Да нядаўняга часу на Цэнтральным рынку абласнога цэнтру яйкі прадавалі, сама меней, дзесятак гандляроў. І курыныя, і перапёлчыны. Прычым, ня толькі мясцовых вытворцаў, але й менскай птушфабрыкі.
Сёньня а адзінаццатай гадзіне маладая прадавачка папярэджвала пакупнікоў, каб чаргу не займалі: “Няма яек! Прададзеныя”.
Гараджане былі зьдзіўленыя:
Спадар: “ Увесь час усюды прадавалі яйкі. А цяпер ня купіш...”
Спадарыня: “Яек не купіла. Хаджу, гляджу – усё зачынена”.
Спадарыня: “Можа, на фабрыцы які перабой? Невядома, што здарылася”.
Спадарыня: “ І дарагія такія – па дзьве тысячы дзьвесьце, дзьве тысячы трыста рублёў”.
Спадар: “Раней прадавалі па дзьве тысячы за дзесятак, і па тысячы дзевяцьсот, і па тысячы восемсот. А цяпер – па дзьве тысячы чатырыста рублёў”.
У Гомельскім аблспажыўсаюзе, якому належыць Цэнтральны рынак, таксама зьдзіўляюцца адсутнасьці ў продажы яек.
Намесьнік старшыні аблспажыўсаюзу Сяргей Марчук:
Марчук: “У гэтую хвіліну я не гатовы адказаць на пытаньне. Удакладню. Запрашу начальніка гандлёвага ўпраўленьня, які курыруе рынкі. Але першы раз я пра гэта чую. Праблемаў рэалізацыі ў нас не было”.
Карэспандэнт: “У Гомелі кажуць пра тое, што нібыта індывідуальным прадпрымальнікам забаранілі продаж яек. Таму й ўзьнікаюць складанасьці – мала, не хапае курыных яек”.
Марчук: “Першы раз пра гэта чую. Не было ў нас праблемы ў гэтым і з індывідуальнымі прадпрымальнікамі”.
Між тым дэфіцыт яек на рынках наўпрост зьвязаны з рашэньнем беларускага ўраду забараніць прадпрымальнікам гандляваць гэтым таварам.
Распавядае Сьвятлана Цітова, начальніца аддзелу Белкаапсаюзу:
Цітова: “Унесены зьмены ў пастанову Саўміну №1623 пра забарону продажу яек, акрамя вытворцаў. Вытворчае аб’яднаньне “Птушкапрам” своечасова не прыняло меры, каб мець свае гандлёвыя месцы на гэтых рынках і папярэдзіць дэфіцыт, які ўжо ствараецца”.
У Гомелі сёньня ў невялічкай краме на Цэнтральным рынку зламалі дзьверы.
Цітова: “Проста ганьба! А на Камароўцы? Усе ж памятаюць, колькі там месцаў былі занятыя продажам яек. І так гэта будзе цяпер адбывацца на кожным рынку”.
Апошнім часам у крамах абласнога цэнтру прыкметна зьменшыўся й асартымэнт малочных прадуктаў. Да прыкладу, сёньня апоўдні ў харчовай краме “Космас”, што непадалёку ад Цэнтральнага рынку, не было таннага малака. Стаяла толькі ў пачках стэралізаванае малако “Савушкін прадукт” з Берасьця. Прадавачкі сьцьвярджалі, што малако яшчэ не пасьпелі прывезьці.
Не было і менскага тварагу з разынкамі, салодкіх сыркоў. Адсутнічаў дастатковы выбар цьвёрдых сыроў.
Цэнтральны рынак у Гомелі
Сёньня а адзінаццатай гадзіне маладая прадавачка папярэджвала пакупнікоў, каб чаргу не займалі: “Няма яек! Прададзеныя”.
Гараджане былі зьдзіўленыя:
Спадар: “ Увесь час усюды прадавалі яйкі. А цяпер ня купіш...”
Спадарыня: “Яек не купіла. Хаджу, гляджу – усё зачынена”.
Спадарыня: “Можа, на фабрыцы які перабой? Невядома, што здарылася”.
Спадарыня: “ І дарагія такія – па дзьве тысячы дзьвесьце, дзьве тысячы трыста рублёў”.
Спадар: “Раней прадавалі па дзьве тысячы за дзесятак, і па тысячы дзевяцьсот, і па тысячы восемсот. А цяпер – па дзьве тысячы чатырыста рублёў”.
У Гомельскім аблспажыўсаюзе, якому належыць Цэнтральны рынак, таксама зьдзіўляюцца адсутнасьці ў продажы яек.
Намесьнік старшыні аблспажыўсаюзу Сяргей Марчук:
Марчук: “У гэтую хвіліну я не гатовы адказаць на пытаньне. Удакладню. Запрашу начальніка гандлёвага ўпраўленьня, які курыруе рынкі. Але першы раз я пра гэта чую. Праблемаў рэалізацыі ў нас не было”.
Карэспандэнт: “У Гомелі кажуць пра тое, што нібыта індывідуальным прадпрымальнікам забаранілі продаж яек. Таму й ўзьнікаюць складанасьці – мала, не хапае курыных яек”.
Марчук: “Першы раз пра гэта чую. Не было ў нас праблемы ў гэтым і з індывідуальнымі прадпрымальнікамі”.
Між тым дэфіцыт яек на рынках наўпрост зьвязаны з рашэньнем беларускага ўраду забараніць прадпрымальнікам гандляваць гэтым таварам.
Распавядае Сьвятлана Цітова, начальніца аддзелу Белкаапсаюзу:
Цітова: “Унесены зьмены ў пастанову Саўміну №1623 пра забарону продажу яек, акрамя вытворцаў. Вытворчае аб’яднаньне “Птушкапрам” своечасова не прыняло меры, каб мець свае гандлёвыя месцы на гэтых рынках і папярэдзіць дэфіцыт, які ўжо ствараецца”.
У Гомелі сёньня ў невялічкай краме на Цэнтральным рынку зламалі дзьверы.
Цітова: “Проста ганьба! А на Камароўцы? Усе ж памятаюць, колькі там месцаў былі занятыя продажам яек. І так гэта будзе цяпер адбывацца на кожным рынку”.
Апошнім часам у крамах абласнога цэнтру прыкметна зьменшыўся й асартымэнт малочных прадуктаў. Да прыкладу, сёньня апоўдні ў харчовай краме “Космас”, што непадалёку ад Цэнтральнага рынку, не было таннага малака. Стаяла толькі ў пачках стэралізаванае малако “Савушкін прадукт” з Берасьця. Прадавачкі сьцьвярджалі, што малако яшчэ не пасьпелі прывезьці.
Не было і менскага тварагу з разынкамі, салодкіх сыркоў. Адсутнічаў дастатковы выбар цьвёрдых сыроў.
Цэнтральны рынак у Гомелі
