Міхаіл Чыгір, былы прэм’ер-міністар, тлумачыць, чаму для яго сёньняшні дзень не зьяўляецца сьвяточным:
“Я гэты дзень не адзначаю. Тым больш, што мая цешча была рэпрэсаваная. Якое тут можа быць сьвята? Нават па тэлебачаньні днямі прагучала, што семдзесят гадоў таму сто найлепшых людзей Беларусі расстралялі ў “амэрыканцы”. Дык што тут сьвяткаваць?
Ня сьвята гэта для нас. Дый цешча не зразумела б гэтага. Таму што гэтыя ўспаміны ў яе акрамя сьлёз на вачах нічога не выклікаюць”.
Алену Скрыган, сакратара ЦК Партыі камуністаў беларускай, якую ачольвае Сяргей Калякін, мой званок засьпеў у адной зь менскіх кавярань:
“Мы цяпер знаходзімся ў кафэ і адзначаем гэтае сьвята. І ўжо нават выпілі за яго па чарцы гарбаты! (Сьмяецца.)
Адзначаецца дата такой зьявы, якая аказала гістарычнае ўзьдзеяньне на ўвесь сьвет. Тое, што капіталізм сацыялізаваўся, гэта ўплыў Вялікай кастрычніцкай рэвалюцыі.
І тыя лёзунгі, якія дала гэта рэвалюцыя, адпавядаюць марам чалавецтва. Але я лічу, яны дагэтуль не ўвасобленыя. І таму задача ня толькі нашага, але і будучых пакаленьняў — працаваць над іх увасабленьнем. І гэта дасьць магчымасьць усім людзям, усім народам жыць у спакойным сьвеце. Жыць так, каб было больш шчасьця”.
Станіслаў Шушкевіч, старшыня Вярхоўнага Савету Беларусі 12-га скліканьня, падчас майго тэлефанаваньня знаходзіўся за рулём сваіх “жыгулёў”. Разам зь сям’ёй ён ехаў на лецішча:
“Сьвяткаваць?! (Сьмяецца.) Такое мне ў галаву не прыходзіць. Хопіць зь мяне савецкага часу. Тады я доўга верыў, што гэта сапраўды сьвята. А цяпер ужо ні я, ні мая сям’я ня лічым гэты дзень сьвятам. Таму і не адзначаем, зразумела”.
Дэпутат Палаты прадстаўнікоў папярэдняга скліканьня Сяргей Скрабец гаворыць, што 7 лістапада ён традыцыйна ходзіць да бацькоў:
“Я бацьку клічу “чырвоным дырэктарам”. І для яго гэты дзень сьвяточны.
А сам я лічу, што пры ўсіх тых злачынствах, што нарабіла савецкая ўлада, асабліва ў гады сталінізму, было і значнае: перамога над фашыстамі, палёты ў космас. Гэта таксама было пры камуністах.
Але, відавочна і тое, што камуністы павінны публічна пакаяцца за тыя злачынствы, якія яны нарабілі. Нават папа рымскі знайшоў у сабе сілы пакаяцца за злачынствы інквізыцыі. А камуністы дагэтуль маўчаць”.
7 лістапада застаецца чырвонай датай толькі для Беларусі , 24.05.2007 Прывід камунізму блукае па Беларусі , 11.07.2007
“Я гэты дзень не адзначаю. Тым больш, што мая цешча была рэпрэсаваная. Якое тут можа быць сьвята? Нават па тэлебачаньні днямі прагучала, што семдзесят гадоў таму сто найлепшых людзей Беларусі расстралялі ў “амэрыканцы”. Дык што тут сьвяткаваць?
Ня сьвята гэта для нас. Дый цешча не зразумела б гэтага. Таму што гэтыя ўспаміны ў яе акрамя сьлёз на вачах нічога не выклікаюць”.
Алену Скрыган, сакратара ЦК Партыі камуністаў беларускай, якую ачольвае Сяргей Калякін, мой званок засьпеў у адной зь менскіх кавярань:
“Мы цяпер знаходзімся ў кафэ і адзначаем гэтае сьвята. І ўжо нават выпілі за яго па чарцы гарбаты! (Сьмяецца.)
Адзначаецца дата такой зьявы, якая аказала гістарычнае ўзьдзеяньне на ўвесь сьвет. Тое, што капіталізм сацыялізаваўся, гэта ўплыў Вялікай кастрычніцкай рэвалюцыі.
І тыя лёзунгі, якія дала гэта рэвалюцыя, адпавядаюць марам чалавецтва. Але я лічу, яны дагэтуль не ўвасобленыя. І таму задача ня толькі нашага, але і будучых пакаленьняў — працаваць над іх увасабленьнем. І гэта дасьць магчымасьць усім людзям, усім народам жыць у спакойным сьвеце. Жыць так, каб было больш шчасьця”.
Станіслаў Шушкевіч, старшыня Вярхоўнага Савету Беларусі 12-га скліканьня, падчас майго тэлефанаваньня знаходзіўся за рулём сваіх “жыгулёў”. Разам зь сям’ёй ён ехаў на лецішча:
“Сьвяткаваць?! (Сьмяецца.) Такое мне ў галаву не прыходзіць. Хопіць зь мяне савецкага часу. Тады я доўга верыў, што гэта сапраўды сьвята. А цяпер ужо ні я, ні мая сям’я ня лічым гэты дзень сьвятам. Таму і не адзначаем, зразумела”.
Дэпутат Палаты прадстаўнікоў папярэдняга скліканьня Сяргей Скрабец гаворыць, што 7 лістапада ён традыцыйна ходзіць да бацькоў:
“Я бацьку клічу “чырвоным дырэктарам”. І для яго гэты дзень сьвяточны.
А сам я лічу, што пры ўсіх тых злачынствах, што нарабіла савецкая ўлада, асабліва ў гады сталінізму, было і значнае: перамога над фашыстамі, палёты ў космас. Гэта таксама было пры камуністах.
Але, відавочна і тое, што камуністы павінны публічна пакаяцца за тыя злачынствы, якія яны нарабілі. Нават папа рымскі знайшоў у сабе сілы пакаяцца за злачынствы інквізыцыі. А камуністы дагэтуль маўчаць”.
7 лістапада застаецца чырвонай датай толькі для Беларусі , 24.05.2007 Прывід камунізму блукае па Беларусі , 11.07.2007
