Газэта “Вечерний Бобруйск” паведамляе пра юбілей бабруйскай школы, якой сёлета споўнілася 70 гадоў. На сьвята прыяжджала выпускніца Лідзія Ярмошына, міністар лёгкай прамысловасьці Эдуард Нарышкін ды іншыя вядомыя цяпер у грамадзтве асобы.
Рэдакцыя газэты правяла круглы стол з прадпрымальнікамі і прадстаўнікамі адміністрацыі. Усе мелі магчымасьць выказаць свае думкі. У Бабруйску некалькі гандлёвых цэнтраў. Сотні прадпрымальнікаў ад 1 студня могуць пазбавіцца працы.
“Дзе схаваны “Юзэф”? Пад такім загалоўкам аўтар публікацыі “Вольнага Глыбокага” дасьледуе пытаньне, дзе знакаміты звон, які празвалі “Юзэфам”. У 1937 годзе звон быў адліты і падараваны гораду на знак памяці маршала Юзэфа Пілсудскага, які нарадзіўся на Віленшчыне. Ён часта наведваў Глыбокае, а ягоныя сваякі валодалі маёнткам Моцар.
Гаворыць рэдактар “Вольнага Глыбокага” Ўладзімір Скрабатун:
“Потым пачалася Другая сусьветная вайна. Немцы загадалі зьняць званы. Немцы прыйшлі забіраць званы, а іх няма. Паводле мясцовага паданьня немцы расстралялі тых людзей, якія здымалі званы. Але застаўся адзін сьведка. Ён быў маладзейшы і потым зьехаў у Польшчу. У 70-я гады ён прыяжджаў у Глыбокае і казаў мясцовым уладам, што трэба адшукаць звон. А тады ў 70-я царкву і касьцёл хацелі, ўвогуле, зносіць. Цяпер новы ксёндз Мечыслаў кажа, што трэба шукаць гэты звон”.
У Глыбокім для касьцёлу спатрэбілася пабудаваць парафіяльны дом. Сьвятары пачалі шукаць месца. Але мясцовыя жыхары прыгадалі, што раней на месцы крамы стаяла плябанія, пабудаваная ў стылі барока. Захаваліся фотаздымкі будынку. Ці падтрымаюць мясцовыя ўлады ідэю адрадзіць архітэктурны воблік? Ці захаваецца для будучыні стары горад? Чытайце пра гэта ў сьвежым нумары газэты “Вольнае Глыбокае”.
Газэта “Комсомольская правда” паведамляе, што ў краіне засталося толькі дзьве фірмы-майстэрні, дзе можна адрамантаваць сотавы тэлефон. Справа ў тым, што ад 1 сьнежня ўступіў у сілу новы закон, згодна зь якім майстэрням трэба мець не ліцэнзію на працу, а сэртыфікат.
У Менску будзе акеанарыюм-дэльфінарый. Заапарк у сталіцы зьявіўся ў 1984 годзе. Цяпер гарадзкія ўлады вырашылі аднавіць заапарк і павялічыць яго плошчу ў шэсьць разоў.
Рэдакцыя газэты правяла круглы стол з прадпрымальнікамі і прадстаўнікамі адміністрацыі. Усе мелі магчымасьць выказаць свае думкі. У Бабруйску некалькі гандлёвых цэнтраў. Сотні прадпрымальнікаў ад 1 студня могуць пазбавіцца працы.
“Дзе схаваны “Юзэф”? Пад такім загалоўкам аўтар публікацыі “Вольнага Глыбокага” дасьледуе пытаньне, дзе знакаміты звон, які празвалі “Юзэфам”. У 1937 годзе звон быў адліты і падараваны гораду на знак памяці маршала Юзэфа Пілсудскага, які нарадзіўся на Віленшчыне. Ён часта наведваў Глыбокае, а ягоныя сваякі валодалі маёнткам Моцар.
Гаворыць рэдактар “Вольнага Глыбокага” Ўладзімір Скрабатун:
“Потым пачалася Другая сусьветная вайна. Немцы загадалі зьняць званы. Немцы прыйшлі забіраць званы, а іх няма. Паводле мясцовага паданьня немцы расстралялі тых людзей, якія здымалі званы. Але застаўся адзін сьведка. Ён быў маладзейшы і потым зьехаў у Польшчу. У 70-я гады ён прыяжджаў у Глыбокае і казаў мясцовым уладам, што трэба адшукаць звон. А тады ў 70-я царкву і касьцёл хацелі, ўвогуле, зносіць. Цяпер новы ксёндз Мечыслаў кажа, што трэба шукаць гэты звон”.
У Глыбокім для касьцёлу спатрэбілася пабудаваць парафіяльны дом. Сьвятары пачалі шукаць месца. Але мясцовыя жыхары прыгадалі, што раней на месцы крамы стаяла плябанія, пабудаваная ў стылі барока. Захаваліся фотаздымкі будынку. Ці падтрымаюць мясцовыя ўлады ідэю адрадзіць архітэктурны воблік? Ці захаваецца для будучыні стары горад? Чытайце пра гэта ў сьвежым нумары газэты “Вольнае Глыбокае”.
Газэта “Комсомольская правда” паведамляе, што ў краіне засталося толькі дзьве фірмы-майстэрні, дзе можна адрамантаваць сотавы тэлефон. Справа ў тым, што ад 1 сьнежня ўступіў у сілу новы закон, згодна зь якім майстэрням трэба мець не ліцэнзію на працу, а сэртыфікат.
У Менску будзе акеанарыюм-дэльфінарый. Заапарк у сталіцы зьявіўся ў 1984 годзе. Цяпер гарадзкія ўлады вырашылі аднавіць заапарк і павялічыць яго плошчу ў шэсьць разоў.
