Лінкі ўнівэрсальнага доступу

П.Севярынец: “Трымайцеся, хлопцы, мы пераможам!”


Радыё Свабода Вось ужо паўгоду адбывае пакараньне на “хіміі” лідэр “Маладога Фронту” Павал Севярынец. Абмежаваньнем волі ён быў пакараны за арганізацыю вулічных пратэстаў супраць фальсыфікацыі выбараў і рэфэрэндуму. Павал Севярынец жыве ў спэцінтэрнаце ў вёсцы Малое Сітна Полацкага раёну і працуе на лесапавале.

Усе марозныя дні Павал Севярынец працаваў на лесапавале. Хаця ўмовы працы ў лесе больш складаныя, чым на лесапункце, дзе ён працаваў дагэтуль, заробкі тут у два разы ніжэйшыя. Гаворыць Павал Севярынец:

(Севярынец: ) “Працую, як і раней, на лесапавале. Сяку сукі, засьцілаю волакі для гусенічнага трактара, палю дробнае сучча. Праца ідзе ў звычайным рытме. Дасылаюць мне шмат лістоў, за што вялікі дзякуй. Людзі падтрымліваюць. За мінулы месяц за працу ў лесе налічылі 115 тысяч “бруднымі”, што называецца, і 90 з капейкамі — на рукі”.

Хаця Павал і дзякуе людзям за падтрымку, але за апошні месяц ніхто зь сяброў і знаёмцаў яго не наведваў. Паводле Паўла, ён атрымлівае шэраг незалежных выданьняў і збольшага абазнаны ў пэрыпэтыях выбарчай кампаніі. Асабліва турбуе лідэра “Маладога фронту” лёс ягоных паплечнікаў, што зазналі перасьлед з боку ўладаў.

(Севярынец: ) “Уважліва сачу за выбарчай кампаніяй, якая разгортваецца ў Беларусі, і хачу пажадаць усім, хто ўдзельнічае ў гэтай кампаніі, назірае за ёй — веры ў нашу перамогу. Гэта цяпер галоўнае, бо “паводле веры вашай будзе вам”, як сказана ў Эвангельлі. Вельмі занепакоены лёсам маладафронтаўцаў, якія цяпер апынуліся пад крымінальным перасьледам: Артура Фінькевіча, якога я добра ведаю, Зьмітра Касьпяровіча, зь якім разам стваралі “Малады фронт”, Пашы Красоўскага, які чакае суду па сваёй справе. Трымайцеся, хлопцы, мы пераможам!”
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG