Скліканьне надзвычайнага пасяджэньня рады МАГАТЭ выкліканае тым, што дыпляматычныя высілкі заходніх краінаў пераканаць Іран адмовіцца ад сваіх ядзерных амбіцыяў не далі плёну. Спачатку ЗША і Эўразьвяз паставілі пад сумнеў заявы Тэгерану, што яго ядзерная праграма Ірану мае выключна мірныя мэты.
Ад імя Эўразьвязу перамовы з Іранам вялі Вялікая Брытанія, Францыя і Нямеччына, аднак, беспасьпяхова. На пачатку году Тэгеран заявіў, што ён аднаўляе працы дзеля ўзбагачэньня ўрану. І ўжо 9 студзеня Іран зьняў плёмбы з абсталяваньня на ядзерным заводзе ў Натанзе. Пасьля гэтага Захад упершыню заклікаў ўмяшацца ў канфлікт Раду Бясьпекі ААН. Расея і Кітай, якія раней выступалі супраць перадачы іранскага дасье ў Раду Бясьпекі ААН, у гэты панядзелак разам зь яшчэ трыма сталымі сябрамі Рады -- Вялікай Брытаніяй, ЗША і Францыяй - выказаліся ўжо ў падтрымку гэтага рашэньня. Учора ў штогадовым звароце да нацыі прэзыдэнт ЗША Джордж Буш заклікаў “народы сьвету не дазволіць Ірану авалодаць ядзернай зброяй”.
Праект рэзалюцыі, які сёньня абмяркоўвае кіраўніцтва МАГАТЭ, падрыхтавалі Вялікая Брытанія, Францыя і Нямеччына. Дакумэнт заклікае Іран прыпыніць працы, зьвязаныя з узбагачэньнем урану, і пагадзіцца на супрацоўніцтва з інспэктарамі ААН. Калі Іран адмовіцца выканаць гэтае патрабаваньне, яго дасье павінна быць перададзенае ў Раду Бясьпекі ААН. Затым у сакавіку ў Вене будзе абнародавана справаздача МАГАТЭ пра захаваньне Іранам рэжыму нераспаўсюджваньня. І далей ўжо магчымыя санкцыі Рады Бясьпекі ААН.
У адказ Іран пагражае ўжо ў гэтую суботу спыніць супрацоўніцтва з МАГАТЭ і вярнуцца да поўнамаштабнай прамысловай праграмы ўзбагачэньня ўрану. Вось апошняя заява прадстаўніка Ірану ў МАГАТЭ Асгара Салтані.
(Салтані: ) “Калі гэта памылка будзе зроблена, на наступны дзень мы пачнём узбагачэньне і дойдзем да вялікага маштабу, 50 тысяч машын, каб вырабіць тоны ўзбагачанага ўрану.”
А крыху раней іранскі міністар абароны нават заявіў, што калі хто-небудзь нападзе на ядзерныя аб’екты Ірану, дык Тэгеран імгненна адкажа ўдарам на ўдар. Учора ў часе сустрэчы зь міністрам замежных справаў Ірану Манучарам Матакі кіраўнік зьнешнепалітычнага ведамства Вялікай Брытаніі Джэк Стро заклікаў Іран устрымацца ад пагрозаў. Напярэдадні прэм’ер-міністар Вялікай Брытаніі Тоні Блэр зьвязаў ядзерныя амбіцыі Тэгерану зь яго іншымі выклікамі міжнароднай супольнасьці.
(Блэр: ) “З улікам таго, што Іран робіць – гэта значыць, ня толькі парушае абавязаньні адносна ядзернай зброі, але яшчэ і экспартуе тэрарызм і парушае правы чалавека - ў гэтай сытуацыі цяпер вельмі важна сказаць Тэгерану: вы павінны захоўваць міжнародныя абавязаньні і мы ўсе патрабуем гэтага.”
Чакаецца, што праект рэзалюцыі будзе пастаўлена на галасаваньне рады МАГАТЭ, у якую ўваходзяць прадстаўнікі 35 краінаў, сёньня ці заўтра.
Ад імя Эўразьвязу перамовы з Іранам вялі Вялікая Брытанія, Францыя і Нямеччына, аднак, беспасьпяхова. На пачатку году Тэгеран заявіў, што ён аднаўляе працы дзеля ўзбагачэньня ўрану. І ўжо 9 студзеня Іран зьняў плёмбы з абсталяваньня на ядзерным заводзе ў Натанзе. Пасьля гэтага Захад упершыню заклікаў ўмяшацца ў канфлікт Раду Бясьпекі ААН. Расея і Кітай, якія раней выступалі супраць перадачы іранскага дасье ў Раду Бясьпекі ААН, у гэты панядзелак разам зь яшчэ трыма сталымі сябрамі Рады -- Вялікай Брытаніяй, ЗША і Францыяй - выказаліся ўжо ў падтрымку гэтага рашэньня. Учора ў штогадовым звароце да нацыі прэзыдэнт ЗША Джордж Буш заклікаў “народы сьвету не дазволіць Ірану авалодаць ядзернай зброяй”.
Праект рэзалюцыі, які сёньня абмяркоўвае кіраўніцтва МАГАТЭ, падрыхтавалі Вялікая Брытанія, Францыя і Нямеччына. Дакумэнт заклікае Іран прыпыніць працы, зьвязаныя з узбагачэньнем урану, і пагадзіцца на супрацоўніцтва з інспэктарамі ААН. Калі Іран адмовіцца выканаць гэтае патрабаваньне, яго дасье павінна быць перададзенае ў Раду Бясьпекі ААН. Затым у сакавіку ў Вене будзе абнародавана справаздача МАГАТЭ пра захаваньне Іранам рэжыму нераспаўсюджваньня. І далей ўжо магчымыя санкцыі Рады Бясьпекі ААН.
У адказ Іран пагражае ўжо ў гэтую суботу спыніць супрацоўніцтва з МАГАТЭ і вярнуцца да поўнамаштабнай прамысловай праграмы ўзбагачэньня ўрану. Вось апошняя заява прадстаўніка Ірану ў МАГАТЭ Асгара Салтані.
(Салтані: ) “Калі гэта памылка будзе зроблена, на наступны дзень мы пачнём узбагачэньне і дойдзем да вялікага маштабу, 50 тысяч машын, каб вырабіць тоны ўзбагачанага ўрану.”
А крыху раней іранскі міністар абароны нават заявіў, што калі хто-небудзь нападзе на ядзерныя аб’екты Ірану, дык Тэгеран імгненна адкажа ўдарам на ўдар. Учора ў часе сустрэчы зь міністрам замежных справаў Ірану Манучарам Матакі кіраўнік зьнешнепалітычнага ведамства Вялікай Брытаніі Джэк Стро заклікаў Іран устрымацца ад пагрозаў. Напярэдадні прэм’ер-міністар Вялікай Брытаніі Тоні Блэр зьвязаў ядзерныя амбіцыі Тэгерану зь яго іншымі выклікамі міжнароднай супольнасьці.
(Блэр: ) “З улікам таго, што Іран робіць – гэта значыць, ня толькі парушае абавязаньні адносна ядзернай зброі, але яшчэ і экспартуе тэрарызм і парушае правы чалавека - ў гэтай сытуацыі цяпер вельмі важна сказаць Тэгерану: вы павінны захоўваць міжнародныя абавязаньні і мы ўсе патрабуем гэтага.”
Чакаецца, што праект рэзалюцыі будзе пастаўлена на галасаваньне рады МАГАТЭ, у якую ўваходзяць прадстаўнікі 35 краінаў, сёньня ці заўтра.