У гэтыя дні адно з найбольш палітычна актыўных месцаў у Менску — падземны пераход пад плошчай Якуба Коласа. Адразу некалькі сябраў ініцыятыўных групаў Аляксандра Мілінкевіча, Зянона Пазьняка і Аляксандра Казуліна зьбіраюць там подпісы. Час ад часу каля сталоў зборшчыкаў зьбіраюцца людзі, і пачынаюцца палітычныя дыскусіі. Пра тое, як праходзіла кампанія збору подпісаў, распавядае сяброўка ініцыятыўнай групы Аляксандра Мілінкевіча Ірына Дзядзюля:
(Дзядзюля: ) “Самае складанае было — хадзіць па кватэрах. Складанасьць была ў тым, што перада мной прайшлі каманды Лукашэнкі й Казуліна. Таму людзі нават не разумелі. Казалі: “Мы ўжо прагаласавалі, і ўсё”. Я кажу: “Галасаваць вы будзеце ў дзень выбараў”, але ўсё роўна не разумелі. Многія наагул глядзелі, як на вар’ятку, маўляў, як гэта можна за кагосьці іншага зьбіраць подпісы”.
А вось сябру ініцыятыўнай групы Аляксандра Казуліна Зьмітру Комару найцяжэй было трываць моцныя маразы:
(Комар: ) “Самае цяжкае — гэта былі тыя маразы пад 25—30 градусаў. А ў астатнім — ніякіх перашкодаў з боку ўладаў не было. Я лічу, што ў цэлым кампанія праведзена някепска”.
Сяброўка ініцыятыўнай групы Зянона Пазьняка Аўгінія Багінская таксама гаворыць, што зімой зборшчыкам подпісаў працаваць вельмі складана. Разам з тым, яна распавяла, што людзі падпісваюцца даволі актыўна:
(Багінская: ) “Найбольшая актыўнасьць была ў пачатку кампаніі. Цяпер я таксама назіраю — два дні засталося да заканчэньня збору, і народ актыўна пачаў падпісвацца”.
А вось як патлумачылі свой выбар людзі, якія адпаведна падпісаліся за Аляксандра Мілінкевіча, Зянона Пазьняка і Аляксандра Казуліна:
(Спадарыня: ) “У нашым жыцьці патрэбныя перамены”.
(Спадар: ) “За Пазьняка. Бо ён больш дэмакратычны. Трэба, каб больш было свабоды”.
(Хлопец: ) “Ва ўсім павінна быць нейкая разнастайнасьць”.
(Дзядзюля: ) “Самае складанае было — хадзіць па кватэрах. Складанасьць была ў тым, што перада мной прайшлі каманды Лукашэнкі й Казуліна. Таму людзі нават не разумелі. Казалі: “Мы ўжо прагаласавалі, і ўсё”. Я кажу: “Галасаваць вы будзеце ў дзень выбараў”, але ўсё роўна не разумелі. Многія наагул глядзелі, як на вар’ятку, маўляў, як гэта можна за кагосьці іншага зьбіраць подпісы”.
А вось сябру ініцыятыўнай групы Аляксандра Казуліна Зьмітру Комару найцяжэй было трываць моцныя маразы:
(Комар: ) “Самае цяжкае — гэта былі тыя маразы пад 25—30 градусаў. А ў астатнім — ніякіх перашкодаў з боку ўладаў не было. Я лічу, што ў цэлым кампанія праведзена някепска”.
Сяброўка ініцыятыўнай групы Зянона Пазьняка Аўгінія Багінская таксама гаворыць, што зімой зборшчыкам подпісаў працаваць вельмі складана. Разам з тым, яна распавяла, што людзі падпісваюцца даволі актыўна:
(Багінская: ) “Найбольшая актыўнасьць была ў пачатку кампаніі. Цяпер я таксама назіраю — два дні засталося да заканчэньня збору, і народ актыўна пачаў падпісвацца”.
А вось як патлумачылі свой выбар людзі, якія адпаведна падпісаліся за Аляксандра Мілінкевіча, Зянона Пазьняка і Аляксандра Казуліна:
(Спадарыня: ) “У нашым жыцьці патрэбныя перамены”.
(Спадар: ) “За Пазьняка. Бо ён больш дэмакратычны. Трэба, каб больш было свабоды”.
(Хлопец: ) “Ва ўсім павінна быць нейкая разнастайнасьць”.