Сьледчы рэспубліканскай пракуратуры Павал Радзівонаў запрасіў Сяргея Калякіна даць тлумачэньні пра праведзеную ім у канцы студзеня прэсавую канфэрэнцыю, на якой той заявіў, што быў гвалтоўны збор подпісаў за А.Лукашэнку на прадпрыемствах і ва ўстановах. Спадару Калякіну адразу патлумачылі, што ніякай справы па гэтым факце не заведзена, і не зазначылі, што ён запрошаны як сьведка ці падазраваны. Пракуратура толькі зацікавілася наступнай заявай спадара Калякіна ад 28 студзеня:
(Калякін: ) “І самае небясьпечнае, што сюды ўцягнутыя супрацоўнікі праваахоўных органаў, якія павінны стаяць на варце закону, і супрацоўнікі пракуратуры. Паўсюдна ў органах унутраных справаў і пракуратуры адбываўся гвалтоўны збор подпісаў за Аляксандра Лукашэнку”.
Сяргей Калякін тады заклікаў міністра ўнутраных справаў і генэральнага пракурора зрабіць захады, каб спыніць парушэньні выбарчага заканадаўства. Аднак, як ён сёньня высьветліў, пракуратура перш за ўсё зацікавілася крыніцамі ягонай інфармацыі, а таксама прозьвішчамі супрацоўнікаў пракуратуры, якія пад прымусам зьбіралі подпісы за Лукашэнку.
(Калякін: ) “Я адмовіўся даваць тлумачэньні, выкарыстоўваючы артыкул 27 Канстытуцыі Рэспублікі Беларусь”.
Сяргею Калякіну не патлумачылі, ці будуць працягваць праверку па факце ягоных заяваў СМІ. У прэсавай службе пракуратуры Рэспублікі Беларусь “Свабодзе” не змаглі патлумачыць сутнасьці справы.
Пасьля наведваньня пракуратуры Сяргей Калякін змог паўдзельнічаць у пасяджэньнях Палітычнай рады аб’яднанай апазыцыі і перадвыбарчага штабу, на якіх быў зацьверджаны графік сустрэчаў Аляксандра Мілінкевіча з выбаршчыкамі ў выпадку ягонай рэгістрацыі кандыдатам на прэзыдэнта.
Тым часам у перадвыбарчым штабе Аляксандра Казуліна рыхтуюць матэрыялы і актывістаў да вядзеньня агітацыйнай кампаніі, паведаміў кіраўнік штабу Мечыслаў Грыб.
(Грыб: ) “Мы едзем цяпер у вобласьці. Арганізоўваем і праводзім сэмінары зь сябрамі, якія будуць арганізоўваць арганізацыйна-прапагандысцкую кампанію і назіраньне”.
Яшчэ адзін патэнцыйны кандыдат Сяргей Гайдукевіч называе тыдзень перад рэгістрацыяй пікам арганізацыйнай працы.
(Гайдукевіч: ) “Цяпер катастрафічна бузе не хапаць часу, я памятаю свае памылкі перадвыбарчай кампаніі 2001 году, памятаю вельмі добра і паўтараць не хачу. Цяпер самая асноўная праца ідзе”.
(Калякін: ) “І самае небясьпечнае, што сюды ўцягнутыя супрацоўнікі праваахоўных органаў, якія павінны стаяць на варце закону, і супрацоўнікі пракуратуры. Паўсюдна ў органах унутраных справаў і пракуратуры адбываўся гвалтоўны збор подпісаў за Аляксандра Лукашэнку”.
Сяргей Калякін тады заклікаў міністра ўнутраных справаў і генэральнага пракурора зрабіць захады, каб спыніць парушэньні выбарчага заканадаўства. Аднак, як ён сёньня высьветліў, пракуратура перш за ўсё зацікавілася крыніцамі ягонай інфармацыі, а таксама прозьвішчамі супрацоўнікаў пракуратуры, якія пад прымусам зьбіралі подпісы за Лукашэнку.
(Калякін: ) “Я адмовіўся даваць тлумачэньні, выкарыстоўваючы артыкул 27 Канстытуцыі Рэспублікі Беларусь”.
Сяргею Калякіну не патлумачылі, ці будуць працягваць праверку па факце ягоных заяваў СМІ. У прэсавай службе пракуратуры Рэспублікі Беларусь “Свабодзе” не змаглі патлумачыць сутнасьці справы.
Пасьля наведваньня пракуратуры Сяргей Калякін змог паўдзельнічаць у пасяджэньнях Палітычнай рады аб’яднанай апазыцыі і перадвыбарчага штабу, на якіх быў зацьверджаны графік сустрэчаў Аляксандра Мілінкевіча з выбаршчыкамі ў выпадку ягонай рэгістрацыі кандыдатам на прэзыдэнта.
Тым часам у перадвыбарчым штабе Аляксандра Казуліна рыхтуюць матэрыялы і актывістаў да вядзеньня агітацыйнай кампаніі, паведаміў кіраўнік штабу Мечыслаў Грыб.
(Грыб: ) “Мы едзем цяпер у вобласьці. Арганізоўваем і праводзім сэмінары зь сябрамі, якія будуць арганізоўваць арганізацыйна-прапагандысцкую кампанію і назіраньне”.
Яшчэ адзін патэнцыйны кандыдат Сяргей Гайдукевіч называе тыдзень перад рэгістрацыяй пікам арганізацыйнай працы.
(Гайдукевіч: ) “Цяпер катастрафічна бузе не хапаць часу, я памятаю свае памылкі перадвыбарчай кампаніі 2001 году, памятаю вельмі добра і паўтараць не хачу. Цяпер самая асноўная праца ідзе”.
