Адвакат Зьміцер Гарачка сустрэўся з Аляксандрам Казуліным і апавёў пра гэтую сустрэчу дачцэ вязьня Вользе.
Як паведаміла Вольга Казуліна, яе бацька праз пошту не атрымлівае ніякай інфармацыі пра палітычныя падзеі ў краіне:
“Ён вельмі цікавіцца палітычнымі падзеямі, зьвесткамі пра нашу партыю — Беларускую сацыял-дэмакратычную Грамаду. Але яму не хапае інфармацыі. Бо ўсё, што мы яму палітычнае дасылаем, канфіскоўваюць. Да яго нічога не даходзіць”.
Працягваецца і рэальная ізаляцыя Аляксандра Казуліна ў віцебскай калёніі. Паводле зьвестак Вольгі, вязьні баяцца кантактаваць зь яе бацькам, бо за гэта ім пагражаюць рэпрэсіі з боку адміністрацыі:
“Ён адзін. Ніхто зь ім не размаўляе, ніхто нават у тэніс не гуляе. Хоць там у калёніі знаходзіцца болей за тысячу чалавек, зь ім ніхто не кантактуе. Усе баяцца”.
Нагадаем, пасьля галадоўкі Аляксандра Казуліна, якая скончылася летась у сьнежні, шмат хто зь вязьняў яго маральна падтрымліваў, дапамагаў парадамі, выконваў дробныя даручэньні.
Гэтых людзей неўзабаве альбо пакаралі карцарам, альбо перавялі ў іншыя атрады ці нават у іншыя калёніі.
Гэтак паступова вакол Аляксандра Казуліна ўтварыўся вакуўм. Сваякі апазыцыянэра мяркуюць, што гэта зроблена дзеля псыхалягічнага ціску. Але, паводле Вольгі Казулінай, яе бацька прыстасаваўся — ён шмат чытае альбо глядзіць відэафільмы.
Як пачуваецца цяпер Аляксандар Казулін, які падчас галадоўкі схуднеў больш як на 25 кіляграмаў? Паводле апошніх зьвестак, здароўе палітыка не палепшала, кажа дачка Казуліна:
“У яго хворы страўнік, ён слабы, мышцаў няма, ад працы хутка стамляецца. Ведаем, што нядаўна прымаў лекі ад страўніка і ад галаўнога болю. Але ўсё роўна ён разумее, што ў калёніі паправіць здароўя яму не дадуць. Бо няма галоўнага — добрага харчаваньня. Што можам, мы яму перадаем, але гэтага недастаткова”.
У канцы лістапада адбудзецца доўгатэрміновае спатканьне Аляксандра Казуліна са сваякамі.
У Менску адбудзецца пікет за вызваленьне Аляксандра Казуліна, 24.10.07 В. Чаму пракуратура не адказвае на скаргі адносна справы А.Казуліна?, 20.10.07
Як паведаміла Вольга Казуліна, яе бацька праз пошту не атрымлівае ніякай інфармацыі пра палітычныя падзеі ў краіне:
“Ён вельмі цікавіцца палітычнымі падзеямі, зьвесткамі пра нашу партыю — Беларускую сацыял-дэмакратычную Грамаду. Але яму не хапае інфармацыі. Бо ўсё, што мы яму палітычнае дасылаем, канфіскоўваюць. Да яго нічога не даходзіць”.
Працягваецца і рэальная ізаляцыя Аляксандра Казуліна ў віцебскай калёніі. Паводле зьвестак Вольгі, вязьні баяцца кантактаваць зь яе бацькам, бо за гэта ім пагражаюць рэпрэсіі з боку адміністрацыі:
“Ён адзін. Ніхто зь ім не размаўляе, ніхто нават у тэніс не гуляе. Хоць там у калёніі знаходзіцца болей за тысячу чалавек, зь ім ніхто не кантактуе. Усе баяцца”.
Нагадаем, пасьля галадоўкі Аляксандра Казуліна, якая скончылася летась у сьнежні, шмат хто зь вязьняў яго маральна падтрымліваў, дапамагаў парадамі, выконваў дробныя даручэньні.
Гэтых людзей неўзабаве альбо пакаралі карцарам, альбо перавялі ў іншыя атрады ці нават у іншыя калёніі.
Гэтак паступова вакол Аляксандра Казуліна ўтварыўся вакуўм. Сваякі апазыцыянэра мяркуюць, што гэта зроблена дзеля псыхалягічнага ціску. Але, паводле Вольгі Казулінай, яе бацька прыстасаваўся — ён шмат чытае альбо глядзіць відэафільмы.
Як пачуваецца цяпер Аляксандар Казулін, які падчас галадоўкі схуднеў больш як на 25 кіляграмаў? Паводле апошніх зьвестак, здароўе палітыка не палепшала, кажа дачка Казуліна:
“У яго хворы страўнік, ён слабы, мышцаў няма, ад працы хутка стамляецца. Ведаем, што нядаўна прымаў лекі ад страўніка і ад галаўнога болю. Але ўсё роўна ён разумее, што ў калёніі паправіць здароўя яму не дадуць. Бо няма галоўнага — добрага харчаваньня. Што можам, мы яму перадаем, але гэтага недастаткова”.
У канцы лістапада адбудзецца доўгатэрміновае спатканьне Аляксандра Казуліна са сваякамі.
У Менску адбудзецца пікет за вызваленьне Аляксандра Казуліна, 24.10.07 В. Чаму пракуратура не адказвае на скаргі адносна справы А.Казуліна?, 20.10.07
