Чакаецца, што заўтра адбудзецца сустрэча кіраўніка місіі амбасадара Герта-Гінрыха Арэнса з кіраўніцтвам ЦВК. Паводле сакратара ЦВК, Мікалая Лазавіка, магчыма, ужо заўтра спадару Арэнсу будзе выдадзенае пасьведчаньне міжнароднага назіральніка. Спадар Арэнс сустрэўся з дырэктарам дэпартамэнту Эўропы беларускага МЗС. Паводле прэсавага сакратара МЗС Андрэя Папова, былі абмеркаваныя бягучыя пытаньні функцыянаваньня місіі.
(Папоў: ) “Беларускі бок пацьвердзіў нашу папярэднюю гатовасьць аказваць усялякае арганізацыйнае садзеяньне ў працы місіі ў Менску. Апроч таго, яшчэ раз падкрэсьлілі неабходнасьць таго, каб місія безумоўна выконвала дзейнае выбарчае заканадаўства Беларусі і пазьбягала ўмяшаньня ва ўнутрыпалітычны працэс у нашай краіне, захоўвала аб’ектыўнасьць і празрыстасьць у сваёй працы”.
Пакуль у Цэнтравыбаркаме зарэгістравана каля 60 назіральнікаў, сярод якіх прадстаўнікі місіі СНД і Цэнтравыбаркаму Казахстана. Пасьведчаньне міжнароднага назіральніка №1 выдадзена выканаўчаму сакратару СНД Уладзімеру Рушайла.
(Папоў: ) “Беларускі бок пацьвердзіў нашу папярэднюю гатовасьць аказваць усялякае арганізацыйнае садзеяньне ў працы місіі ў Менску. Апроч таго, яшчэ раз падкрэсьлілі неабходнасьць таго, каб місія безумоўна выконвала дзейнае выбарчае заканадаўства Беларусі і пазьбягала ўмяшаньня ва ўнутрыпалітычны працэс у нашай краіне, захоўвала аб’ектыўнасьць і празрыстасьць у сваёй працы”.
Пакуль у Цэнтравыбаркаме зарэгістравана каля 60 назіральнікаў, сярод якіх прадстаўнікі місіі СНД і Цэнтравыбаркаму Казахстана. Пасьведчаньне міжнароднага назіральніка №1 выдадзена выканаўчаму сакратару СНД Уладзімеру Рушайла.
