У ініцыятыўнай групе Аляксандра Мілінкевіча перакананыя, што ў каляндарыках, якія сталі падставай для папярэджаньня ЦВК, не было ніякай агітацыі.
Акрамя таго, як паведаміў кіраўнік юрыдычнай службы штабу падтрымкі Аляксандра Мілінкевіча Ўладзімер Лабковіч, у скаргах зьвяртаецца ўвага на тое, што згодна з 49 артыкулам Выбарчага кодэксу, ЦВК ня мае права выносіць папярэджаньні ініцыятыўным групам прэтэндэнтаў:
(Лабковіч: ) “Толькі тэрытарыяльныя выбарчыя камісіі могуць выносіць папярэджаньне ініцыятыўнай групе за парушэньне на сваёй тэрыторыі падчас збору подпісаў. А Цэнтральная камісія можа толькі адмяніць рэгістрацыю кандыдата”.
Такое ж меркаваньне юрыста праваабарончага цэнтру “Вясна” Валянціна Стэфановіча, які апублікаваў на гэты конт сваё заключэньне. Аднак старшыня ЦВК Лідзія Ярмошына перакананая, што яе камісія дзейнічала адпаведна з законам:
(Ярмошына: ) “Якім чынам тэрытарыяльная камісія можа выносіць рашэньне па ініцыятыўнай групе, якую зарэгістравала Цэнтральная камісія? Гэта будзе перавышэньнем паўнамоцтваў, таму спадар Стэфановіч проста непісьменны”.
Спадарыня Ярмошына мяркуе, што рашэньні ЦВК у гэтым выпадку нават не падлягаюць абскарджаньню ў Вярхоўным судзе:
(Ярмошына: ) “Мы зьяўляемся апошняй канчатковай інстанцыяй, яны могуць толькі апратэставаць гэта ў пракуратуру”.
Лідзія Ярмошына заявіла, што гэтае папярэджаньне групе Мілінкевіча будзе разглядацца і пры рэгістрацыі кандыдатаў, як і магчымыя новыя факты парушэньняў. Аднак гэта не абавязак, а права Цэнтральнай камісіі, падкрэсьліла спадарыня Ярмошына.
Тым часам Сяргей Папкоў, кіраўнік ініцыятыўнай групы Зянона Пазьняка, якая таксама атрымала папярэджаньне ЦВК за распаўсюд друкаванай прадукцыі, заявіў, што ня будзе яго абскарджваць у Вярхоўным судзе і пракуратуры.
(Папкоў: ) “Не, мы гэтай пустой справай не зьбіраемся займацца… А што, у нас суд самастойны? Гэта як адна галінка і другая галінка”.
Акрамя таго, як паведаміў кіраўнік юрыдычнай службы штабу падтрымкі Аляксандра Мілінкевіча Ўладзімер Лабковіч, у скаргах зьвяртаецца ўвага на тое, што згодна з 49 артыкулам Выбарчага кодэксу, ЦВК ня мае права выносіць папярэджаньні ініцыятыўным групам прэтэндэнтаў:
(Лабковіч: ) “Толькі тэрытарыяльныя выбарчыя камісіі могуць выносіць папярэджаньне ініцыятыўнай групе за парушэньне на сваёй тэрыторыі падчас збору подпісаў. А Цэнтральная камісія можа толькі адмяніць рэгістрацыю кандыдата”.
Такое ж меркаваньне юрыста праваабарончага цэнтру “Вясна” Валянціна Стэфановіча, які апублікаваў на гэты конт сваё заключэньне. Аднак старшыня ЦВК Лідзія Ярмошына перакананая, што яе камісія дзейнічала адпаведна з законам:
(Ярмошына: ) “Якім чынам тэрытарыяльная камісія можа выносіць рашэньне па ініцыятыўнай групе, якую зарэгістравала Цэнтральная камісія? Гэта будзе перавышэньнем паўнамоцтваў, таму спадар Стэфановіч проста непісьменны”.
Спадарыня Ярмошына мяркуе, што рашэньні ЦВК у гэтым выпадку нават не падлягаюць абскарджаньню ў Вярхоўным судзе:
(Ярмошына: ) “Мы зьяўляемся апошняй канчатковай інстанцыяй, яны могуць толькі апратэставаць гэта ў пракуратуру”.
Лідзія Ярмошына заявіла, што гэтае папярэджаньне групе Мілінкевіча будзе разглядацца і пры рэгістрацыі кандыдатаў, як і магчымыя новыя факты парушэньняў. Аднак гэта не абавязак, а права Цэнтральнай камісіі, падкрэсьліла спадарыня Ярмошына.
Тым часам Сяргей Папкоў, кіраўнік ініцыятыўнай групы Зянона Пазьняка, якая таксама атрымала папярэджаньне ЦВК за распаўсюд друкаванай прадукцыі, заявіў, што ня будзе яго абскарджваць у Вярхоўным судзе і пракуратуры.
(Папкоў: ) “Не, мы гэтай пустой справай не зьбіраемся займацца… А што, у нас суд самастойны? Гэта як адна галінка і другая галінка”.
