Сёньня падчас сустрэчы са старшынёй Цэнтравыбаркаму Лідзіяй Ярмошынай кіраўнік місіі назіральнікаў Бюро дэмакратычных інстытутаў АБСЭ Герт-Гінрых Арэнс перадаў сьпісы доўгатэрміновых назіральнікаў для акрэдытацыі. Паводле сакратара ЦВК Мікалая Лазавіка, міжнародныя назіральнікі АБСЭ, у тым ліку спадар Арэнс, змогуць атрымаць пасьведчаньні на наступным тыдні, 14 лютага. Паводле Лазавіка, сустрэча са спадаром Арэнсам праходзіла ў сяброўскай атмасфэры.
(Лазавік: ) “Спадар Арэнс паінфармаваў, што група міжнародных назіральнікаў ужо фактычна пачала дзейнасьць. Яна мае намер сачыць за падрыхтоўкай і правядзеньнем выбараў з пазыцыі бесстароннасьці і добрай волі. Спадар Арэнс сказаў, што група фармавалася такім чынам, каб як мага больш сяброў місіі размаўлялі на расейскай мове, каб спрасьціць кантакты з сябрамі выбаркамаў. Таксама спадар Арэнс сказаў, што місія мае намер па выніках папярэдняга назіраньня выдаць дзьве прамежкавыя справаздачы”.
Герт-Гінрых Арэнс выказаў пажаданьне штотыдзень сустракацца з кіраўніцтвам ЦВК для абмеркаваньня пытаньняў, зьвязаных з правядзеньнем выбараў і міжнародным маніторынгам. Мікалай Лазавік выказаў спадзяваньне, што “супрацоўніцтва будзе грунтавацца на прынцыпах паразуменьня і павагі”.
15 лютага 38 доўгатэрміновых назіральнікаў АБСЭ накіруюцца ў рэгіёны Беларусі.
(Лазавік: ) “Спадар Арэнс паінфармаваў, што група міжнародных назіральнікаў ужо фактычна пачала дзейнасьць. Яна мае намер сачыць за падрыхтоўкай і правядзеньнем выбараў з пазыцыі бесстароннасьці і добрай волі. Спадар Арэнс сказаў, што група фармавалася такім чынам, каб як мага больш сяброў місіі размаўлялі на расейскай мове, каб спрасьціць кантакты з сябрамі выбаркамаў. Таксама спадар Арэнс сказаў, што місія мае намер па выніках папярэдняга назіраньня выдаць дзьве прамежкавыя справаздачы”.
Герт-Гінрых Арэнс выказаў пажаданьне штотыдзень сустракацца з кіраўніцтвам ЦВК для абмеркаваньня пытаньняў, зьвязаных з правядзеньнем выбараў і міжнародным маніторынгам. Мікалай Лазавік выказаў спадзяваньне, што “супрацоўніцтва будзе грунтавацца на прынцыпах паразуменьня і павагі”.
15 лютага 38 доўгатэрміновых назіральнікаў АБСЭ накіруюцца ў рэгіёны Беларусі.
