11 лістапада 2005 году, калі прадпрымальнік 28-ы дзень праводзіў галадоўку ў сьледчым ізалятары гарадзенскай турмы, абласны гаспадарчы суд пакінуў правамоцным ранейшае рашэньне — аб спагнаньні зь Мікалая Аўтуховіча 12 мільёнаў рублёў зямельнага падатку. Апэляцыйную скаргу ад імя прадпрымальніка ў абласны гаспадарчы суд падаваў (па даручэньні) юрыст Андрэй Кухцюк.
Ваўкавыская падатковая інспэкцыя вырашыла, што Мікалай Аўтуховіч самачынна заняў зямлю побач са сваім офісам і жылым домам. З гэтай прычыны за 2004 год яму налічылі падатак за зямлю ў дзесяць разоў большы за звычайны — 14 мільёнаў рублёў, зь якіх 2 мільёны прадпрымальнік пасьпеў заплаціць.
На 9 лютага прызначаны пачатак працэсу над Аўтуховічам – яго вінавацяць ва ўхіленьні ад выплаты падаткаў, што мела вынікам асабліва вялікія страты для бюджэту. На час сьледзтва прадпрымальніка пасадзілі за краты, і ён 74 дні галадаў у арышце, дамагаючыся, каб яму зьмянілі меру стрыманьня. За час галадоўкі Аўтуховіч страціў 38 кіляграмаў. Працэс будзе праходзіць у Горадні.
Ваўкавыская падатковая інспэкцыя вырашыла, што Мікалай Аўтуховіч самачынна заняў зямлю побач са сваім офісам і жылым домам. З гэтай прычыны за 2004 год яму налічылі падатак за зямлю ў дзесяць разоў большы за звычайны — 14 мільёнаў рублёў, зь якіх 2 мільёны прадпрымальнік пасьпеў заплаціць.
На 9 лютага прызначаны пачатак працэсу над Аўтуховічам – яго вінавацяць ва ўхіленьні ад выплаты падаткаў, што мела вынікам асабліва вялікія страты для бюджэту. На час сьледзтва прадпрымальніка пасадзілі за краты, і ён 74 дні галадаў у арышце, дамагаючыся, каб яму зьмянілі меру стрыманьня. За час галадоўкі Аўтуховіч страціў 38 кіляграмаў. Працэс будзе праходзіць у Горадні.
