А 13-й гадзіне сёньня ў Гомелі ля Беларускага ўнівэрсытэту транспарту невядомая жанчына, якая выйшла з ВНУ, вырвала з рук распаўсюдніка Кірыла Кабякова буклеты Аляксандра Мілінкевіча. Спадар Кабякоў з паплечнікамі зьвярнуўся ў міліцыю Чыгуначнага раёну, каб тая высьветліла прозьвішча жанчыны і прыцягнула да адказнасьці за перашкоду перадвыбарчай агітацыйнай кампаніі.
Тым часам юрысконсульт Рагачоўскага райвыканкаму Людміла Барбалюк накіравала сёньня ў раённы суд пратаколы на Ўладзімера Хадасевіча і Ўладзімера Тамковіча, распаўсюднікаў агітацыйных матэрыялаў Аляксандра Мілінкевіча ды газэтаў “Народная Воля” зь ягонай праграмай. Спадароў Хадасевіча і Тамковіча абвінавацілі ў парушэньні выбарчага заканадаўстава — арганізацыі 26 лютага на рынку “Маскоўскі”сустрэчы з выбарцамі і распаўсюдзе, як сказана, “агітацыйнай інфармацыі” ў нявызначаным месцы. Гаворыць юрысконсульт спадарыня Барбалюк:
(Барбалюк: ) “У дачыненьні іх складзены адміністрацыйныя пратаколы. Я не магу нічога гаварыць да таго часу, пакуль ня будзе разгледжана справа. Суд вырашыць”.
Падчас складаньня пратаколу спадарыня Барбалюк спасылалася на рашэньне райвыканкаму і артыкул 167 (частку 3) Адміністрацыйнага кодэксу. Намесьніца старшыні райвыканаму, яна ж старшыня раённай выбарчай камісіі Рыма Ястрэмская прыяжджала ў міліцыю падчас затрыманьня агітатараў. Аднак пакамэнтаваць мясцовыя парадкі вядзеньня агітацыйнай кампаніі адмовілася.
Актывіст Уладзімер Тамковіч заявіў наступнае:
(Тамковіч: ) “Фактычна ў нас у Рагачове няма ніякіх умоваў, каб займацца агітацыйнай працай. Гэта робіцца з адной простай прычыны — ня даць ніякай інфармацыі насельніцтву пра альтэрнатыўных кандыдатаў, іхныя праграмы”.
Распаўсюднікаў агітацыйных матэрыялаў за альтэрнатыўных кандыдатаў затрымліваюць усюды — у Рагачове, Калінкавічах, Гомелі.
У Гомелі міліцыя абвінавачвае агітатараў, якія маюць складныя столік ды пляншэт з партрэтамі Мілінкевіча, у правядзеньні несанкцыянаванага пікету. Столікі, пляншэты, а разам зь імі і агітацыйныя матэрыялы сканфіскоўваюць.
Гомельскі актывіст Анатоль Паплаўны распавёў, як ён ратаваўся ад міліцыі падчас раздачы агітацыйных улётак у гарадзкім парку па-над Сожам:
(Паплаўны: ) “Калі міліцыянты спрабавалі прымусова даставіць мяне ў пастарунак і патлумачылі, што пры адмове гэта будзе лічыцца супрацівам, я вырашыў сесьці на сьнег. Чакаў, калі яны будуць несьці ў пастарунак”.
Міліцыянты Цэнтральнга раёну Гомелю адмовіліся несьці агітатара. Тым больш — людзі заступіліся за яго. Пераканалі ахоўнікаў, што ім патрэбныя ўлёткі пра выбары.
Тым часам юрысконсульт Рагачоўскага райвыканкаму Людміла Барбалюк накіравала сёньня ў раённы суд пратаколы на Ўладзімера Хадасевіча і Ўладзімера Тамковіча, распаўсюднікаў агітацыйных матэрыялаў Аляксандра Мілінкевіча ды газэтаў “Народная Воля” зь ягонай праграмай. Спадароў Хадасевіча і Тамковіча абвінавацілі ў парушэньні выбарчага заканадаўстава — арганізацыі 26 лютага на рынку “Маскоўскі”сустрэчы з выбарцамі і распаўсюдзе, як сказана, “агітацыйнай інфармацыі” ў нявызначаным месцы. Гаворыць юрысконсульт спадарыня Барбалюк:
(Барбалюк: ) “У дачыненьні іх складзены адміністрацыйныя пратаколы. Я не магу нічога гаварыць да таго часу, пакуль ня будзе разгледжана справа. Суд вырашыць”.
Падчас складаньня пратаколу спадарыня Барбалюк спасылалася на рашэньне райвыканкаму і артыкул 167 (частку 3) Адміністрацыйнага кодэксу. Намесьніца старшыні райвыканаму, яна ж старшыня раённай выбарчай камісіі Рыма Ястрэмская прыяжджала ў міліцыю падчас затрыманьня агітатараў. Аднак пакамэнтаваць мясцовыя парадкі вядзеньня агітацыйнай кампаніі адмовілася.
Актывіст Уладзімер Тамковіч заявіў наступнае:
(Тамковіч: ) “Фактычна ў нас у Рагачове няма ніякіх умоваў, каб займацца агітацыйнай працай. Гэта робіцца з адной простай прычыны — ня даць ніякай інфармацыі насельніцтву пра альтэрнатыўных кандыдатаў, іхныя праграмы”.
Распаўсюднікаў агітацыйных матэрыялаў за альтэрнатыўных кандыдатаў затрымліваюць усюды — у Рагачове, Калінкавічах, Гомелі.
У Гомелі міліцыя абвінавачвае агітатараў, якія маюць складныя столік ды пляншэт з партрэтамі Мілінкевіча, у правядзеньні несанкцыянаванага пікету. Столікі, пляншэты, а разам зь імі і агітацыйныя матэрыялы сканфіскоўваюць.
Гомельскі актывіст Анатоль Паплаўны распавёў, як ён ратаваўся ад міліцыі падчас раздачы агітацыйных улётак у гарадзкім парку па-над Сожам:
(Паплаўны: ) “Калі міліцыянты спрабавалі прымусова даставіць мяне ў пастарунак і патлумачылі, што пры адмове гэта будзе лічыцца супрацівам, я вырашыў сесьці на сьнег. Чакаў, калі яны будуць несьці ў пастарунак”.
Міліцыянты Цэнтральнга раёну Гомелю адмовіліся несьці агітатара. Тым больш — людзі заступіліся за яго. Пераканалі ахоўнікаў, што ім патрэбныя ўлёткі пра выбары.
