-
-
Радыё Свабода
Ужывую
-
-
На чарзе
-
06:00 - 06:15
Мапа БНР на бутэльцы піва – за і супраць
-
06:15 - 06:30
Ці патрэбныя беларусам парады?
-
06:30 - 06:44
Ірына Дубянецкая: “Наш пераклад Бібліі – для ўсіх канфэсій”
-
-
Радыё Свабода
-
Яшчэ радыё
Міхаіла Марыніча зьмясьцілі ў турэмны шпіталь
Алег Грузьдзіловіч, Менск Былы міністар і амбасадар Міхаіл Марыніч зьмешчаны ў рэспубліканскі турэмны шпіталь, які знаходзіцца на тэрыторыі менскай калёніі. Марыніч праходзіць курс лячэньня і абсьледаваньня, ён адчувае сябе нармальна, паведамілі з калёніі сваякам вязьня. Зьвестак пра тое, калі Міхаіла Марыніча выпішуць са шпіталю, ягоныя сваякі ня маюць.
Летась Міхаіл Марыніч двойчы ляжаў у турэмным шпіталі. Першы раз ён трапіў туды пасьля інсульту, другі раз — з прычыны рэзкага пагаршэньня зроку.
Сваякі Міхаіла Марыніча настойваюць на ягоным лячэньні ў звычайным шпіталі — у выпадку датэрміновага вызваленьня вязьня гэта было б магчыма. Між тым, Марынічу адмовілі ў датэрміновым вызваленьні, хаця, паводле ягоных адвакатаў, юрыдычных перашкодаў для гэтага няма.
Нагадаем, былы міністар і амбасадар Міхаіл Марыніч у 2004 годзе быў асуджаны на 3,5 гады зьняволеньня, зь якіх пазьней быў зьняты год паводле амністыі. Сам Міхаіл Марыніч і многія ў Беларусі лічаць, што яго перасьледуюць за апазыцыйную дзейнасьць.
Сваякі Міхаіла Марыніча настойваюць на ягоным лячэньні ў звычайным шпіталі — у выпадку датэрміновага вызваленьня вязьня гэта было б магчыма. Між тым, Марынічу адмовілі ў датэрміновым вызваленьні, хаця, паводле ягоных адвакатаў, юрыдычных перашкодаў для гэтага няма.
Нагадаем, былы міністар і амбасадар Міхаіл Марыніч у 2004 годзе быў асуджаны на 3,5 гады зьняволеньня, зь якіх пазьней быў зьняты год паводле амністыі. Сам Міхаіл Марыніч і многія ў Беларусі лічаць, што яго перасьледуюць за апазыцыйную дзейнасьць.