалі, што быў вельмі значны ціск на прадпрымальнікаў, на лідэраў. Напрыклад, у Барысаве выканаўчая ўлада зьбірала прадпрымальнікаў, каб тыя не выходзілі на гэты страйк. Спэцслужбы працуюць”.
Спадар Леднік нагадаў, што калі страйк рыхтаваўся, пакаралі 10-дзённым арыштам лідэра менскіх прадпрымальнікаў Аляксандра Макаева, які распаўсюджваў інфармацыю пра акцыю. Па арышце лідэры прадпрымальнікаў, якія выступалі за акцыю, страцілі імпэт. Гаворыць актывіст прадпрымальніцкага руху з Баранавічаў Мікалай Чарнавус:
(Чарнавус: ) “У нас цішыня. Гэта Менск ладзіў, ніхто нас не папярэджваў, ніхто нам больш нічога не казаў. Калі Менск будзе страйкаваць, то мы іх падтрымаем. Вось як было”.
Страйк не адбыўся сёньня і ў Лепелі — нягледзячы на тое, што мясцовыя гандляры пра акцыю ведалі. Вось што паведаміў тутэйшы актывіст прадпрымальніцкага руху Алег Тычына:
(Тычына: ) “Рада прадпрымальнікаў, якая была прызначана райвыканкамам, гэты тыя людзі, якія ляяльныя да гэтай улады. І яны хаваюць інфармацыю пра страйкавую сытуацыю ў краіне”.
Між тым, ва ўладных структурах лічаць, што ў прадпрымальнікаў няма прычынаў ладзіць акцыі пратэсту. У прыватнасьці, як паведаміла дэпутат Палаты прадстаўнікоў Тацяна Сафроненка, новы закон аб прадпрымальніцкай дзейнасьці, які выклікаў нэгатыўную рэакцыю бізнэсоўцаў, яшчэ не прыняты:
(Сафроненка: ) “Супраць чаго можна выступаць, калі над законам яшчэ вядзецца праца?! Магчыма, што закон толькі вынесуць у першым чытаньні на вясновую сэсію”.
Ініцыятары страйку мяркуюць, што сёньняшняя пасіўнасьць прадпрымальнікаў не азначае, што праблемаў няма. Паводле Ігара Ледніка, гэтыя праблемы прымусяць гандляроў актыўна змагацца за свае правы:
(Леднік: ) “У першую чаргу, каб прывесьці дзейнае заканадаўства ў адпаведнасьць з Канстытуцыяй. Таму што цяпер і дэкрэты і ўказы поўнасьцю парушаюць права прадпрымальнікаў распараджацца сваёй уласнасьцю”.
(Талстыка: ) “20 працэнтаў не працуе, астатнія працуюць. Большая частка працуе. Людзі запалоханыя і баяцца. Чаго баяцца, я ня ведаю”.
Нязначная колькасьць бізнэсоўцаў падтрымала страйк і ў рэгіёнах. Гаворыць адзін з ініцыятараў акцыі, актывіст прадпрымальніцкага руху Ігар Леднік:
(Леднік: ) “Напярэдадні страйку тэлефанавалі нашы сябры з рэгіёнаў, якія казалі, што быў вельмі значны ціск на прадпрымальнікаў, на лідэраў. Напрыклад, у Барысаве выканаўчая ўлада зьбірала прадпрымальнікаў, каб тыя не выходзілі на гэты страйк. Спэцслужбы працуюць”.
Спадар Леднік нагадаў, што калі страйк рыхтаваўся, пакаралі 10-дзённым арыштам лідэра менскіх прадпрымальнікаў Аляксандра Макаева, які распаўсюджваў інфармацыю пра акцыю. Па арышце лідэры прадпрымальнікаў, якія выступалі за акцыю, страцілі імпэт. Гаворыць актывіст прадпрымальніцкага руху з Баранавічаў Мікалай Чарнавус:
(Чарнавус: ) “У нас цішыня. Гэта Менск ладзіў, ніхто нас не папярэджваў, ніхто нам больш нічога не казаў. Калі Менск будзе страйкаваць, то мы іх падтрымаем. Вось як было”.
Страйк не адбыўся сёньня і ў Лепелі — нягледзячы на тое, што мясцовыя гандляры пра акцыю ведалі. Вось што паведаміў тутэйшы актывіст прадпрымальніцкага руху Алег Тычына:
(Тычына: ) “Рада прадпрымальнікаў, якая была прызначана райвыканкамам, гэты тыя людзі, якія ляяльныя да гэтай улады. І яны хаваюць інфармацыю пра страйкавую сытуацыю ў краіне”.
Між тым, ва ўладных структурах лічаць, што ў прадпрымальнікаў няма прычынаў ладзіць акцыі пратэсту. У прыватнасьці, як паведаміла дэпутат Палаты прадстаўнікоў Тацяна Сафроненка, новы закон аб прадпрымальніцкай дзейнасьці, які выклікаў нэгатыўную рэакцыю бізнэсоўцаў, яшчэ не прыняты:
(Сафроненка: ) “Супраць чаго можна выступаць, калі над законам яшчэ вядзецца праца?! Магчыма, што закон толькі вынесуць у першым чытаньні на вясновую сэсію”.
Ініцыятары страйку мяркуюць, што сёньняшняя пасіўнасьць прадпрымальнікаў не азначае, што праблемаў няма. Паводле Ігара Ледніка, гэтыя праблемы прымусяць гандляроў актыўна змагацца за свае правы:
(Леднік: ) “У першую чаргу, каб прывесьці дзейнае заканадаўства ў адпаведнасьць з Канстытуцыяй. Таму што цяпер і дэкрэты і ўказы поўнасьцю парушаюць права прадпрымальнікаў распараджацца сваёй уласнасьцю”.