Ад сёньня прыведзеныя ў баявую гатоўнасьць буйныя вайсковыя часткі – брыгады сувязі і аўтамабільная. Абедзьве разьмешчаныя пад Менскам. Для вучэньняў тэрмінова прызваныя каля тысячы вайскоўцаў запасу, а ім у дапамогу з народнай гаспадаркі пастаўлена 60 адзінак транспарту. Якія мэты гэтых манэўраў, і ці не зьвязаныя яны з сакавіцкімі прэзыдэнцкімі выбарамі – наўпрост спытаў я ў кіраўніка прэсавай службы міністэрства абароны Вячаслава Раменчыка.
(Раменчык: ) “Гэта дзяжурнае мерапрыемства, яно праводзіцца ў адпаведнасьці з плянам падрыхтоўкі Ўзброеных сілаў у 2006 годзе. Чым займаюцца вайскоўцы, прызваныя з запасу? Яны ўдасканальваюць веды, якія атрымалі падчас тэрміновай службы, і атрымліваюць новыя, бо тэхніка разьвіваецца. Вось асноўная мэта”.
Аднак варта нагадаць, што днямі на вайсковай базе пад Віцебскам прайшлі зборы спэцназу з усіх сілавых структураў Беларусі: “Алмазу”, які прадстаўляе міністэрства ўнутраных спраў, СОБРу з унутраных войскаў, элітных аддзелаў КГБ, міністэрства надзвычайных сытуацыяў і нават Службы бясьпекі прэзыдэнта. Як было абвешчана, ўдасканальвалася альпінісцкая падрыхтоўка спэцназаўцаў. Паводле заявы прэсавай службы міністэрства абароны, карасканьні па сьценах, падыманьні на дахі па вяроўках з адначасовай стралянінай могуць спатрэбіцца ў антыкрымінальнай ды антытэрарыстычнай барацьбе. А прэзыдэнцкія выбары, нібыта, да гэтай падрыхтоўкі ня маюць ніякага дачыненьня.
Аднак назіральнікі адзначаюць: размовы пра недахоп альпінісцкай падрыхтоўкі спэцназаўцаў загучалі пасьля таго, як часьцейшымі сталі акцыі апазыцыі – вывешваньні расьцяжак на мастах і дахах дамоў, спробы ўсталяваць нацыянальныя сьцягі на адміністрацыйных будынках... Намесьніку старшыні БНФ Віктару Івашкевічу такая сілавая падрыхтоўка нагадвае аналягічныя падзеі пяцігадовай даўніны. Пры гэтым палітык мяркуе, што выбары могуць мець і іншы вынік.
(Івашкевіч: ) “Навізна можа быць у масавасьці апазыцыйных выступаў, а дзеяньні міліцыі аднолькавыя. І калі міліцыю настройваюць на тое, што яны будуць дзейнічаць у нейкім кантакце з маніфэстантамі – гэта натуральна. Праўда, дзіўна, што яны вучацца лазіць па гарах ды па сьценах. Можа, да іх дайшлі чуткі, што мы зьбіраемся захапіць Мірскі замак і трымаць там аблогу да перамогі дэмакратыі?”
Варта нагадаць, што ў студзені ў Менску завялі крымінальную справу супроць апазыцыянэра Зьмітра Касьпяровіча, які спрабаваў усталяваць бел-чырвона-белы сьцяг на будынку Менскага гарвыканкаму. Касьпяровіч быў схоплены міліцыянтамі і цяпер знаходзіцца ў сьледчым ізалятары.
(Раменчык: ) “Гэта дзяжурнае мерапрыемства, яно праводзіцца ў адпаведнасьці з плянам падрыхтоўкі Ўзброеных сілаў у 2006 годзе. Чым займаюцца вайскоўцы, прызваныя з запасу? Яны ўдасканальваюць веды, якія атрымалі падчас тэрміновай службы, і атрымліваюць новыя, бо тэхніка разьвіваецца. Вось асноўная мэта”.
Аднак варта нагадаць, што днямі на вайсковай базе пад Віцебскам прайшлі зборы спэцназу з усіх сілавых структураў Беларусі: “Алмазу”, які прадстаўляе міністэрства ўнутраных спраў, СОБРу з унутраных войскаў, элітных аддзелаў КГБ, міністэрства надзвычайных сытуацыяў і нават Службы бясьпекі прэзыдэнта. Як было абвешчана, ўдасканальвалася альпінісцкая падрыхтоўка спэцназаўцаў. Паводле заявы прэсавай службы міністэрства абароны, карасканьні па сьценах, падыманьні на дахі па вяроўках з адначасовай стралянінай могуць спатрэбіцца ў антыкрымінальнай ды антытэрарыстычнай барацьбе. А прэзыдэнцкія выбары, нібыта, да гэтай падрыхтоўкі ня маюць ніякага дачыненьня.
Аднак назіральнікі адзначаюць: размовы пра недахоп альпінісцкай падрыхтоўкі спэцназаўцаў загучалі пасьля таго, як часьцейшымі сталі акцыі апазыцыі – вывешваньні расьцяжак на мастах і дахах дамоў, спробы ўсталяваць нацыянальныя сьцягі на адміністрацыйных будынках... Намесьніку старшыні БНФ Віктару Івашкевічу такая сілавая падрыхтоўка нагадвае аналягічныя падзеі пяцігадовай даўніны. Пры гэтым палітык мяркуе, што выбары могуць мець і іншы вынік.
(Івашкевіч: ) “Навізна можа быць у масавасьці апазыцыйных выступаў, а дзеяньні міліцыі аднолькавыя. І калі міліцыю настройваюць на тое, што яны будуць дзейнічаць у нейкім кантакце з маніфэстантамі – гэта натуральна. Праўда, дзіўна, што яны вучацца лазіць па гарах ды па сьценах. Можа, да іх дайшлі чуткі, што мы зьбіраемся захапіць Мірскі замак і трымаць там аблогу да перамогі дэмакратыі?”
Варта нагадаць, што ў студзені ў Менску завялі крымінальную справу супроць апазыцыянэра Зьмітра Касьпяровіча, які спрабаваў усталяваць бел-чырвона-белы сьцяг на будынку Менскага гарвыканкаму. Касьпяровіч быў схоплены міліцыянтамі і цяпер знаходзіцца ў сьледчым ізалятары.