Сёньня раніцай у Тбілісі цягам некалькіх гадзін паліцыя разганяла дэманстрантаў з праспэкту Руставэлі. Паліцыянты з дубінкамі пачалі разгон дэманстрантаў з групы перад будынкам парлямэнту - гэта былі прыкладна 100 дэманстрантаў, у іх ліку каля 10 галадоўнікаў.
Разгон дэманстрацыі завяршыўся хаосам, некалькі актывістаў апазыці затрыманыя. Тэлеканалы паведамлялі, што ім заміналі фільмаваць, але відэа са сцэнамі гвалту тым не меней зьявіліся ў смі і інтэрнэце.
Мэр Тбілісі Гігі Ўгулава сёньня сказаў на ранішнім брыфінгу, што ўлады прынялі “своечасовае рашэньне” расчысьціць гарадзкую магістраль:
“Дэманстранты хацелі пераўтварыць Тбілісі ў горад намётаў, і мы прадухілілі гэта. Так, мы прадухілілі гэта найперш таму, што гэтага ад нас патрабуе закон і таксама таму, што гэта ў інтарэсах кожнага з нашых грамадзянаў – законнае жаданьне, каб іх горад, іх краіна больш ніколі не пераўтварыліся ў горад намётаў і спальнікаў”.
Але неўзабаве пасьля разгону, тысячы дэманстрантаў і лідэры апазыцыі ізноў заблякавалі праспэкт Руставэлі.
Паліцыя заклікала дэманстрантаў разысьціся, пасьля былі ўжытыя вадамёты і сьлезацечны газ. Грузінскія тэлеканалы трансьлявалі ў жывым эфіры, як паліцыя разганяла і зьбівала дэманстрантаў. Колькасьць параненых пакуль невядомая.
Дзесяткі дэманстрантаў, у тым ліку некалькі палітычных лідэраў, схаваліся у будынку парлямэнту. Сьпікер Ніно Бурджанадзэ выйшла да іх з просьбай пакінуць будынак і паабяцала ім поўную бясьпеку.
Лідэры апазыцыі асудзілі разгон, у іх ліку і былы міністар замежных спраў Саломэ Зурабішвілі:
“Дэмакратыя на нашым баку, і гэты ўрад паказаў сябе праз дзеяньні войска сёньня раніцай – тысячы чалавек у паліцэйскай уніформе, - супраць пратэстоўцаў, супраць галадоўнікаў, сярод якіх былі жанчыны. І калі улады гэта называюць дэмакратыяй, то я думаю, - мы ведаем лепш, што ёсьць дэмакратыя. Мы просім сяброў Грузіі быць нашымі сябрамі, а не спадара Саакашвілі. Сёньня ён паказаў, што ён – бальшавіцкі дыктатар”.
Апазыцыя і ўлады папракаюць адно аднаго ў сувязях з Расеяй.
Апазыцыйная моладзь пікетавала расейскую амбасаду з патрабаваньнем “забраць Саакашвілі ў Расею”, а прэзыдэнт Саакашвілі ў нядзелю заявіў, што за дэманстрацыямі стаяць расейскія алігархі.
Сёньня міністар унутраных справаў Грузіі распаўсюдзіў аўдыё- і відэазапісы тэлефонных размоваў і сустрэчаў лідэраў апазыцыі з асобамі з Расеі, якія, паводле міністра, зьяўляюцца агентамі расейскай выведкі.
Вядучы грузінскі палітычны аналітык Гіа Нодыя (Ghia Nodia) адзначае, што “бачыць ва ўсім расейскі фактар” – гэта пэўны кшталт інэрцыі.
“Да пэўнай мяжы, такі аргумэнт эфэктыўны, але яго моц абмежаваная. Я думаю, што ўрад трохі перастараўся, ужываючы гэты фактар, і гэта можа прывесьці да аслабленьня гэтага аргумэнту, - які, вядома, не зусім беспадстаўны. Але ўрад працягвае верыць, што гэткая аргумэнтацыя мае вялікае значэньне," - адзначыў грузінскі палітычны аналітык Гіа Нодыя.
