Лінкі ўнівэрсальнага доступу

АБСЭ пакуль ня вызначылася з назіраньнем за выбарамі ў Беларусі


Радыё Свабода У Менску распачала працу тэхнічная місія Бюро дэмакратычных інстытутаў і правоў чалавека АБСЭ. У яе складзе кіраўнік дэпартамэнту па выбарах Бюро АБСЭ Джэралд Мітчэл і дарадца ў справе выбараў спадарыня Рутраўф.

Перад любой місіяй АБСЭ ў справе назіраньня за выбарамі для ацэнкі сытуацыі ў краіну прыяжджае тэхнічная місія. Пасьля працы гэтай місіі Бюро дэмакратычных інстытутаў прыме рашэньне пра назіраньне за выбарамі. Паводле прадстаўніка Бюро дэмакратычных інстытутаў і правоў чалавека спадара Бадэна, гэтае рашэньне агучаць празь некалькі дзён пасьля працы тэхнічнай місіі.

(Бадэн: ) “Пакуль не было прынята ніякіх рашэньняў адносна назіраньня за прэзыдэнцкімі выбарамі ў Беларусі. Пасьля гэтай місіі будзе прынята рашэньне, ці будзе місія АБСЭ ў назіраньні за выбарамі і які будзе яе склад: колькі доўгатэрміновых і кароткатэрміновых назіральнікаў і гэтак далей”.

Місія будзе знаходзіцца ў Менску тры дні. У яе адбудзецца шэраг сустрэчаў, у тым ліку ў беларускім Міністэрстве замежных справаў і ў Цэнтравыбаркаме.

Назіральнікі Бюро АБСЭ працавалі на парлямэнцкіх выбарах 2000 і 2004 гадоў, а таксама на прэзыдэнцкіх выбарах 2001 году. На парлямэнцкіх выбарах 2004 году ў Беларусі працавала каля трохсот назіральнікаў БДіПЧ. Яны аднак не вялі назіраньня за рэфэрэндумам аб падаўжэньні прэзыдэнцкіх паўнамоцтваў Аляксандра Лукашэнкі. На выбарах у 2001 годзе місія распачала працу са спазьненьнем, бо затрымалася запрашэньне ад афіцыйнага Менску. На выбарах 2001 году працавала абмежаваная тэхнічная місія назіральнікаў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG