Яшчэ на пачатку лістапада шасьцёра актывістаў прадпрымальніцкага руху падалі заяўку ў Менгарвыканкам на правядзеньне ў Менску мітынгу пратэсту 10 сьнежня а 12-й гадзіне на Кастрычніцкай плошчы. Сёньня ўлады выклікалі заяўнікаў на размову. Сябра руху “За свабоднае разьвіцьцё прадпрымальніцтва” Віктар Калей сказаў, што арганізатараў папярэдзілі пра крымінальную адказнасьць:
“Нам прапанавалі Бангалор, мы адмовіліся ад Бангалору. Нам прапанавалі падпісаць паперу аб крымінальнай адказнасьці, мы адмовіліся. Мы засталіся пры сваім меркаваньні, мы настойваем на Кастрычніцкай плошчы. Мітынг, які б ён ні быў, адбудзецца на Кастрычніцкай плошчы”.
Адзін зь лідэраў прадпрымальніцкага руху Алесь Макаеў сказаў:
“Гэта адзіны шанц адмяніць гэты ўказ – салідарнасьць прадпрымальнікаў менавіта праз гэтую плошчу. Прадпрымальнікі і найманыя асобы бачаць выхад толькі на Кастрычніцкую плошчу. А паводле Канстытуцыі права на мітынгі прадпрымальнікам не забаронена. Магчыма толькі праз гэтую плошчу даць штуршок для салідарнасьці прадпрымальнікаў, каб адмяніць генацыд прадпрымальнікаў. Таму мы цьвёрда выходзім, сэрцы нашы чыстыя і ўпэўненыя”.
Адзін з заяўнікаў мітынгу пратэсту прадпрымальнікаў Віктар Калей дадае:
“760 указ – гэта праблема цэлага слою насельніцтва, больш чым паўмільёна чалавек. І бессэнсоўнае таптаньне на Бангалоры дзеля таннага піяру – нас гэта не задавальняе. Мы хочам вырашаць праблему, а не піярыць”.
Перад сустрэчай у Менгарвыканкаме супрацоўнікі Аддзелу па барацьбе з эканамічнай злачыннасьцю (АБЭЗ) і падатковай інспэкцыі Цэнтральнага раёну ўчынілі праверку прадпрымальніцкай дзейнасьці аднаго з заяўнікаў акцыі Алеся Макаева. Аналягічная праверка праводзілася перад аднадзённым страйкам прадпрымальнікаў 2 кастрычніка і скончылася 17 лістапада. Яшчэ адзін з заяўнікаў мітынгу Алесь Таўстыка арыштаваны на 7 сутак за распаўсюджваньне ўлётак пра мітынг. Сёньня пасьля арышту ён выходзіць на волю са спэцпрыёмніка на Акрэсьціна. Арганізатары цьвердзяць, што ўлады такім чынам спрабуюць іх запалохаць перад акцыяй пратэсту.
“Нам прапанавалі Бангалор, мы адмовіліся ад Бангалору. Нам прапанавалі падпісаць паперу аб крымінальнай адказнасьці, мы адмовіліся. Мы засталіся пры сваім меркаваньні, мы настойваем на Кастрычніцкай плошчы. Мітынг, які б ён ні быў, адбудзецца на Кастрычніцкай плошчы”.
Адзін зь лідэраў прадпрымальніцкага руху Алесь Макаеў сказаў:
Салідарнасьць прадпрымальнікаў менавіта праз гэтую плошчу
Адзін з заяўнікаў мітынгу пратэсту прадпрымальнікаў Віктар Калей дадае:
“760 указ – гэта праблема цэлага слою насельніцтва, больш чым паўмільёна чалавек. І бессэнсоўнае таптаньне на Бангалоры дзеля таннага піяру – нас гэта не задавальняе. Мы хочам вырашаць праблему, а не піярыць”.
Перад сустрэчай у Менгарвыканкаме супрацоўнікі Аддзелу па барацьбе з эканамічнай злачыннасьцю (АБЭЗ) і падатковай інспэкцыі Цэнтральнага раёну ўчынілі праверку прадпрымальніцкай дзейнасьці аднаго з заяўнікаў акцыі Алеся Макаева. Аналягічная праверка праводзілася перад аднадзённым страйкам прадпрымальнікаў 2 кастрычніка і скончылася 17 лістапада. Яшчэ адзін з заяўнікаў мітынгу Алесь Таўстыка арыштаваны на 7 сутак за распаўсюджваньне ўлётак пра мітынг. Сёньня пасьля арышту ён выходзіць на волю са спэцпрыёмніка на Акрэсьціна. Арганізатары цьвердзяць, што ўлады такім чынам спрабуюць іх запалохаць перад акцыяй пратэсту.