Перамовы паміж лідэрамі апазыцыі і прадстаўнікамі ўлады маюць адбыцца пазьней сёньня.
Разгон дэманстрацыі завяршыўся хаосам, некалькі актывістаў апазыці затрыманыя. Тэлеканалы паведамлялі, што ім заміналі фільмаваць, але відэа са сцэнамі гвалту тым не меней зьявіліся ў смі і інтэрнэце.
Мэр Тбілісі Гігі Ўгулава сёньня сказаў на ранішнім брыфінгу, што ўлады прынялі “своечасовае рашэньне” расчысьціць гарадзкую магістраль:
“Дэманстранты хацелі пераўтварыць Тбілісі ў горад намётаў, і мы прадухілілі гэта. Так, мы прадухілілі гэта найперш таму, што гэтага ад нас патрабуе закон і таксама таму, што гэта ў інтарэсах кожнага з нашых грамадзянаў – законнае жаданьне, каб іх горад, іх краіна больш ніколі не пераўтварыліся ў горад намётаў і спальнікаў”.
Але неўзабаве пасьля разгону, тысячы дэманстрантаў і лідэры апазыцыі ізноў заблякавалі праспэкт Руставэлі.
Паліцыя заклікала дэманстрантаў разысьціся, пасьля былі ўжытыя вадамёты і сьлезацечны газ. Грузінскія тэлеканалы трансьлявалі ў жывым эфіры, як паліцыя разганяла і зьбівала дэманстрантаў. Колькасьць параненых пакуль невядомая.
Дзесяткі дэманстрантаў, у тым ліку некалькі палітычных лідэраў, схаваліся у будынку парлямэнту. Сьпікер Ніно Бурджанадзэ выйшла да іх з просьбай пакінуць будынак і паабяцала ім поўную бясьпеку.
Лідэры апазыцыі асудзілі разгон, у іх ліку і былы міністар замежных спраў Саломэ Зурабішвілі:
“Дэмакратыя на нашым баку, і гэты ўрад паказаў сябе праз дзеяньні войска сёньня раніцай – тысячы чалавек у паліцэйскай уніформе, - супраць пратэстоўцаў, супраць галадоўнікаў, сярод якіх былі жанчыны. І калі улады гэта называюць дэмакратыяй, то я думаю, - мы ведаем лепш, што ёсьць дэмакратыя. Мы просім сяброў Грузіі быць нашымі сябрамі, а не спадара Саакашвілі. Сёньня ён паказаў, што ён – бальшавіцкі дыктатар”.
Апазыцыя і ўлады папракаюць адно аднаго ў сувязях з Расеяй.
Апазыцыйная моладзь пікетавала расейскую амбасаду з патрабаваньнем “забраць Саакашвілі ў Расею”, а прэзыдэнт Саакашвілі ў нядзелю заявіў, што за дэманстрацыямі стаяць расейскія алігархі.
Сёньня міністар унутраных справаў Грузіі распаўсюдзіў аўдыё- і відэазапісы тэлефонных размоваў і сустрэчаў лідэраў апазыцыі з асобамі з Расеі, якія, паводле міністра, зьяўляюцца агентамі расейскай выведкі.
Вядучы грузінскі палітычны аналітык Гіа Нодыя (Ghia Nodia) адзначае, што “бачыць ва ўсім расейскі фактар” – гэта пэўны кшталт інэрцыі.
“Да пэўнай мяжы, такі аргумэнт эфэктыўны, але яго моц абмежаваная. Я думаю, што ўрад трохі перастараўся, ужываючы гэты фактар, і гэта можа прывесьці да аслабленьня гэтага аргумэнту, - які, вядома, не зусім беспадстаўны. Але ўрад працягвае верыць, што гэткая аргумэнтацыя мае вялікае значэньне," - адзначыў грузінскі палітычны аналітык Гіа Нодыя.
Перамовы паміж лідэрамі апазыцыі і прадстаўнікамі ўлады маюць адбыцца пазьней сёньня.
