Намесьнік кіраўніка беларускага ўраду Аляксандар Касінец прызнаў, што ў краіне існуе дэфіцыт лекараў:
“У краіне не хапае 4260 лекараў. Зробленыя захады для павелічэньня прыёму абітурыентаў у мэдычныя ВНУ. У наступным годзе ён будзе павялічаны коштам бюджэту на 2100 чалавек. І ня менш за палову ад гэтага будуць прынятыя на пазабюджэтныя месцы. Але ліквідацыя дэфіцыту лекараў будзе дасягнутая толькі да 2013 году”.
Пэдыятар Ганна Асмалоўская тлумачыць, чаму многія яе калегі пакідаюць службу:
“Заробак мізэрны. Нават тыя, каму падабаецца гэтая праца, мусяць сыходзіць, бо не хапае грошай. Працаваць у прынцыпе можна, але ж трэба за гэта і добра атрымліваць”.
Віцэ-прэм’ер занепакоены стратамі бюджэту:
“З захворваньнямі зьвязаныя велізарныя фінансавыя страты дзяржавы. Толькі летась на аплату лісткоў непрацаздольнасьці пайшоў 551 мільярд рублёў.
А прадукцыя, якую не зрабілі, дала б 3 трыльёны 750 мільярдаў рублёў. Эканамічныя страты склалі 4 трыльёны 309 мільярдаў рублёў. Гэта 5,4% ад валавога ўнутранага прадукту”.
Эканаміст Леанід Злотнікаў параўноўвае гэтыя лічбы:
“Усе выдаткі на народную гаспадарку зь бюджэту складаюць прыкладна 5 трыльёнаў. Гэта і на сельскую гаспадарку пераважна, і на прамысловасьць. 4,5 трыльёна — выдаткі на дзяржаўнае кіраваньне”.
Аляксандар Касінец прапанаваў дэпутатам прыняць спэцыяльны закон аб здароўі народу. “Можа, пасьля гэтага хоць некаторыя будуць сачыць за здароўем так, як яны сочаць за ўласным аўтамабілем”, — сказаў ён.
А дэпутат Віктар Марахін прапанаваў прадугледзець у бюджэце спэцыяльныя выплаты — матэрыяльныя ўзнагароды тым, хто не хварэе.
Аднак міністар эканомікі Мікалай Зайчанка ня бачыць, як гэта можна зрабіць цэнтралізавана:
“На ўзроўні суб’ектаў гаспадараньня такую палітыку можна рэалізаваць больш эфэктэўна, на мой погляд”.
Віцэ-прэм’ер А. Касінец: “У Беларусі не хапае лекараў”, 28.11.2007
“У краіне не хапае 4260 лекараў. Зробленыя захады для павелічэньня прыёму абітурыентаў у мэдычныя ВНУ. У наступным годзе ён будзе павялічаны коштам бюджэту на 2100 чалавек. І ня менш за палову ад гэтага будуць прынятыя на пазабюджэтныя месцы. Але ліквідацыя дэфіцыту лекараў будзе дасягнутая толькі да 2013 году”.
Пэдыятар Ганна Асмалоўская тлумачыць, чаму многія яе калегі пакідаюць службу:
“Заробак мізэрны. Нават тыя, каму падабаецца гэтая праца, мусяць сыходзіць, бо не хапае грошай. Працаваць у прынцыпе можна, але ж трэба за гэта і добра атрымліваць”.
Віцэ-прэм’ер занепакоены стратамі бюджэту:
“З захворваньнямі зьвязаныя велізарныя фінансавыя страты дзяржавы. Толькі летась на аплату лісткоў непрацаздольнасьці пайшоў 551 мільярд рублёў.
А прадукцыя, якую не зрабілі, дала б 3 трыльёны 750 мільярдаў рублёў. Эканамічныя страты склалі 4 трыльёны 309 мільярдаў рублёў. Гэта 5,4% ад валавога ўнутранага прадукту”.
Эканаміст Леанід Злотнікаў параўноўвае гэтыя лічбы:“Усе выдаткі на народную гаспадарку зь бюджэту складаюць прыкладна 5 трыльёнаў. Гэта і на сельскую гаспадарку пераважна, і на прамысловасьць. 4,5 трыльёна — выдаткі на дзяржаўнае кіраваньне”.
Аляксандар Касінец прапанаваў дэпутатам прыняць спэцыяльны закон аб здароўі народу. “Можа, пасьля гэтага хоць некаторыя будуць сачыць за здароўем так, як яны сочаць за ўласным аўтамабілем”, — сказаў ён.
А дэпутат Віктар Марахін прапанаваў прадугледзець у бюджэце спэцыяльныя выплаты — матэрыяльныя ўзнагароды тым, хто не хварэе.
Аднак міністар эканомікі Мікалай Зайчанка ня бачыць, як гэта можна зрабіць цэнтралізавана:
“На ўзроўні суб’ектаў гаспадараньня такую палітыку можна рэалізаваць больш эфэктэўна, на мой погляд”.
Віцэ-прэм’ер А. Касінец: “У Беларусі не хапае лекараў”, 28.11.2007
