Каардынацыйная рада паінфармавала адміністрацыю прэзыдэнта і ўрад пра ўмовы адмены прадпрымальніцкага страйку, які заплянаваны на 2—3 сакавіка — у час правядзеньня Ўсебеларускага народнага сходу. У прыватнасьці, бізнэсоўцы патрабуюць адмяніць указы і дэкрэты, якія абмяжоўваюць прадпрымальніцкую дзейнасьць, скасаваць падатак на даданую вартасьць, спыніць кампанію пераводу індывідуальных прадпрымальнікаў у катэгорыю юрыдычных асобаў, зьменшыць штрафы. Гаворыць старшыня каардынацыйнай рады менскіх прадпрымальнікаў Аляксандар Макаеў:
(Макаеў: ) “Ад імя ўсіх прадпрымальнікаў гэты зварот. Спадары чыноўнікі, давайце працаваць. Вось гэтыя праблемкі гатовыя вырашаць? Гатовыя абмяркоўваць? Гэтыя праблемы трэба было рашыць яшчэ ўчора. Усе пункты гэтыя важныя — як дзесяць запаветаў. Прадпрымальнікам трэба эканамічныя правы”.
Ва ўладных структурах ведаюць пра незадаволенасць прадпрымальнікаў. Разам з тым, паводле чыноўнікаў, з дробнымі бізнэсоўцамі ўлады вядуць дыялёг і вырашаюць канфліктныя сытуацыі. Гаворыць кіраўнік дэпартамэнту прадпрымальніцтва Міністэрства эканомікі Аляксандар Ліхачэўскі:
(Ліхачэўскі: ) “У нас арганізавана рабочая група пры дэпартамэнце прадпрымальніцтва. Віцэ-прэм’ер Кабякоў Андрэй Уладзімеравіч працуе з намесьнікамі старшыняў аблвыканкамаў і Менгарвыканкаму для вырашэньня праблемных пытаньняў, якія паступаюць ад прадпрымальнікаў зь месцаў”.
Між тым, у рэгіёнах прадпрымальнікі таксама часта не знаходзяць агульнай мовы з чыноўнікамі. Гаворыць лідэр дробных бізнэсоўцаў Салігорску Аляксандар Цэцура:
(Цэцура: ) “Лукашэнка выступаў год таму, казаў, што будуць гуртовыя рынкі, але на сёньняшні дзень гуртовых рынкаў нідзе няма”.
Аднак ці будуць страйкаваць 2—3 сакавіка салігорскія прадпрымальнікі — пакуль невядома. Паводле спадара Цэцуры, тут не стае зьвестак пра акцыю. А вось лепельскія бізнэсоўцы, паводле іх лідэра Алега Тычыны, пра яе ведаюць:
(Тычына: ) “Прадпрымальнікі ня маюць іншага выйсьця, якрамя як ісьці 2—3 сакавіка на Кастрычніцкую плошчу. Таму што, калі яны ня выйдуць, то, яны гэта цудоўна разумеюць, да ліпеня 2006 году канкрэтна ў Лепелі прадпрымальнікаў ня будзе”.
Год таму, у сакавіку 2005 году, у Беларусі адбыўся агульнанацыянальны страйк прадпрымальнікаў, у якім удзельнічалі дзясяткі тысяч гандляроў розных рэгіёнаў. Яны пратэставалі супраць увядзеньня падатку на даданую вартасьць. Бізнэсоўцы дамагліся сустрэчы з Аляксандрам Лукашэнкам, які паабяцаў гандлярам кампэнсаваць выдаткі на гэты падатак. Аднак, як сьведчыць інфармацыя зь месцаў, абяцаньне кіраўніка краіны дагэтуль ня выканана.
(Макаеў: ) “Ад імя ўсіх прадпрымальнікаў гэты зварот. Спадары чыноўнікі, давайце працаваць. Вось гэтыя праблемкі гатовыя вырашаць? Гатовыя абмяркоўваць? Гэтыя праблемы трэба было рашыць яшчэ ўчора. Усе пункты гэтыя важныя — як дзесяць запаветаў. Прадпрымальнікам трэба эканамічныя правы”.
Ва ўладных структурах ведаюць пра незадаволенасць прадпрымальнікаў. Разам з тым, паводле чыноўнікаў, з дробнымі бізнэсоўцамі ўлады вядуць дыялёг і вырашаюць канфліктныя сытуацыі. Гаворыць кіраўнік дэпартамэнту прадпрымальніцтва Міністэрства эканомікі Аляксандар Ліхачэўскі:
(Ліхачэўскі: ) “У нас арганізавана рабочая група пры дэпартамэнце прадпрымальніцтва. Віцэ-прэм’ер Кабякоў Андрэй Уладзімеравіч працуе з намесьнікамі старшыняў аблвыканкамаў і Менгарвыканкаму для вырашэньня праблемных пытаньняў, якія паступаюць ад прадпрымальнікаў зь месцаў”.
Між тым, у рэгіёнах прадпрымальнікі таксама часта не знаходзяць агульнай мовы з чыноўнікамі. Гаворыць лідэр дробных бізнэсоўцаў Салігорску Аляксандар Цэцура:
(Цэцура: ) “Лукашэнка выступаў год таму, казаў, што будуць гуртовыя рынкі, але на сёньняшні дзень гуртовых рынкаў нідзе няма”.
Аднак ці будуць страйкаваць 2—3 сакавіка салігорскія прадпрымальнікі — пакуль невядома. Паводле спадара Цэцуры, тут не стае зьвестак пра акцыю. А вось лепельскія бізнэсоўцы, паводле іх лідэра Алега Тычыны, пра яе ведаюць:
(Тычына: ) “Прадпрымальнікі ня маюць іншага выйсьця, якрамя як ісьці 2—3 сакавіка на Кастрычніцкую плошчу. Таму што, калі яны ня выйдуць, то, яны гэта цудоўна разумеюць, да ліпеня 2006 году канкрэтна ў Лепелі прадпрымальнікаў ня будзе”.
Год таму, у сакавіку 2005 году, у Беларусі адбыўся агульнанацыянальны страйк прадпрымальнікаў, у якім удзельнічалі дзясяткі тысяч гандляроў розных рэгіёнаў. Яны пратэставалі супраць увядзеньня падатку на даданую вартасьць. Бізнэсоўцы дамагліся сустрэчы з Аляксандрам Лукашэнкам, які паабяцаў гандлярам кампэнсаваць выдаткі на гэты падатак. Аднак, як сьведчыць інфармацыя зь месцаў, абяцаньне кіраўніка краіны дагэтуль ня выканана.